Tite 1:11 - Ala Ya Salatikan Kula Kitabu

¹¹ Fɔ wolu la yi jeden, kamasɔlɔn ai yi bonkelennamɔɔlu bɛ le kunnɔtɛɛla kelen ne aiya kalan bɛnbali le, fɔsa ai yi tɔnɔ sɔlɔn malobaliya boloma.

Tite 1:11 ပူးပေါင်းရင်းမြစ်များ

Matiyu 23:13

«Gbalo yi ài yɛ, seliya kalanmɔɔlu ni Falisilu! Àilu filangafolu! Kamasɔlɔn ài yi haijɛnɛ masaya datuunna mɔɔlu ɲa. Àilu gbu tɛ donna haijɛnɛ masaya lɔ, ado mɔɔ minu a fɛ ka don a lɔ, ài yi wolu dansiila fɔsa ai kana don a lɔ.

Luka 20:40

Ado mɔɔ foi m'a wakali ka Isa maɲininga butu.

Yohana 10:12

Mɔɔ min yi baalela wɔliko lɔ, wo tii tɛ saakunnasiiba bɛlɛ le, kumatɛ saalu tii. Ni a ka soofali dɔ natɔla ye, a yi saalu tola je ka bɔli. Soofali do yi saa dɔlu minale, k'a tɔlu lɔjɛzɛn.

Lɔmukalu 3:19

Mɔ do k'a lɔn ne ko Nabi Musa ya seliya yi min min si fɔla, a yi wolu le fɔla mɔɔlu yɛ minu yi seliya wo kɔlɔ, fɔsa mɔɔ bɛ da la yi tuun, ani dunuɲa bɛ lakafonnin yi don Ala ya kiti kɔlɔ.

2 Kolɛntikalu 11:10

Damanda Masa Tɔɔmasenin ya tuɲa yi ǹ josokun nɔ, mɔɔ foi tɛ je Akayi koovi lɔ min yi se ǹ dansiila ǹ ɲalɔkɛnɛyako min na.

1 Timote 5:13

K'a dɔ la wo kɔkan, ai yi deinne baalekɛbaliya la, ai vɛ timintiminna luu ni luulu wotɛ. Baalekɛbaliyako tɛ dein, kɛɛ ai yi kɛle tɔɔfɔlikɛbalu le fana, ani mɔɔ minu y'ai da bilala dɔlu ya kolu lɔ, ka kolu fɔ minu man kan ka fɔ.

1 Timote 5:4

Kɛɛ ni dennu ka kɛ kɛsamoso min bolo, niwotɛ mamanilu, fɔ den wolu yi Alaɲasiyanɲɛ jiyaɲa lɔn kunfɔlɔ le ka bɛn aiya demayalu minaɲa ma. Ai banu na min bɛ kɛla ai yɛ, ailu yi wo ɲɔɔzii kɛ, kamasɔlɔn wo le diyanin Ala yɛ.

1 Timote 6:5

ani kɛlɛ banbalilu mɔɔ hangili tiɲaninnu tɛma, minu dɛsɛnin tuɲa la. Wolu le y'ai milila ko Ala ya siya lataamanko yi nafolo ɲinin siya le le.

2 Timote 2:18

minu vɛ tuɲa siya bila, ai v'a fɔla ko Fulenilu Lawulilon vɛ ban timinna, ka mɔɔ dɔlu hangili ɲaami aiya limaniya lɔ.

2 Timote 3:6

Kamasɔlɔn ai dɔlu yi donna bonnamɔɔlu tɛma kewuya boloma ka moso hangilindannu kun mina, julumbu doni ba siinin minu kun, k'ai lafili niikanuko kaijakaijalu bolo.

Tite 1:7

Komi Ala ya baale kalifanin a la, wo lɔ, fɔ limaniyajama kunmafɛlɛnba yi kɛ jalakibali le. A kà kɛ mɔɔ kafanin ne, niwotɛ josobatii, niwotɛ gbɛtɔ, niwotɛ mɔɔ faiyanin, niwotɛ nataba.

Tite 1:9

A a bolo kɛ lanaya kuma la kpekpe iwo a kalannin a la teme, fɔsa a yi se mɔɔlu sɛmɛdonna kalan bɛlɛ la teme, ani ka mɔɔlu jobaliya minu y'a sɔsɔla.

Tite 3:10

Ni mɔɔ dɔ ka kɛ je min yi falanɲɔɔya ladonna mɔɔlu wotɛ, i yi wo tii lali siɲa fila le, wo kɔ, i i mataa a la.