Lɔmukalu 9:11 - Ala Ya Salatikan Kula Kitabu

¹¹ Jani filaninnu tɛɛ sɔlɔn, k'a talan ai tɛɛ ma koɲuma kɛ ba bene, niwotɛ koyon, Ala ka kolu labaale fɔsa aa mɔɔtako jusiinin yi to aa kolatɛɛnin kɔkan. A do jusiinin tɛ mɔɔ kɛkolu kɔkan, mafɔ ale min yi mɔɔlu kilila.

Lɔmukalu 9:11 ပူးပေါင်းရင်းမြစ်များ

Lɔmukalu 4:17

A do sɛvɛnin tan ne kitabu kɔnɔ, ko: «M̀'ɛ i kɛ siboloma siyama bema le.» Ibulahima yi mɔ bema le le Ala ɲakɔlɔ, a limaniyanin tɛɛ min ma, Ala min yi niimaya dila fulenilu ma, ani min yi fennu ladanna minu la tɛɛ ma dan ba.

Ɛfɛsikalu 2:3

Tuɲa le, mɔ bɛ tɛɛ taamana siya kelen wo le kɔkan kɔlɔman ne, mɔ vɛ kolu kɛla ka bɛn mɔ falikolo niikanukolu ma. Ko min lɔɔ tɛɛ vɛ kɛla mɔ falikolo ni mɔ miliya la, mɔ tɛɛ wo le kɛla. Ka bɛn mɔ dajoo minu ma, mɔ tɛɛ vɛ don Ala ya mɔnɛya kɔlɔ, iwo adamaden tɔlu.

Ɛfɛsikalu 2:9

A do ma kɛ ài kɛkolu sabu la, fɔsa mɔɔ foi kana se a jɛlɛ matɔɔla.

Ɛfɛsikalu 3:11

Wo bɛ ka kɛ ka bɛn aa habadan kolatɛɛnin ne ma, a na min mafala mɔ Tii Masa Tɔɔmasenin Isa fɛ.

1 Tɛsalonikakalu 1:4

Mɔ badenmalu, Ala diyananmɔɔlu, mɔ k'a lɔn ne ko ale le n'ài tala k'ài kɛ a jɛlɛkanu mɔɔlu le.

1 Tɛsalonikakalu 2:12

Mɔ tɛɛ ài lalila, k'ài sɛmɛdon, ani k'a fɔ ài yɛ k'a magbeleya ko ài yi Ala buɲa ài taamaɲa lɔ, ale min y'ài kilila k'ài ladon aa masaya ni aa magbiliyali lɔ.

2 Timote 1:9

min na mɔ lakisila, ka mɔ kili ka mɔ kɛ aa mɔɔ sɛnɛyaninnu le. Wo do ma kɛ ka bɛn mɔ kɛkolu ma, mafɔ a jɛlɛkanu ya kolatɛɛnin ma, ani aa nɛɛma min dinin mɔ ma Masa Tɔɔmasenin Isa ya kafonɲɔɔya lɔ, jani dunuɲa tɛɛ dan.

Tite 3:5

a ka mɔ lakisi. Wo do ma kɛ ka bɛn mɔ kɛko telenninu ma, mafɔ aa henandeya, ani Nii Sɛnɛyanin ya makoli, min na mɔ ladan kula kɛla ka niimaya kula di mɔ ma.

1 Piyɛli 5:10

Ado ài vɛ banna tɔlɔyala waateni kɔlɔ, Nɛɛmatii Ala min n'ài kilila aa habadan magbiliyali kanma Masa Tɔɔmasenin ya kafonɲɔɔya lɔ, ale gbu le kɛtɔ ài lasiila kula le, ka fanga di ài ma, ani k'ài bama kili.

2 Piyɛli 1:10

Wo le y'a ma, m̀ badenmalu, Ala n'ài kilila k'ài ta ko min kanma, ài y'ài lɔgbeleya k'a dɔ la wo kɔkan. Ni ài do ka wo kɛ, ài sen tɛnala tuula tuun k'ài ben.

Ko Lankɛnɛmayanin 17:14

Ai kɛtɔ kɛlɛ bilala Saa Bolan na, kɛɛ Saa Bolan kɛtɔ see sɔlɔnna ai ma, kamasɔlɔn ale le tiilu ta Tii le, ani masalu ya Masa. A kɔbiladen minu kɛtɔ see sɔlɔnna a fɛ, wolu le aa mɔɔ kilininnu le, ani aa mɔɔ taninnu, ani lanandelu.»