Tite 2:7 - Ala Ya Salatikan Kula Kitabu

⁷ Ile gbu yi ko bɛ kɛ kobɛn k'i jɛlɛ kɛ misali le mɔɔlu yɛ koɲuma kɛko bɛ lɔ. I do vɛ kɛla mɔɔlu kalanna, i y'a kɛ mɔɔsɔvɛya ni josolɔgbɛya boloma,

Tite 2:7 ပူးပေါင်းရင်းမြစ်များ

2 Kolɛntikalu 1:12

Mɔ ɲalɔkɛnɛya kun ne min ne: Mɔ josokun ne yi mɔ sele le k'a fɔ ko mɔ na maa dunuɲalɔtɛɛ kɛla telenmandeya ni Ala ya josolɔgbɛya bolo le ma, ài tɛma bɛlɛbɛlɛ le. Mɔ do bolomalanin tɛɛ Ala ya nɛɛma le ma, adamaden ya hangilimaya tɛ.

2 Kolɛntikalu 2:17

Mɔ do kɛnin tɛ iwo dɔ mɔɔ siyama minu yi Ala kumakan kɛla julayafen ne, mafɔ mɔɔ sɔvɛ le mɔ le, minu yi kumala Ala ɲakɔlɔ Masa Tɔɔmasenin ya see lɔ, iwo mɔɔ minu kelanin Ala bolo.

2 Kolɛntikalu 4:2

Ǹu koni v'i ban maloyakolu ma minu yi kɛla divi lɔ. Mɔ do tɛ gbanaya kɛla, kumatɛ ka Ala kumakan jɛlɛma. Mafɔ, m'i tuɲa le fɔla k'a lagbɛ, fɔsa bɛ y'a jate ai jɛlɛ kɔnɔ m'i mɔɔ suu min ne Ala ɲakɔlɔ.

2 Kolɛntikalu 8:8

Ǹ tɛ ài jamalila, kɛɛ mɔɔ dɔlu sɔnjanin dɛmɛliko le teme, ǹ'ài ta lala wolu le ma k'a lɔn ni kanundeya bɛlɛbɛlɛ le ài bolo.

Ɛfɛsikalu 6:24

Mɔɔ minu yi mɔ Tii Masa Tɔɔmasenin Isa kanula kanundeya banbali le, Ala ya nɛɛma yi kɛ wolu bɛ yɛ.

Filipikalu 1:10

fɔsa ài yi se kobɛlɛ ni koyon wotɛbɔla. Wo vɛ kɛla, ài kɛtɔ mɔɔ sɛnɛyanin ni jalakibali le le Masa Tɔɔmasenin ya lon na,

2 Tɛsalonikakalu 3:9

A tɛ k'a fɔ jo tɛ mɔ bolo k'a kɛ ten, kɛɛ mɔ tɛɛ a fɛ ka kɛ misali le le fɔsa ài y'ài suma mɔ ma.

1 Timote 4:12

I kà diɲa mɔɔ mɔɔ yi jɔ i ma ka bɛn iya fɔningeya ma, mafɔ i yi kɛ misali le limaniyamɔɔlu yɛ i kumaɲa lɔ, ani i kokɛɲa, ani iya kanundeya, ani iya limaniya, ani iya sɛnɛya.

1 Timote 5:10

A mangutu yi lɔn aa koɲumakɛko lɔ, ko a na a dennu lasonna kobɛn, ka lonalu lɔmina kobɛn, ka mumininnu madɛmɛn fanmajii boloma, ka mɔɔ tɔlɔyaninnu makolu laɲia, ani k'a jɛlɛ di koɲuma suu bɛ dɔ kɛko lɔ.

Tite 3:8

Kuma min yi tuɲa le le. Ǹ'a fɛ i yi ko minu magbeleya fɔsa Ala malimaniyamɔɔlu y'ai gbaladon koɲumakɛko ma, minu keinyanin, ani nafa yi minu la mɔɔ bɛ yɛ.

1 Piyɛli 5:3

Ài k'ài fanga la mɔɔlu kɔkan minu kalifanin ài la, mafɔ ài yi kɛ misali ɲuma le saa kulu yɛ.