Tite 3:2 - Ala Ya Salatikan Kula Kitabu

² Ai do kà koyon fɔ mɔɔ suu suu ma, mafɔ ai yi kɛ mɔɔ josolajiininnu le, ani mɔɔ sɔniyaninnu, ka duuma fan ta bɛ yɛ.

Tite 3:2 ပူးပေါင်းရင်းမြစ်များ

Matiyu 11:29

Ài yi diɲa ǹa kuntiiya ma iwo nisi yi diɲala sɛnɛkɛdawa ma teme, ani ka lɔnni sɔlɔn ǹ fɛ. M̀ mafanin, ǹa ko gbeleyanin tɛ. Ài vɛ nala ǹ ma, ài kɛtɔ nɔningɛ sɔlɔnna.

Kɛkolu 23:5

Pɔli do vɛɛ ai yɛ: «M̀ badenmalu, ǹ tɛɛ m'a lɔn ko salakalase kuntiiba le a le, kamasɔlɔn a sɛvɛnin kitabu kɔnɔ, ko: ‹I kà kuma yon fɔ iya mɔɔlu kuntii ma.› »

1 Kolɛntikalu 6:10

sonnu, natabalu, gbɛtɔlu, jɛvɛlikɛbalu, ani gbanalu, wolu suu suu tɛnala donna Ala ya masaya lɔ.

1 Kolɛntikalu 9:19

Hali ǹ ka kɛ mɔɔ lafɛlɛnin ne min tɛ mɔɔ foi ta le, kɛɛ ǹ na ǹ jɛlɛ kɛla bɛ ya jɔn ne le, fɔsa ǹ'i mɔɔ siyama masɔlɔn.

2 Kolɛntikalu 10:1

Ǹe Pɔli y'ài madiyala ka bɛn Masa Tɔɔmasenin ya sɔniyali ma, ani aa ɲumaya, hali ài dɔlu ka kɛ a fɔla ko ǹ'i mɔɔ fanmajiinin ne le m̀'ɛ kɛla ài tɛma, ani ko ǹ kɛnin mɔɔ faiyanin ne le ni ǹ tɛ ài tɛma.

2 Kolɛntikalu 12:20

M̀'ɛ siyan k'a fɔ ko ni ǹ ka taa ài fɛlɔ, ǹ kɛtɔ ài talanna boloɲa dɔ ma min tɛnala bɛnna m̀ ma. Ado àilu fana kɛtɔ ǹ yena boloɲa dɔ ma min tɛnala bɛnna ài ma. M̀'ɛ siyan k'a fɔ ko ǹ kɛtɔ sɔsɔyali talanna ài tɛma, ani keleya ni josobɔ ni jɛlɛlafisaya ni tɔɔtiɲali ni mafɔli ni fannɔbaya ani sɔɔnsɔɔn.

Galatiyakalu 5:22

Kɛɛ Nii Sɛnɛyanin y'a den minu kɛla mɔɔ josokun nɔ, wolu le ne: kanundeya, josoladiya, josolajii, sawali, henandeya, ɲumaya, lanandeya,

Galatiyakalu 6:1

M̀ badenmalu, ni mɔɔ dɔ ka mina hakɛ dɔ la, àilu minu yi taamana ka bɛn Nii Sɛnɛyanin sawo ma, ài yi wo tii laseikɔ siya bɛlɛ kɔkan sɔniyali boloma. Kɛɛ ài jando ài jɛlɛ lɔ, àilu gbu ma kana nɛɛ ka wo ɲɔɔzii kɛ.

Galatiyakalu 6:10

Wo le y'a ma, ni koɲumakɛ see ka kɛ mɔ yɛ waate min nɔ, ài m'i koɲuma kɛ bɛ yɛ, mɔ badenma limaniyamɔɔlu bɛlɛbɛlɛ le.

Ɛfɛsikalu 4:2

Ko bɛ lɔ, ài y'ài fanmajii, k'ài sɔniya, ani k'ài sawali. Àiya kolu yi kun i ɲɔɔ nɔ kanundeya boloma.

Ɛfɛsikalu 4:31

Wo lɔ, ài yi josolakuna dabila, ani josobɔ, ani mɔnɛ, ani wɔyɔ, ani tɔɔtiɲali, ani kɔnɔlɔgbeya suu bɛ.

Filipikalu 4:5

Mɔɔ bɛ y'a lɔn ko ài sɔniyayine, kamasɔlɔn mɔ Tii nalon ma vɛ sulunya.

1 Tɛsalonikakalu 2:7

Kɛɛ do, mɔ sɔniyanin tɛɛ ài tɛma, iwo dematii y'a jandola a dennu lɔ teme.

1 Timote 3:11

Wo boloɲa kelen ma, ai mosolu yi kɛ mɔɔ sɔvɛlu le. Ai kà kɛ tɔɔtiɲabalu le, mafɔ jɛlɛlɔminamɔɔlu minu yi lanande le ko bɛ lɔ.

1 Timote 3:3

A do kà kɛ gbɛtɔ le, niwotɛ mɔɔ faiyanin, mafɔ mɔɔ sɔniyanin. A kà kɛ sɔsɔyalikɛba le, niwotɛ wɔliko nata yi mɔɔ min na.

Janguba 3:17

Kɛɛ hangilimaya min yi bɔla haijɛnɛ, wo yi nala sɛnɛyali le le kunfɔlɔ le, ka josolajii tuun wo la, ani sɔniyali ni nɔya. Henandeya y'a lɔ, a do kɛkolu ɲumayanin kosɛvɛ. A do tɛ lafisayali ni filangafoya kɛla.

Janguba 4:11

M̀ badenmalu, ài kà kuma yon fɔ i ɲɔɔ ma. Mɔɔ min vɛ kuma yon fɔla a badenma ma niwotɛ ka a kiti, wo tii yi kuma yon fɔla Ala ya seliya le ma ka a kiti. Ni mɔɔ min vɛ seliya kitila, wo tii t'a latelenna, mafɔ k'a jɛlɛ kɛ kititɛɛba le a kunna.

1 Piyɛli 2:1

Wo lɔ saa, ài yi koyon suu bɛ dabila, ani janvandeya, ani filangafoya, ani keleya, ani tɔɔfɔlikolu bɛ.

1 Piyɛli 3:10

A sɛvɛnin tan ne kitabu kɔnɔ, ko: «Ni mɔɔ min y'a fɛ ka niimaya diyabɔ, ani ka hɛlɛlonnu ye, fɔ wo tii y'a nɛɛ matanga kuma yon fɔko ma, ani k'a da matanga janvandeyako ma.

1 Piyɛli 3:8

Ka ǹa kuma laban: Ài yi kɛ miliya kelen nɔ, ài yi kɛ i ɲɔɔ fɛ ko bɛ lɔ, ài ɲɔɔ kanu iwo badenmalu, ài ɲɔɔ maɲumaye, ani ài y'ài fanmajii i ɲɔɔ yɛ.

1 Piyɛli 4:4

Àiya ko vɛ Alalɔnbalilu kawakoya, kamasɔlɔn ài tɛ lala ai kɔkan butu aiya manamanakolu lɔ, wo le n'a kɛla, ai y'ài tɔɔ yon fɔla yi ne.

2 Piyɛli 2:10

Wo kolatɔn kɛtɔ lala mɔɔ minu kɔkan bɛlɛbɛlɛ kɛ, wolu le yi bɔlila ai niikanuko kɔsɔninnu kɔ, ani ka kuntiiya lagbeyaɲɛ. Faɲafɔ kalanmɔɔ wolu wakaliyine k'ai kafa. Ai do tɛ siyanna nii nɔɔlɔnilu lafeyako lɔ minu yi haijɛnɛ.

Jude 1:10

Faɲafɔ kalanmɔɔ minu koni yi lafeyalikan ne fɔla ka bɛn kolu ma, ai ma minu ɲaye. Ai kɛyine iwo tuukɔlɔsoo hangilindannu, minu yi kolu kɛla ai kunfɛ, ka halaki lana ai jɛlɛ ma ko minu gbugbu sabu la.

Jude 1:8

Wo boloɲa kelen ne ma, faɲafɔ kalanmɔɔ minu bolomalanin aiya kibalokannu ma, wolu y'ai falikolo lakɔsɔla, ka kuntiiya lagbeyaɲɛ, ani ka nii nɔɔlɔnilu lafeya minu yi haijɛnɛ.