Tite 3:9 - Ala Ya Salatikan Kula Kitabu

⁹ Kɛɛ i k'i fɛ bila sɔsɔyali fuunnu la, ani jilijaa ɲafɔkolu, ani ko minu yi mɔɔlu falanna i ɲɔɔ ma, ani kɛlɛkɛkolu ka bɛn Nabi Musa ya seliya ma. Kamasɔlɔn nafa tɛ kofuun wo suu suu la.

Tite 3:9 ပူးပေါင်းရင်းမြစ်များ

1 Kolɛntikalu 13:2

Hali ni ǹ ka kelayakɛ see sɔlɔn ka gbonoko bɛ ɲaye ani ka lɔnni bɛ sɔlɔn, hali ni ǹa limaniya ka wala haan fɔɔ ka ǹ se tinilu bɔla ai nɔlu lɔ, ni kanundeya ma kɛ ǹ josokun nɔ, ǹ tɛ foi le.

1 Kolɛntikalu 8:1

Ài na ɲiningali min kɛla ǹ na ka bɛn joosɔsoo dɔnko ma, ài m'i ɲa kaa wo lɔ vɛ. Mɔ k'a lɔn ne ko lɔnni yi mɔ bɛ fɛ ka bɛn ko min ma. Kɛɛ do, lɔnni wo suu yi mɔɔ fannɔbuɲala, k'a talan kanundeya le yi dɔlu lasawatila.

1 Timote 4:7

I fɛ kà kɛ faɲafɔ taliku fɔko la ani tali fuunnu, minu ni Ala ya siya bɛnnin tɛ i ɲɔɔ ma, mafɔ i i jɛlɛ makolo ka bɛn Alaɲasiyanɲɛ ma.

2 Timote 2:14

Iya mɔɔlu hangili bila k'a magbeleya Ala ɲakɔlɔ ko ai kà sɔsɔyali kɛ ka bɛn kumalu kɔlɔ ma. Sɔsɔyali wo suulu tɛ foi ɲiala, mafɔ ka fitina lana a lamɛnbalu ma.

2 Timote 2:16

I i jɛlɛ matanga kuma fuunnu ma, minu ni Ala ya siya bɛnnin tɛ i ɲɔɔ ma, kamasɔlɔn wolu le yi mɔɔlu mataala Ala la.

2 Timote 2:23

I yi kolɔnbaliya sɔsɔyali fuunnu to je, kamasɔlɔn i k'a lɔn ne wolu yi nala sɔɔnsɔɔn ne le dein.

Tite 1:14

ka falan ai tolomalɔla Jahudiyalu ya faɲafɔ talikulu la, ani jamali minu dinin mɔɔlu bolo minu vɛ ai kɔdon tuɲa la.

Janguba 4:1

Kɛlɛko ni sɔsɔyali minu y'ài tɛma, wolu bɔnin min ne? Jalasa wolu ma bɔ àiya niikanukolu le lɔ, minu y'ài kɛlɛla waate bɛ ài falikolo lɔ?