Tite 1:15 - Ala Ya Salatikan Kula Kitabu

¹⁵ Fen bɛ sɛnɛyanin mɔɔ sɛnɛyaninnu bolo, kɛɛ foi sɛnɛyanin tɛ mɔɔ kɔsɔnin limaniyabalilu bolo, kamasɔlɔn ai hangili ni ai miliya bɛ le lakɔsɔnin.

Tite 1:15 ပူးပေါင်းရင်းမြစ်များ

Matiyu 15:18

Kɛɛ do, kuma minu yi bɔla mɔɔ da, wolu yi bɔla mɔɔ josokun ne lɔ, ado wolu le yi mɔɔ lakɔsɔla.

Kɛkolu 10:15

Kumakan ka bɔ a siɲa filana lɔ k'a fɔ a yɛ, a vɛɛ: «Ala na fen min lasɛnɛyala, i kà a fɔ wo ma ko fen kɔsɔnin.»

Lɔmukalu 14:14

Komi ǹ'i Masa Tɔɔmasenin Isa ya kafonɲɔɔya lɔ, ǹ k'a lɔn ne, ado ǹ layine a la kosɛvɛ ko dɔnnifen suu suu tɛ je k'a fɔ min kɔsɔnin a jɛlɛ ma. Kɛɛ do, ni mɔɔ min k'a mili ko fen dɔ kɔsɔnin, wo vɛ kɛla, a kɔsɔnin wo tii le yɛ.

Lɔmukalu 14:20

Ài kà Ala ya baale tiɲa ka bɛn dɔnnifenko ma. Tuɲa le, dɔnnifen suu bɛ ladaanyine, kɛɛ a bɛnnin tɛ i yi fen dɔ dɔn min kɛtɔ i badenma kunnɔtɛɛla.

Lɔmukalu 14:23

Kɛɛ ni mɔɔ min ka sika dɔnnifen dɔ ma, ni wo tii ka wo dɔn, a v'a jɛlɛ jobaliya, kamasɔlɔn a tɛ dɔnni kɛla limaniya boloma. Ni ko ko si ma bɔ limaniya lɔ, wo yi julumbu le le.

1 Kolɛntikalu 10:23

Ài y'a fɔla, ài vɛɛ: «Ko bɛ ladaanyine mɔ ma.» Tuɲa le, kɛɛ nafa tɛ ko bɛ la. «Ko bɛ ladaanyine mɔ ma,» kɛɛ do, ko bɛ tɛ mɔ sɛmɛdonna limaniya lɔ.

1 Kolɛntikalu 10:25

Soo min bɛ yi felela lɔɔ lɔ, ài yi wo bɛ dɔn. Ài do kà ɲiningali kɛ, sika kana don ài josokun nɔ.

1 Kolɛntikalu 10:31

Wo le y'a ma, ài vɛ kɛla fen fen dɔnna, niwotɛ k'i min, ni ài do ka kɛ ko ko si kɛla, fɔ ài y'a bɛ kɛ Ala magbiliyako le lɔ.

1 Kolɛntikalu 8:7

Kɛɛ lɔnni wo tɛ bɛ bolo. Mɔɔ minu deinin tɛɛ joosɔko la, hali bi ni ai ka soo dɔn waate o waate, ai y'a jatela joosɔsoo le le. Komi fanga tɛ ai josokun nɔ, ai y'ai milila ko a vɛ ai lakɔsɔ.

1 Timote 6:5

ani kɛlɛ banbalilu mɔɔ hangili tiɲaninnu tɛma, minu dɛsɛnin tuɲa la. Wolu le y'ai milila ko Ala ya siya lataamanko yi nafolo ɲinin siya le le.

Hebululu 10:22

wo le y'a ma, ài m'i mɔ masulunya Ala la josolɔgbɛya boloma, ani limaniya dafanin nɔ, mɔ josokun lasɛnɛyanin ne ka bɔ miliya yonnu ma, ani mɔ falikolo makonin ne ji sɛnɛyanin le.

Hebululu 12:15

Ài y'ài jando ài jɛlɛ lɔ, fɔsa mɔɔ suu suu kana fo Ala ya nɛɛma la. Lilen yon kà fɛlɛn ài josokun nɔ min yi kɛ sabu le ka fitina lawuli mɔɔlu wotɛ ka mɔɔ siyama lakɔsɔ.

Hebululu 9:14

Kɛɛ Masa Tɔɔmasenin min k'a jɛlɛ bɔ Ala yɛ salaka bɛlɛbɛlɛ le habadan Nii Sɛnɛyanin sabu la, a jeli fanga wo le yi mɔ josokun lasɛnɛyala feu, ka mɔ bɔ mɔ kɛkolu ma minu yi saya lasena mɔ ma, fɔsa m'i Ɲɛnɛmayatii Ala bato.