Tite 3:14 - Ala Ya Salatikan Kula Kitabu

¹⁴ Ado maa mɔɔlu fana ka kan k'ai jɛlɛ dein kobɛlɛkɛko la, fɔsa ai yi se dɔlu bɔla ko gbɛlɛnnu lɔ, ai do kà kɛ mɔɔ fofo le.

Tite 3:14 ပူးပေါင်းရင်းမြစ်များ

Matiyu 21:19

A ka toloju dɔ ye mingɛ siya dala, a k'i madon a la, kɛɛ a ma a den ye a la, mafɔ filabulu gbaanzan. Wo kɛ, a k'a fɔ toloju yɛ, a vɛɛ: «Ile t'i den butu tuun!» Ado toloju ka ja telemanin.

Matiyu 7:19

Kɔlɔman minu tɛ den kein kɛla, wolu bɛ tɛɛtɔle k'ai lafili taa lɔ.

Yohana 15:16

Àilu ma ǹe ta, kɛɛ ǹe le n'ài tala ka ài kelaya, fɔsa ài yi taa ài den siyama kɛ minu yi mɛnna. Wo vɛ kɛla, ni ài ka ǹ Fa dali ko ko si la ǹ tɔɔ lɔ, a kɛtɔ wo dila ài ma.

Yohana 15:8

Ài vɛ den siyama kɛla k'a lagbɛ ko ǹ kɔbiladen ne ài le, ǹ Fa yi magbiliyali sɔlɔnne wo lɔ.

Kɛkolu 18:3

ka to ai fɛlɔ ka kɛ ai baaledenɲɔɔ le, kamasɔlɔn ai bɛ tɛɛ faani tooda ladanba le le.

Kɛkolu 20:35

Ǹ n'a jiyala ài la ko minu bɛ lɔ, mɔ ka kan ka baale gbɛlɛn kɛ teme fandannilu madɛmɛnko lɔ, ani ka mɔ hangili to mɔ Tii Isa gbu kumakan nɔ, ko: ‹Koɲumakɛba ya duwawu walayine ka timin koɲuma yi kɛla mɔɔ min yɛ.› »

Lɔmukalu 12:13

Ài yi mumininnu madɛmɛn k'ai makolu laɲia, ani ka lonalu jiya.

Lɔmukalu 15:28

M̀'ɛ banna ko wo ɲabɔla waate min nɔ ka bololadɛnfen wo don ai bolo, ǹ kɛtɔ timinna ài fɛlɔ ka taa Ɛsipaɲɛ jamana lɔ.

Ɛfɛsikalu 4:28

Ni mɔɔ mɔɔ ka kɛ son ne, a yi suɲali dabila. A do yi baale nafata kɛ a bolo la, fɔsa fen yi kɛ a bolo dɛsɛbatɔ sɔko lɔ.

Filipikalu 1:11

k'ài dafa telenmandeya tɔnɔ la min yi nala Masa Tɔɔmasenin Isa fɛ, fɔsa buɲali ni tanuli yi kɛ Ala yɛ.

Filipikalu 4:16

Hali ǹ tɛɛ Tɛsalonika so kɔnɔ waate min nɔ, ài ka m̀ makolaɲiafen lana m̀ ma siɲa dana le.

Filipikalu 4:17

A tɛ k'a fɔ ko ǹ'i samalifen le ɲininna yi ne, mafɔ ǹ'a fɛ a dɔ le yi la àiya koɲuma sala kɔkan.

Kɔlɔsikalu 1:10

Wo vɛ kɛla, ài taamaɲa yi mɔ Tii lasawale, ka diya a yɛ boloɲa bɛ ma, ài vɛ koɲuma suu bɛ dɔ kɛla ka to taala ɲafɛ Ala lɔnko lɔ.

1 Tɛsalonikakalu 2:9

Mɔ badenmalu, ǹ layine a la ài hangili toyine maa baale ni maa sɛyɛ lɔ, mɔ tɛɛ min na su ni tele, alako mɔ kana kɛ doni le ài dɔ kun, mɔ tɛɛ Ala ya Samakan Kein lasena ài ma waate min nɔ.

2 Tɛsalonikakalu 3:8

Mɔɔ ma dɔnni kɛ mɔɔ foi le fɛlɔ gbaanzan. Kɛɛ mɔ tɛɛ mɔ lɔjala ka baale kɛ su ni tele, alako mɔ doni kana la ài suu suu kun.

Tite 2:8

ka kuma sɔvɛlu fɔ, mɔɔ tɛ se min sɔsɔla, fɔsa mɔ juulu yi maloya, ai kana kuma yon suu suu sɔlɔn k'a fɔ mɔ ma.

Tite 3:8

Kuma min yi tuɲa le le. Ǹ'a fɛ i yi ko minu magbeleya fɔsa Ala malimaniyamɔɔlu y'ai gbaladon koɲumakɛko ma, minu keinyanin, ani nafa yi minu la mɔɔ bɛ yɛ.

2 Piyɛli 1:8

Ni dajoo minu ka to ài la, ani k'ai sawati ài lɔ, ài tɛnala kɛla mɔɔ fofo ni nafandan ne mɔ Tii Masa Tɔɔmasenin Isa lɔnko lɔ.