Tite 2:11 - Ala Ya Salatikan Kula Kitabu

¹¹ Kamasɔlɔn Ala ya nɛɛma la vɛ nkɛnɛmaya, min yi nala kisiko le adamaden bɛ yɛ.

Tite 2:11 ပူးပေါင်းရင်းမြစ်များ

Matiyu 28:19

Wo lɔ saa, ài yi taa siboloma bɛ kɛ ǹ kɔbiladen ne, k'ai mako ji kɔlɔ Fa Ala, ni a Denkɛ, ani Nii Sɛnɛyanin tɔɔ lɔ,

Malɛkɛ 16:15

A do vɛɛ ai yɛ: «Ài yi taa dunuɲa fan bɛ lɔ ka Samakan Kein lase mɔɔ bɛ ma.

Luka 24:47

ani aa samakan ka bɛn mɔɔlu dajoo mafalinko ma aiya julumbulu lɔkotoko lɔ, wo la ka kan ka se siboloma bɛ ma a tɔɔ lɔ, ka damina Jelusalɛmu ma.

Luka 3:6

Wo vɛ kɛla, adamaden bɛ kɛtɔ Ala ya lakisiko yena.› »

Yohana 1:14

Kumakan ka kɛ adamaden ne k'i sii mɔ tɛma. Mɔ do na aa magbiliyali yena, ale Denkɛ kelenpesa min Fa na a lanala aa magbiliyali lɔ, nɛɛma ni tuɲandeya dafanin min nɔ.

Yohana 1:9

Kɛnɛya bɛlɛbɛlɛ min yi kɛnɛya dila bɛ ma, wo tɛɛ nala dunuɲa.

Kɛkolu 11:23

A ka se je ka Ala ya nɛɛma ye ai kan mingɛ, a ka sawa k'a fɔ ai yɛ k'a magbeleya ko ai y'ai sɛmɛdon mɔ Tii ya ko ma ai josokun bɛ la.

Kɛkolu 13:43

Ladɛn ban kɔ, ai siyama ka bila Pɔli ni Baanabasi kɔ, Jahudiyalu ni Alaɲasiyanɲɛmɔɔ minu tɛɛ vɛ don Jahudiyalu ya diina lɔ. Pɔli ni Baanabasi ka kuma ai yɛ k'ai sɛmɛdon, ko ai yi to Ala ya nɛɛma siya kɔkan kudein.

Kɛkolu 13:47

Kamasɔlɔn mɔ Tii na jamali min ne dila mɔ ma, ko: ‹M̀'ɛ i kɛ kɛnɛya le siboloma gbɛlɛlu yɛ, fɔsa i yi kisiko lase haan fɔɔ dunuɲa dan na.› »

Kɛkolu 17:30

Waate lɔ, Ala ma aiya kolɔnbaliya jate ko le, kɛɛ tandainɔ, a yi mɔɔ bɛ jamalila fan bɛ lɔ ko ai yi tube.

Kɛkolu 20:24

Wo bɛ n'a kɛ, ǹ tɛ ǹ nunakili kulugbeleyala, a tɛ ǹ ɲana ko le. Kɛɛ min hamin yi ǹ na, wo le ǹ'i ǹa baale dafa, mɔ Tii Isa na min kalifala ǹ na. Wo le ka Samakan Kein lase ka bɛn Ala ya nɛɛma ma.

Lɔmukalu 10:18

Wo ma, ǹ'i ɲiningali kɛla, ǹ ko: Jalasa Jahudiyalu ma kuma wo mɛn? Ai v'a mɛn jɔ! Kamasɔlɔn a sɛvɛnin kitabu kɔnɔ, ko: «Kawanilikɛbalu kumakan vɛ jɛzɛn duukolo fan bɛ lɔ, ado aiya kumalu vɛ se haan fɔɔ dunuɲa dan na.»

Lɔmukalu 5:15

Kɛɛ julumbu min tanin Adama bolo ani Ala ya sɔli, wolu tɛ se lala i ɲɔɔ ma. Kamasɔlɔn ni mɔɔ siyama na sala ka bɛn kɛ́ kelen ya julumbu taya kelen ne ma, a lagbɛyine feu ko Ala ya nɛɛma ni aa sɔli vɛ siyaya mɔɔ jilika jilika yɛ ka bɛn kɛ́ kelen ya nɛɛma ma, min kɛnin Masa Tɔɔmasenin Isa le.

Lɔmukalu 5:2

Ka bɛn Isa ma, mɔ fɛ vɛ kɛ nɛɛma min sɔlɔnko la limaniya sabu la, m'i nɛɛma min nɔ yi ne. Ado m'i sawala, kamasɔlɔn mɔ jei siinin Ala ya magbiliyali sɔlɔnko le la.

2 Kolɛntikalu 6:1

Komi Ala baalekɛɲɔɔ le mɔ le, wo lɔ, m'a fɔla ài yɛ k'a magbeleya ko ài na nɛɛma min sɔlɔnna Ala bolo, ài kà diɲa wo yi kɛ kofuun ne.

Galatiyakalu 2:21

Ǹ tɛ m̀ banna Ala ya nɛɛma lɔ, kamasɔlɔn ni mɔɔ tɛɛ sene ka kɛ telenmande le Ala ɲakɔlɔ seliya latelenko fɛ, wo vɛ kɛla, Masa Tɔɔmasenin sayine fuun!

Ɛfɛsikalu 2:5

Wo ma, hali mɔ sanin tɛɛ kɛ ka bɛn maa hakɛlu ma, Ala na niimaya dila mɔ ni Masa Tɔɔmasenin ma kelen ne. Ài do kisinin ka bɛn Ala ya nɛɛma le ma.

Ɛfɛsikalu 2:8

Kamasɔlɔn ài na kisila Ala ya nɛɛma lɔ limaniya le fɛ. Àilu gbu senko tɛ wo le dɛ, mafɔ Ala ya sɔli.

Kɔlɔsikalu 1:23

Kɛɛ fɔ ài lilen yi don limaniya lɔ k'ài bama. Ài na jeisii min sɔlɔnna Samakan Kein lamɛn fɛ, ài la kà maamaa k'ài mataa jeisii wo la feu. Samakan Kein la vɛ se dunuɲamɔɔ bɛ ma, ado ǹe Pɔli vɛ kɛ samakan min bɔiden ne.

Kɔlɔsikalu 1:6

Samakan Kein min yi jɛzɛn kan ka jili dunuɲa fan bɛ lɔ, iwo a na kɛla ài tɛma teme, ka ta ài na wo mɛnna lon min na kunfɔlɔ le ka Ala ya nɛɛma ko ɲaye bɛlɛbɛlɛ kɛ.

2 Tɛsalonikakalu 2:16

Mɔ Tii Masa Tɔɔmasenin Isa gbu ni mɔ Fa Ala, min na mɔ kanula ka habadan josolajii ni jeisii ɲuma di mɔ ma aa nɛɛma lɔ,

1 Timote 1:14

Mɔ Tii na ǹ sɔla aa nɛɛma sɔ bɛlɛbɛlɛ kɛ, ka limaniya ni kanundeya di m̀ ma minu yi sɔlɔnna Masa Tɔɔmasenin Isa ya kafonɲɔɔya lɔ.

1 Timote 2:4

min y'a fɛ mɔɔ bɛ yi kisi ka tuɲa lɔnni sɔlɔn.

2 Timote 1:10

Tandainɔ, nɛɛma wo la vɛ nkɛnɛmaya ka bɛn mɔ Lakisiba Masa Tɔɔmasenin Isa nako ma, min na see sɔlɔnna saya ma k'a fanga bɔ a bolo, ka niimaya banbaliko labɔ gbɛ la Samakan Kein sabu la.

2 Timote 4:17

Kɛɛ mɔ Tii gbu le n'i lɔla ǹ fɛ ka ǹ sɛmɛdon, fɔsa ǹ tɛɛ se ka aa samakan dafanin lase siboloma gbɛlɛ mɔɔ wolu bɛ ma, ai tɛɛ a mɛn. Wo ma, ǹ ka kisi ka bɔ jala da.

Hebululu 12:15

Ài y'ài jando ài jɛlɛ lɔ, fɔsa mɔɔ suu suu kana fo Ala ya nɛɛma la. Lilen yon kà fɛlɛn ài josokun nɔ min yi kɛ sabu le ka fitina lawuli mɔɔlu wotɛ ka mɔɔ siyama lakɔsɔ.

Hebululu 2:9

Kɛɛ mɔ do yi ale le yena, min lɔya ka dɔɔya ka timin mɛlɛkalu ta la waateni kɔlɔ, Isa koni, magbiliyali ni buɲali dinin a ma iwo masayafula ka bɛn aa saya tɔlɔya ma, fɔsa a tɛɛ sa bɛ yɛ ka bɛn Ala ya nɛɛma ma.