Lɔmukalu 9:23 - Ala Ya Salatikan Kula Kitabu

²³ A na wo kɛla fɔsa a aa magbiliyali wala jate jiya dɔ mɔɔlu la, a na henala minu la k'ai lɔbɛn magbiliyali sɔlɔnko lɔ ka ta waate jaan ma.

Lɔmukalu 9:23 ပူးပေါင်းရင်းမြစ်များ

Luka 1:17

A kɛtɔ taamana mɔ Tii ɲakɔlɔ hangilimaya ni fangamaya boloma iwo Nabi Iliya tɛɛ teme. A kɛtɔ dennu ni ai fanu wotɛ lɔbɛnna, ka telenmandeya hangili di mɔɔ kolobalilu ma, ani ka mɔ Tii ya mɔɔlu lɔbɛn a yɛ.»

Kɛkolu 9:15

Kɛɛ mɔ Tii k'a javi, a vɛɛ: «Taa vɛ! Kamasɔlɔn m̀'ɛ kɛ́ wo ta k'a kɛ ǹa bɔiden ne, fɔsa a yi siboloma gbɛlɛlu lalɔnni ǹ tɔɔ la, ani masakɛlu ni Bani Isilankalu.

Lɔmukalu 2:4

Niwotɛ, i jɔyine Ala ya ɲumaya ba ma, ani aa sɔniyali ni aa sawali? Jalasa i m'a lɔn ko Ala ya ɲumaya le ka kan ka kɛ sabu le i i jɛlɛ lasei a ma?

Lɔmukalu 8:29

Kamasɔlɔn mɔɔ minu lɔnnin tɛɛ Ala bolo ka ta a damina ma, a k'a latɛɛ fana ko wolu yi kɛ a Denkɛ sawula le le, fɔsa wo yi kɛ den kunfɔlɔ le badenma siyama wotɛ.

Lɔmukalu 8:30

Ado a na wo latɛɛla mɔɔ minu ma, a na wolu le kilila fana. Ado a na mɔɔ minu kilila, a na wolu jatela telenmande le fana. Ado a na mɔɔ minu jatela telenmande le, a na magbiliyali dila wolu le ma fana.

Ɛfɛsikalu 1:18

Ala yi ài hangili laka, fɔsa a n'ài kilila jeisii min ya ko lɔ, ài yi wo lɔn, ani ka balayi wala jate lɔn, a yi minu ladalo mumininnu yɛ.

Ɛfɛsikalu 2:10

Kamasɔlɔn Ala baalenɔ le mɔ le, a na minu ladanna Masa Tɔɔmasenin Isa sabu la koɲumakɛko lɔ, fɔsa Ala gbu na koɲuma minu lɔbɛnna mɔ yɛ kɔlɔkɔlɔ le, m'i kɛ wolu kɛba le.

Ɛfɛsikalu 2:7

A vɛ ɲumaya min jiya mɔ la Masa Tɔɔmasenin Isa fɛ, fɔsa waate natɔlu lɔ mɔɔlu y'a lɔn ko aa nɛɛma buɲayine bubale.

Ɛfɛsikalu 3:16

Ǹ'i Ala dalila a ài sɛmɛdon a Nii Sɛnɛyanin sabu la, ka bɛn aa magbiliyali nɔɔlɔnilu ma,

Ɛfɛsikalu 3:8

Hali ǹ ka kɛ muminin bɛ lɔ dɔɔmandani le, Ala na baale min kalifala ǹ na aa nɛɛma lɔ, fɔsa ǹ'i siboloma gbɛlɛ mɔɔlu kawani ka bɛn Masa Tɔɔmasenin ya nafolo banbalilu ma.

Kɔlɔsikalu 1:12

Ài do yi balika bɔ mɔ Fa Ala yɛ, kamasɔlɔn a yi balayi minu ladalola mumininnu yɛ aa masaya lakɛnɛyanin nɔ, a na see dila ài ma fɔsa ài fɛ yi kɛ wo la.

Kɔlɔsikalu 1:27

Ala n'a jatesiila ko k'ai lalɔnni gbonoko wo la, min do makawanin ka gbiliya dunuɲa siboloma bɛ ɲakɔlɔ. Gbonoko wo le min ne: Masa Tɔɔmasenin y'ài josokun nɔ, ale min àiya nɔɔlɔ sɔlɔnko jeisii le.

1 Tɛsalonikakalu 5:9

Kamasɔlɔn Ala ma aa mɔnɛya latɛɛ mɔ ma, mafɔ ka kisili sɔlɔn mɔ Tii Masa Tɔɔmasenin Isa fɛ,

2 Timote 2:21

Ni mɔɔ dɔ k'a jɛlɛ lasɛnɛya ka bɔ kokɔsɔninnu ma, wo tii ma kɛtɔle iwo mulan magbiliyanin min bilanin a ta fan, min nafa y'a Tii yɛ, ani a lɔbɛnnin baale ɲuma suu bɛ dɔ kɛko le lɔ.