Tite 2:12 - Ala Ya Salatikan Kula Kitabu

¹² Nɛɛma wo yi mɔ kalanna le ko, m'i Alabuɲabaliya to je, k'i ban dunuɲa niikanukolu lɔ, fɔsa m'i taama jɛlɛlɔmina ni telenmandeya ani Alaɲasiyanɲɛ boloma dunuɲalɔtɛɛ min nɔ,

Tite 2:12 ပူးပေါင်းရင်းမြစ်များ

Matiyu 12:32

Ni mɔɔ mɔɔ ka lafeyalikan fɔ Mɔɔnivin Tanin ma, a ma yi sene kotola. Kɛɛ ni mɔɔ mɔɔ ka lafeyalikan fɔ Nii Sɛnɛyanin ma, wo tii ma tɛ koto dunuɲa min nɔ. A do ma tɛ koto habadan.»

Matiyu 16:24

Wo kɔ, Isa k'a fɔ a kɔbiladennu yɛ, a vɛɛ: «Ni mɔɔ min y'a fɛ ka bila ǹ kɔ, fɔ wo tii i ban a jɛlɛ lɔ, ka a gbaankɔlɔman ta ka bila ǹ kɔ.

Matiyu 28:20

ani k'ai kalan ko bɛ labatoko la, ǹ n'ài jamalila minu la. Ǹe do, ǹ'ài fɛ waate bɛ haan fɔɔ ka taa sii dunuɲa laban na.»

Luka 1:6

Ai mɔɔ fila tɛɛ telenmande le le Ala ɲakɔlɔ, ai vɛ mɔ Tii ya seliya ni aa jamalilu bɛ lataamana kobɛn.

Luka 1:75

ani m'i kɛ mɔɔ sɛnɛyanin ni telenmande le a ɲakɔlɔ maa dunuɲalɔtɛɛ bɛ lɔ.

Yohana 14:30

Ǹ tɛnala mɛnna kumala ài fɛ, kamasɔlɔn dunuɲa kuntii yi nala. See foi tɛ a yɛ ǹ kan,

Yohana 6:25

Mɔɔlu ka Isa ye mingɛ kɔɔ kɔma, ai do vɛɛ a yɛ: «Kalanmɔɔ, i senin jan waate mindɛ lɔ?»

Kɛkolu 24:16

Wo ma, ǹ'i ǹ senko le la kudein fɔsa ǹ joso sɛnɛyanin yi to Ala ni mɔɔlu yɛ.

Kɛkolu 24:25

A do ka to kumala ka bɛn telenmandeyako ni jɛlɛlɔminako ani kititɛɛlon ko ma, haan fɔɔ Felisi ka siyan. A do vɛɛ Pɔli yɛ: «A to ten, taa bene. M̀'ɛ waate sɔlɔnna, ǹ kɛtɔ i kilila kɔtunun.»

Lɔmukalu 12:2

Ài k'ài suma dunuɲakolu ma, mafɔ ài yi diɲa Ala y'ài miliya mafalin ka hangili kula di ài ma. Wo vɛ kɛla, ài kɛtɔ Ala sawo lɔnna, min keinyanin, ani min diyanin a yɛ, ani min dafanin.

Lɔmukalu 6:12

Ài do kà diɲa julumbu yi fanga sɔlɔn ài falikolo sata ma, ka to ài falikolo niikanukolu kɛla.

Lɔmukalu 6:19

Ǹe do yi kumala adamadenya bolo le ma ka bɛn ài falikolo ya fangandanya ma. Waate lɔ, ài n'ài falikolo fannu bilala kokɔsɔninnu ni seliyatiɲakolu ya jɔnya le lɔ, ka to a dɔ lala àiya koyonnu kɔkan kudein. Kɛɛ tandainɔ, fɔ ài y'ài falikolo fannu bɛ bila telenmandeya ya jɔnya lɔ ten ne, min laban yi sɛnɛyali le.

Lɔmukalu 8:13

Kamasɔlɔn ni ài vɛ kɛla taamana ka bɛn ài falikolo ladiyanankolu ma, ài yi sale feu. Kɛɛ ni ài do k'ài falikolo ya koyonnu lɔsa Nii Sɛnɛyanin sabu la, ài yi niimaya sɔlɔnne.

2 Kolɛntikalu 1:12

Mɔ ɲalɔkɛnɛya kun ne min ne: Mɔ josokun ne yi mɔ sele le k'a fɔ ko mɔ na maa dunuɲalɔtɛɛ kɛla telenmandeya ni Ala ya josolɔgbɛya bolo le ma, ài tɛma bɛlɛbɛlɛ le. Mɔ do bolomalanin tɛɛ Ala ya nɛɛma le ma, adamaden ya hangilimaya tɛ.

2 Kolɛntikalu 7:1

Ǹ diyananmɔɔlu, komi lahedi minu tanin mɔ yɛ, wo lɔ, ài m'i mɔ jɛlɛ lasɛnɛya ka bɔ ko bɛ ma minu yi mɔ falikolo ni mɔ josokun lakɔsɔla. Ài m'i lɔja ka maa sɛnɛya dafa Alaɲasiyanɲɛ boloma.

Galatiyakalu 1:4

Ka bɛn mɔ Fa Ala sawo ma, Isa k'a jɛlɛ di salaka le ka mɔ lakisi maa julumbulu ma, ani ka mɔ lafɛlɛ ka mɔ bɔ dunuɲa yon min fanga kɔlɔ.

Galatiyakalu 5:24

Mɔɔ minu yi Masa Tɔɔmasenin Isa ta le, wolu vɛ ai falikolo gbaan kɔlɔman ma, wo ni a niikanukolu ani a natalu.

Ɛfɛsikalu 1:4

Jani dunuɲa tɛɛ dan, Ala na mɔ tala ka mɔ ladon Isa ya kafonɲɔɔya lɔ fɔsa m'i kɛ mɔɔ sɛnɛyanin ne ani jalakibali le a ɲakɔlɔ. Kanundeya boloma,

Ɛfɛsikalu 2:2

ài tɛɛ taamana minu ya siya kɔkan. Wo waate lɔ, ài tɛɛ kuntii kɛwon kɔ, min yi sanfɛ fangatiilu lamalala, ado nii kɛwon kelen wo le yi mɔɔlu labaalela minu tɛ Ala kumakan labatola.

Kɔlɔsikalu 1:22

Kɛɛ tandainɔ, a vɛ àilu ni ale wotɛbɛn a Denkɛ falikolo sabu la min sanin, fɔsa ài sɛnɛyanin yi lɔ a ɲakɔlɔ jalakibaliya ni hakɛtabaliya boloma.

1 Tɛsalonikakalu 4:7

Kamasɔlɔn Ala ma mɔ kili kokɔsɔninnu kanma, mafɔ sɛnɛyali.

1 Tɛsalonikakalu 4:9

Dailu tɛ a la butu k'a fɔ ko mɔɔ dɔ yi sɛvɛ lataa ài ma ka bɛn ɲɔɔkanuko ma, kamasɔlɔn Ala vɛ ài kalan ka bɛn ɲɔɔkanuko ma.

1 Timote 4:12

I kà diɲa mɔɔ mɔɔ yi jɔ i ma ka bɛn iya fɔningeya ma, mafɔ i yi kɛ misali le limaniyamɔɔlu yɛ i kumaɲa lɔ, ani i kokɛɲa, ani iya kanundeya, ani iya limaniya, ani iya sɛnɛya.

1 Timote 6:17

Dunuɲa nafololu vɛ kɛla mɔɔ minu bolo, i yi wolu lali ko ai kà ai fannɔbuɲa. Ai do kà ai jei sii nafolo bantalu la, mafɔ Ala min yi fen bɛ dila mɔ ma bɛlɛbɛlɛ kɛ ka bɛn mɔ ladiyako ma.

1 Timote 6:9

Kɛɛ a lɔɔ yi mɔɔ minu la ka nafolotiiya kɛ, wolu ma yi nɛɛla ka ben nata kolon suu bɛ le ma, minu yi mɔɔlu minala iwo sɔɔ ka tiɲali ni halaki lana ai ma.

2 Timote 3:12

Tuɲa le, a lɔɔ yi mɔɔ minu la ka taama Alaɲasiyanɲɛ boloma Masa Tɔɔmasenin Isa ya kafonɲɔɔya lɔ, wolu bɛ kɛtɔ jangata le masɔlɔnna.

2 Timote 4:10

Kamasɔlɔn Demasi vɛ m̀ bila ka taa Tɛsalonika so kɔnɔ ka bɛn dunuɲa ladiyaɲɛ ma. Ado Kelesen vɛ taa Galatiya koovi lɔ, ani Tite fana taanin Damatiya koovi lɔ.

Tite 3:3

Kamasɔlɔn waate lɔ, ǹu gbu tɛɛ hangilindan ne le, ani kolobali, ani mɔɔ filinin, ado mɔ tɛɛ jɔnya le lɔ niikanuko kaijakaijalu bolo ani jɛlɛdiyabɔ. Mɔ do tɛɛ maa dunuɲalɔtɛɛ kɛla kɔnɔlɔgbeya ni ɲangbeya le lɔ. Mɔ gbeyayine tɛɛ dɔlu yɛ, ailu fana gbeyayine tɛɛ mɔ yɛ.

Hebululu 8:11

Ai suu suu tɛnala a siiɲɔɔma kalanna niwotɛ a badenma k'a fɔ ko: ‹I i lɔja, i yi mɔ Tii Ala lɔn,› kamasɔlɔn ai bɛ le kɛtɔ ǹ lɔnna, ka damina fandannilu ma ka taa sii seetiilu la.

Janguba 1:27

Diina siya min sɛnɛyanin mɔ Fa Ala ɲakɔlɔ, fɛɛ pa tɛ min na, wo le k'i jando failanilu ni kɛsamosolu lɔ aiya tɔlɔya waate lɔ, ani k'i jɛlɛ matanga dunuɲa kokɔsɔnin bɛ ma.

2 Piyɛli 2:9

Wo le y'a ma, mɔ Tii ka a ɲasiyanɲɛbalu lakisiɲa lɔn k'ai bɔ aiya tɔlɔyalu lɔ, a do ka telenbalilu ladaloɲa lɔn kolatɔn kanma haan fɔɔ kititɛɛlon yi se.

2 Piyɛli 3:11

Komi fen wolu bɛ kɛtɔ halakila ten ne, ài ka kan ka kɛ mɔɔ suu mindɛ le wo lɔ? Fɔ ài yi kɛ taamana sɛnɛyali ni Alaɲasiyanɲɛ bolo le ma,

1 Yohana 2:27

Wo bɛ n'a kɛ, Masa Tɔɔmasenin n'ài sɔla a Nii Sɛnɛyanin min sɔ, wo le tonin ài fɛ. Ài mako tɛ kalanmɔɔ la, kamasɔlɔn Nii Sɛnɛyanin gbu y'ài kalanna ko bɛ la. Aa kalan do yi tuɲa le le, faɲa t'a lɔ. Wo le y'a ma, ài yi to aa kafonɲɔɔya lɔ iwo Nii Sɛnɛyanin n'ài kalanna teme.

1 Yohana 2:6

Mɔɔ min y'a fɔla ko a yi Ala ya kafonɲɔɔya lɔ, fɔ wo tii yi taama iwo Isa gbu tɛɛ taamana teme.

1 Yohana 5:19

Mɔ k'a lɔn ne ko Ala ta le mɔ le, ado dunuɲa bɛ yi Soitana fanga le kɔlɔ.

Jude 1:18

Ai do k'a fɔ ài yɛ, ai vɛɛ: «Dunuɲa laban waate, lafeyalikɛbalu wulitɔ, k'ai bila ai niikanuko yonnu kɔ Alaɲasiyanɲɛbaliya boloma.»

Ko Lankɛnɛmayanin 14:12

Wo le y'a ma, fɔ mumininnu y'ai sawali, ailu minu yi Ala ya jamalilu latelenna k'ai bolo kɛ aiya limaniya la Isa ma.