Tite 3:8 - Ala Ya Salatikan Kula Kitabu

⁸ Kuma min yi tuɲa le le. Ǹ'a fɛ i yi ko minu magbeleya fɔsa Ala malimaniyamɔɔlu y'ai gbaladon koɲumakɛko ma, minu keinyanin, ani nafa yi minu la mɔɔ bɛ yɛ.

Tite 3:8 ပူးပေါင်းရင်းမြစ်များ

Matiyu 20:4

A do vɛɛ wolu yɛ: ‹Àilu fana yi taa ǹa gbele lɔ. Ǹ kɛtɔ sala bɛlɛ dila ài ma.›

Yohana 12:44

Isa do k'a kan labɔ, a vɛɛ: «Ni mɔɔ min ka limaniya m̀ ma, wo tii ma limaniya ǹe kelen ma, mafɔ ǹ kelaba fana.

Yohana 5:24

«Ǹ'i tuɲa fɔ ài yɛ, ni mɔɔ mɔɔ ka ǹ kumakan mɛn ka limaniya ǹ kelaba ma, niimaya banbali yi wo tii le yɛ. Kiti tɛnala bilala wo tii la, kɛɛ a do vɛ bɔ saya lɔ ka don niimaya lɔ.

Kɛkolu 12:15

Ai do vɛɛ a yɛ: «Fa l'i lɔ!» Kɛɛ Loda k'a to a fɔla k'a magbeleya ko Piyɛli le. Ai do vɛɛ: «A yi kɛ aa mɛlɛka le le.»

Lɔmukalu 4:5

Kɛɛ ni mɔɔ min m'a bolomala a kɛkolu ma, mafɔ ka limaniya Ala ma min yi Alaɲasiyanɲɛbali jatela telenmande le, wo tii ma ya limaniya yi jatela telenmandeya le le Ala bolo.

2 Kolɛntikalu 4:13

A sɛvɛnin kitabu kɔnɔ, ko: «M̀'ɛ limaniya. Wo le n'a kɛla, ǹ na kumala.» Komi ǹu gbu vɛ limaniya wo boloɲa kelen ma, wo le y'a kɛla, m'i kumala.

Ɛfɛsikalu 4:28

Ni mɔɔ mɔɔ ka kɛ son ne, a yi suɲali dabila. A do yi baale nafata kɛ a bolo la, fɔsa fen yi kɛ a bolo dɛsɛbatɔ sɔko lɔ.

1 Timote 1:15

Kuma min yi tuɲa le le, bɛ ka kan k'a bolo sii min kɔlɔ feu: Masa Tɔɔmasenin Isa nanin dunuɲa kɔnɔ julumbutɔlu lakisiko le lɔ, ado ǹ taanin kɛla wolu bɛ lɔ mɔɔ kɛwon ne le.

1 Timote 2:8

Wo lɔ saa, ǹ'a fɛ kɛ́lu yi kɛ Ala dalila dingila bɛ lɔ, k'ai bolo sɛnɛyanin sii Ala yɛ. Mɔnɛya ni sɔsɔyali kà talan ai tɛma.

1 Timote 5:10

A mangutu yi lɔn aa koɲumakɛko lɔ, ko a na a dennu lasonna kobɛn, ka lonalu lɔmina kobɛn, ka mumininnu madɛmɛn fanmajii boloma, ka mɔɔ tɔlɔyaninnu makolu laɲia, ani k'a jɛlɛ di koɲuma suu bɛ dɔ kɛko lɔ.

2 Timote 1:12

Wo le n'a kɛla, tɔlɔya min bɛ na m̀ masɔlɔnna. Kɛɛ wo maloya tɛ ǹ na, kamasɔlɔn ǹ ka ale lɔn, ǹ limaniyanin ale min ma. Ado ǹ layine a la feu ko a na ko min kalifala ǹ na, a see y'a yɛ ka wo lakana haan fɔɔ a nalon.

Tite 1:9

A a bolo kɛ lanaya kuma la kpekpe iwo a kalannin a la teme, fɔsa a yi se mɔɔlu sɛmɛdonna kalan bɛlɛ la teme, ani ka mɔɔlu jobaliya minu y'a sɔsɔla.

Tite 2:14

Ale le n'a jɛlɛ dila maa ko lɔ, fɔsa a yi mɔ kunmaka ka mɔ bɔ maa kɔnɔlɔgbeya bɛ lɔ, ani ka mɔɔlu lasɛnɛya a jɛlɛ yɛ minu sɛmɛdonnin kɛko ɲumalu ma.

Tite 2:7

Ile gbu yi ko bɛ kɛ kobɛn k'i jɛlɛ kɛ misali le mɔɔlu yɛ koɲuma kɛko bɛ lɔ. I do vɛ kɛla mɔɔlu kalanna, i y'a kɛ mɔɔsɔvɛya ni josolɔgbɛya boloma,

Tite 3:1

I iya mɔɔlu hangili bila ko ai y'ai fanmajii kuntiilu ni fangatiilu yɛ, k'ai kumakan labato, ani k'ai lɔbɛn koɲumakɛko lɔ waate bɛ.

Tite 3:14

Ado maa mɔɔlu fana ka kan k'ai jɛlɛ dein kobɛlɛkɛko la, fɔsa ai yi se dɔlu bɔla ko gbɛlɛnnu lɔ, ai do kà kɛ mɔɔ fofo le.

Filemɔn 1:11

Waate lɔ, a tɛɛ mɔɔ nafabali le le i yɛ, kɛɛ nafa y'a la butu ǹe ni ile yɛ.

Hebululu 10:24

Ài m'i mɔ jando i ɲɔɔ nɔ, k'i ɲɔɔ lasawati kanundeya ni koɲumakɛko lɔ.

1 Piyɛli 1:21

Ale le kɛnin àiya limaniya sabu le Ala ma, min n'a lawulila ka bɔ saya lɔ ka magbiliyali di a ma, fɔsa àiya limaniya ni ài jeisii yi kɛ Ala le.