Tite 3:7 - Ala Ya Salatikan Kula Kitabu

⁷ fɔsa m'i kɛ telenmande le Ala ɲakɔlɔ ka bɛn aa nɛɛma ma, ka mɔ fɛ bila niimaya banbali sɔlɔnko la, m'i mɔ jeisii le.

Tite 3:7 ပူးပေါင်းရင်းမြစ်များ

Matiyu 25:34

Wo kɔ, Masakɛ kɛtɔ a fɔla a bolokininɔ talu yɛ, a vɛɛ: ‹Ǹ Fa ya duwawudennu, ài yi na, ài yi don ǹ Fa ya masaya lɔ, min lɔbɛnnin tɛɛ ài yɛ ka ta dunuɲa dan waate ma.

Malɛkɛ 10:17

Isa ka siya mina mingɛ, kɛ́ dɔ vɛ bɔlila ka na k'i majii a kɔlɔ. A do vɛɛ a yɛ: «Kalanmɔɔ ɲuma, ǹ ka kan ka mindɛ le kɛ fɔsa ǹ'i niimaya banbali sɔlɔn?»

Lɔmukalu 11:6

Ni Ala ya mɔɔtako yi kɛla ka bɛn aa nɛɛma le ma, wo vɛ kɛla, mɔɔ kɛkolu sabu tɛ butu. Niwotɛ, aa nɛɛma tɛnala kɛla nɛɛma bɛlɛbɛlɛ le butu.

Lɔmukalu 3:24

bɛ do vɛ jate telenmande le aa nɛɛma dinin sabu la ka bɛn kunmakako ma, Masa Tɔɔmasenin Isa nanin min ne.

Lɔmukalu 3:28

Kamasɔlɔn mɔ lanin a la ko Ala yi mɔɔ jatela telenmande le limaniya le fɛ, wo tii ya seliya latelenko tɛ.

Lɔmukalu 4:16

Wo le y'a ma, lahedi wo jusiinin limaniya le kɔkan, fɔsa Ibulahima bɔzɔnnu bɛ yi la a la ko ai y'a sɔlɔnne ka bɛn Ala ya nɛɛma ma. A tɛ seliya latelenbalu ta le dein, mafɔ a yi mɔɔlu le ta le minu limaniyanin Ala ma iwo Ibulahima n'a kɛla teme, min yi mɔ bɛ bema le.

Lɔmukalu 4:4

Mɔɔ min yi baale kɛla, wo tii sala tɛ jatela sɔlifen ne, mafɔ a hakɛ jateeya.

Lɔmukalu 8:17

Komi Ala den ne mɔ le, mɔ kɛtɔ balayi sɔlɔnna iwo a dennu. Kamasɔlɔn Ala yi balayi min ladalola Masa Tɔɔmasenin yɛ, mɔ fɛ kɛtɔ kɛla wo sɔlɔnko la. Kɛɛ fɔ mɔ fɛ yi kɛ aa tɔlɔyalu la bene, jani m'i magbiliyali sɔlɔn a fɛ.

1 Kolɛntikalu 6:11

Waate lɔ, ài dɔlu tɛɛ ten ne sɔ. Kɛɛ ài ma vɛ ko, ài la vɛ sɛnɛya, ani ài vɛ bila ài ta fan Ala yɛ, k'ài jate telenmandelu le Ala ɲakɔlɔ ka bɛn mɔ Tii Masa Tɔɔmasenin Isa tɔɔ ma, ani mɔ Tii Ala Nii Sɛnɛyanin.

Galatiyakalu 2:16

Kɛɛ wo bɛ n'a kɛ, mɔ k'a lɔn ne ko mɔɔ tɛ se jatela telenmande le Ala ɲakɔlɔ ka bɛn seliya latelenko ma, kɛɛ wo yi kɛla ka bɛn limaniya le ma Masa Tɔɔmasenin Isa ma. Wo le y'a kɛla, ǹu fana vɛ limaniya Masa Tɔɔmasenin Isa ma, fɔsa m'i kɛ telenmande le Ala ɲakɔlɔ ka bɛn maa limaniya ma, kɛɛ seliya latelenko tɛ. Kamasɔlɔn mɔɔ mɔɔ tɛnala kɛla telenmande le Ala ɲakɔlɔ ka bɛn seliya latelenko ma.

Galatiyakalu 3:29

Ni ài ka kɛ Masa Tɔɔmasenin ta le, wo vɛ kɛla, Ibulahima bɔzɔn ne ài le. Ado Ala na lahedi min tala Ibulahima yɛ, ài y'ài ta sɔlɔnne lahedi wo lɔ.

Galatiyakalu 4:7

Wo lɔ saa, jɔn tɛ mɔ le butu, mafɔ Ala dennu. Ni mɔ vɛ kɛ Ala den ne, Ala yi ko minu ladalola a dennu yɛ, m'i mɔ ta sɔlɔnne wo lɔ.

2 Tɛsalonikakalu 2:16

Mɔ Tii Masa Tɔɔmasenin Isa gbu ni mɔ Fa Ala, min na mɔ kanula ka habadan josolajii ni jeisii ɲuma di mɔ ma aa nɛɛma lɔ,

Tite 1:2

fɔsa niimaya banbali jeisii yi kɛ ai bolo, tuɲande Ala na min lahedi tala jani dunuɲa tɛɛ dan.

Tite 2:11

Kamasɔlɔn Ala ya nɛɛma la vɛ nkɛnɛmaya, min yi nala kisiko le adamaden bɛ yɛ.

Tite 2:13

ka mɔ to mɔ jeisii hɛlɛlon makɔnɔna, mɔ Tii Ala makawanin ya magbiliyali lankɛnɛmayatɔ lon min na, min yi mɔ Lakisiba Masa Tɔɔmasenin Isa le.

Hebululu 1:14

Wo lɔ saa, mɛlɛkalu bɛ tɛ fɔɲɛ le le ani Ala ya bɔidennu, minu kelayanin mɔɔ lakisininnu madɛmɛnko lɔ?

Hebululu 11:7

Sedina Nuho ya limaniya le na kɛla sabu le, a la ka sovi mingɛ ka bɛn ko natɔlu ma minu tɛɛ ma ye ba, a ka kulunba ladan Alaɲasiyanɲɛ boloma aa bonnamɔɔlu lakisiko lɔ. Aa limaniya ka kɛ dunuɲa jobaliya sabu le, a do ka telenmandeya wo sɔlɔn min yi nala limaniya fɛ.

Hebululu 11:9

Aa limaniya le na kɛla sabu le, a ka taa a sii lonaya la lahedi duu wo lɔ, a v'a makɛla gbaalu kɔlɔ, ale ni Isiyaka ni Janguba minu tɛɛ a kɛɛta ɲɔɔmalu le ka bɛn lahedi kelen wo ma.

Hebululu 6:17

Kamasɔlɔn Ala tɛɛ a fɛ le k'a lagbɛ aa lahedi sɔlɔnbalu yɛ ko a tɛnala a kolatɛɛnin mafalinna tuun, wo le k'a kɛ, a ka wo laseleya kalinni le lɔ.

Janguba 2:5

Ài tolomalɔ, ǹ diyanan badenmalu! Jalasa Ala ma dunuɲa fandannilu ta fɔsa ai yi banaya limaniya lɔ, ani k'ai fɛ bila aa masaya la, a na min lahedi tala a kanundelu yɛ?

1 Piyɛli 3:7

Àilu kɛ́lu fana y'ài mosolu lɔmina koɲaye boloma, k'ài hangili to aiya fangandanya lɔ. Wo lɔ, ài y'ai buɲa, kamasɔlɔn Ala yi niimaya min dila aa nɛɛma lɔ, ài bɛ le kɛtɔ wo sɔlɔnna i ɲɔɔ fɛ. Ài yi wo kɛ, fɔsa ko ko si kana àiya Aladalilu lakoli.