Lɔmukalu 9:1 - Ala Ya Salatikan Kula Kitabu

¹ Ǹ'i tuɲa le fɔla yi ne, ǹe do tɛ faɲa fɔla, kamasɔlɔn Masa Tɔɔmasenin ta le ǹ ne. Ado Nii Sɛnɛyanin gbu le yi seleya dila ǹ josokun nɔ ko

Lɔmukalu 9:1 ပူးပေါင်းရင်းမြစ်များ

Lɔmukalu 1:9

Ǹ'i baalela Ala min yɛ ǹ josokun bɛ le a Denkɛ ya Samakan Kein lasenko lɔ, wo le ǹ sele le k'a fɔ ko ǹ'àiya ko lasena a ma waate bɛ lɔ

Lɔmukalu 2:15

Ai kɛkolu y'a jiyala ko seliya yi mɔɔ lɔla ko minu la, wolu sɛvɛnin ai josokun ne lɔ. Ai miliya fana kɛnin wo sele le le. Waate dɔlu lɔ, ai miliya y'ai jɛlɛ jobaliyala, ado waate dɔlu lɔ, ai miliya y'ai jɛlɛ jo.

Lɔmukalu 8:16

Nii Sɛnɛyanin gbu yi seleya min dila, wo seleya kelen ne yi mɔ josokun nɔ ko Ala den ne mɔ le.

Lɔmukalu 9:2

ǹ niilafinyine, ani ǹ josoladiyanin tɛ waate bɛ

2 Kolɛntikalu 1:12

Mɔ ɲalɔkɛnɛya kun ne min ne: Mɔ josokun ne yi mɔ sele le k'a fɔ ko mɔ na maa dunuɲalɔtɛɛ kɛla telenmandeya ni Ala ya josolɔgbɛya bolo le ma, ài tɛma bɛlɛbɛlɛ le. Mɔ do bolomalanin tɛɛ Ala ya nɛɛma le ma, adamaden ya hangilimaya tɛ.

2 Kolɛntikalu 1:23

Ala yi ǹ sele le, a do ka ǹ josokun lɔn, ǹ ko, m̀ ma ǹ kɔsei ài fɛlɔ Kolɛnti fɔsa ǹ kana ko lɔgbeleyanin sii ài la.

2 Kolɛntikalu 11:10

Damanda Masa Tɔɔmasenin ya tuɲa yi ǹ josokun nɔ, mɔɔ foi tɛ je Akayi koovi lɔ min yi se ǹ dansiila ǹ ɲalɔkɛnɛyako min na.

2 Kolɛntikalu 11:31

Ala min yi mɔ Tii Isa Fa le, tanuli yi min yɛ kudein, ale le k'a lɔn ko ǹ tɛ faɲa fɔla.

2 Kolɛntikalu 12:19

Tumadɔ ài y'ài milila ko m'i mɔ lɔjala waate min bɛ lɔ ka mɔ kumanɔbɔ ài yɛ. Wo tɛ dɛ! Tuɲa le, mɔ na kuma min bɛ fɔla Ala gbu ɲakɔlɔ, iwo mɔɔ minu yi Masa Tɔɔmasenin ya kafonɲɔɔya lɔ. Mɔ diyananmɔɔlu, m'i ko bɛ kɛla yi ne ka bɛn ài lasawatiko le ma limaniya lɔ.

Galatiyakalu 1:20

Ǹ'i min sɛvɛla ài ma yi ne, Ala le ǹ sele le k'a fɔ ko faɲa tɛ wo le.

Filipikalu 1:8

Ala le ǹ sele le k'a fɔ ko ài lɔɔ yi gbala ǹ na teme ka bɛn Masa Tɔɔmasenin Isa ya kanundeya ma.

1 Tɛsalonikakalu 2:5

Àilu gbu k'a lɔn ne ko mɔ nanin ài ma waate min nɔ, mɔ tɛɛ tɛ ài matɔɔla fuun, niwotɛ ka dalɔdiya kumalu fɔ ài yɛ maa natabaya doonko lɔ. Ala le mɔ sele le.

1 Timote 1:5

Maa jamali kun ne kanundeya le min yi bɔla josolɔgbɛnin nɔ, ani jososɛnɛyanin, ani limaniya bɛlɛbɛlɛ.

1 Timote 2:7

Wo le n'a kɛla, Ala na m̀ bilala aa keladenya la ka ǹ kɛ kawanilikɛba le, ko ǹ'i siboloma gbɛlɛ mɔɔlu kalan ka bɛn limaniya ni tuɲandeya ma. Ǹ'i tuɲa le fɔla, ǹ tɛ faɲa fɔla.

1 Timote 5:21

Ǹ'i jamalila Ala ni Masa Tɔɔmasenin Isa ɲakɔlɔ, ani aa mɛlɛka taninnu, ǹ ko, i yi ko minu latelen. I kà dɔ fisa a dɔ le, i kà mɔɔ lɔtɔmɔn.