Lɔmukalu 8:9 - Ala Ya Salatikan Kula Kitabu

⁹ Àilu koni tɛ taamana ka bɛn ài falikolo ladiyanankolu ma, mafɔ Nii Sɛnɛyanin sawo, ni wo lasawatinin ka kɛ ài lɔ bɛlɛbɛlɛ kɛ. Ni Masa Tɔɔmasenin Nii Sɛnɛyanin tɛ mɔɔ min nɔ, wo tii ma tɛ a ta le.

Lɔmukalu 8:9 ပူးပေါင်းရင်းမြစ်များ

Luka 11:13

Àilu ni àiya sɔn kɛwonya bɛ, ni ài k'a lɔn ài ka kan k'ài dennu sɔ fen ɲuma minu la, a lagbɛyine feu ko ài Fa min yi haijɛnɛ, wo yi Nii Sɛnɛyanin dila a dailibalu ma!»

Yohana 14:17

Nii Sɛnɛyanin koni, min yi tuɲa lankɛnɛmayala. Dunuɲa tɛ se wo sɔlɔnna, kamasɔlɔn a tɛ se a yena, kumatɛ k'a lɔn. Kɛɛ àilu k'a lɔn ne, kamasɔlɔn a ài fɛ, ani a kɛtɔ ài josokun nɔ.

Yohana 14:23

Isa k'a javi, a vɛɛ: «Ni mɔɔ min vɛ ǹ kanula, wo tii kɛtɔ ǹ kumakan labatola, ado ǹ Fa fana kɛtɔ a kanula. Ǹe ni ǹ Fa kɛtɔ nala a ma ka to a fɛ.

Yohana 3:34

Ala na mɔɔ min kelayala, wo le yi Ala kumakannu lasena, kamasɔlɔn Ala yi Nii Sɛnɛyanin dila a ma bɛlɛbɛlɛ kɛ.

Yohana 3:6

Falikolo yi falikolo le sɔlɔnna, kɛɛ mɔɔlu yi niimaya kula le sɔlɔnna Nii Sɛnɛyanin sabu la.

Kɛkolu 16:7

Ai senin Misiya koovi dan na, ai k'i lɔja ka don Bitiniya koovi lɔ, kɛɛ Isa Nii Sɛnɛyanin ma diɲa wo ma.

Lɔmukalu 7:5

Kamasɔlɔn mɔ tɛɛ taamana ka bɛn mɔ falikolo niikanukolu ma waate min nɔ, maa seliya lɔnko tɛɛ julumbuta lɔɔ le lawulila, ka mɔ falikolo fannu labaale kolu la minu laban yi saya le.

Lɔmukalu 8:1

Wo lɔ saa, jobaliyako tɛ mɔɔlu ma butu, minu yi Masa Tɔɔmasenin Isa ya kafonɲɔɔya lɔ.

Lɔmukalu 8:11

Ala min na Masa Tɔɔmasenin Isa lawulila ka bɔ saya lɔ, ni wo Nii Sɛnɛyanin lasawatinin ka kɛ ài lɔ, ale Ala kelen ne kɛtɔ niimaya dila ài fali satalu ma a Nii Sɛnɛyanin sabu la, min lasawatinin ài lɔ.

Lɔmukalu 8:2

Kamasɔlɔn Nii Sɛnɛyanin ya seliya min yi niimaya dila Masa Tɔɔmasenin Isa ya kafonɲɔɔya lɔ, wo vɛ ǹ lafɛlɛ ka m̀ bɔ julumbu ni saya ya seliya kɔlɔ.

1 Kolɛntikalu 15:23

Kɛɛ wo kɛtɔle bɛ ni a lɔya. Masa Tɔɔmasenin ne lawulinin kunfɔlɔ le ka bɔ saya lɔ. Wo kɔ, a jɛlɛkanu mɔɔlu la kɛtɔ wulila a nalon.

1 Kolɛntikalu 3:16

Ài m'a lɔn ba bene ko Ala ya lɔhɔlɔmabon ne ài le, ani Ala Nii Sɛnɛyanin makɛnin àilu le kɔnɔ?

1 Kolɛntikalu 6:17

Kɛɛ ni mɔɔ min k'a jɛlɛ kafon mɔ Tii kɔkan, mɔɔ wo ni mɔ Tii vɛ kɛ kelen ne miliya kelen nɔ.

1 Kolɛntikalu 6:19

Ài m'a lɔn ko ài falikolo kɛnin Nii Sɛnɛyanin ya lɔhɔlɔmabon ne le? Nii Sɛnɛyanin min y'ài josokun nɔ, ài na wo sɔlɔnna Ala le fɛ. Ài do tɛ ài jɛlɛ ta le.

2 Kolɛntikalu 10:7

Ài yi kolu lakɔlɔsi kobɛn minu y'ài ɲakɔlɔ! Ni mɔɔ dɔ lanin ka kɛ a la ko Masa Tɔɔmasenin ta le a le, fɔ wo tii y'a lɔn ko ǹu gbu yi Masa Tɔɔmasenin ta le le, iwo ale.

2 Kolɛntikalu 6:16

Bɛn suu mindɛ le yi Ala ya lɔhɔlɔmabonba ni joolu wotɛ? Kamasɔlɔn Ɲɛnɛmayatii Ala ya lɔhɔlɔmabon ne mɔ le, iwo Ala gbu n'a fɔla teme, a vɛɛ: «Ǹ kɛtɔ ǹ siila ai tɛma ka taama ai fɛ. Ǹ kɛtɔ kɛla ai Tii Ala le le, ai do kɛtɔ kɛla ǹa mɔɔlu le le.»

Galatiyakalu 4:6

Komi Ala den ne ài le, wo lɔ, a na a Denkɛ Nii lajiila ka don mɔ josokun nɔ. Nii wo le y'a kɛla, m'i Ala kilila, mɔ vɛɛ: «Mɔ Fa!»

Galatiyakalu 5:24

Mɔɔ minu yi Masa Tɔɔmasenin Isa ta le, wolu vɛ ai falikolo gbaan kɔlɔman ma, wo ni a niikanukolu ani a natalu.

Ɛfɛsikalu 1:13

Àilu fana vɛ limaniya ale Isa ma, ài na tuɲa kuma mɛnna waate min nɔ, min taanin kɛla Samakan Kein ne ka bɛn àiya kisiko ma. Wo lɔ, Ala na Nii Sɛnɛyanin min ya lahedi tala, a na wo lajiila ài kɔkan ka wo kɛ tɔɔmase le,

Ɛfɛsikalu 2:22

Isa ya kafonɲɔɔya lɔ, Ala y'àilu fana tuuntuunna bon wo la ten ne, ka kɛ a jɛlɛkanu makɛya le Nii Sɛnɛyanin sabu la.

Ɛfɛsikalu 3:17

fɔsa Masa Tɔɔmasenin yi sawati ài josokun nɔ ka bɛn limaniya ma. Ǹ'i Ala dalila kɔtunun, ǹ ko, àiya kanundeya lilen yi don ka bama,

Filipikalu 1:19

kamasɔlɔn ǹ k'a lɔn ne ko ka bɛn àiya Aladalilu ma, ani madɛmɛli min kɛtɔ nala Masa Tɔɔmasenin Isa Nii Sɛnɛyanin fɛ, ko wolu laban ne kɛtɔ kɛla ǹa kisiko sabu le.

2 Timote 1:14

Kalan ɲuma minu kalifanin i la, i yi wolu lakana Nii Sɛnɛyanin sabu la, min sawatinin mɔ josokun nɔ.

1 Piyɛli 1:11

Ai tɛɛ ai lɔjala k'a lɔn ko wolu kɛtɔ kɛla waate min nɔ, ani ai kɛtɔ ɲa min ma, Masa Tɔɔmasenin Nii sabu la min tɛɛ ai josokun nɔ. Kamasɔlɔn wo tɛɛ seleya dila ka bɛn ko minu ma jani ai kɛ waate tɛɛ se, a vɛ ai lalɔnnila ka bɛn Masa Tɔɔmasenin ya tɔlɔya ni aa magbiliyali natɔlu ma.

1 Yohana 3:24

Mɔɔ min yi Ala ya jamalilu labatola, wo tii yi Ala ya kafonɲɔɔya le lɔ, ado Ala fana yi wo tii ya kafonɲɔɔya le lɔ. Mɔ n'a lɔnna boloɲa min ne ma ko a yi maa kafonɲɔɔya lɔ: A na Nii Sɛnɛyanin dila mɔ ma.

1 Yohana 4:13

Mɔ n'a lɔnna min ne ma ko m'i Ala ya kafonɲɔɔya lɔ, ani ale fana yi maa kafonɲɔɔya lɔ: A vɛ a Nii Sɛnɛyanin di mɔ ma.

1 Yohana 4:4

Ǹ dennu, àilu koni yi Ala ta le le. Ài do vɛ see sɔlɔn faɲafɔ kela wolu ma, kamasɔlɔn ale min y'ài fɛ, a fanga buɲanin vɛ dɔ wo ta le min yi dunuɲamɔɔlu fɛ.

Ko Lankɛnɛmayanin 13:8

Dunuɲamɔɔlu bɛ kɛtɔ soofali batola, mɔɔ minu tɔɔ sɛvɛnin tɛ niimaya kitabu kɔnɔ ka ta dunuɲa dan waate ma, min yi Saa Bolan ta le, ai ka min faa.

Ko Lankɛnɛmayanin 20:15

Ado mɔɔ mɔɔ tɔɔ sɛvɛnin tɛɛ ma talan niimaya kitabu kɔnɔ, wo tii la ka fili taa diɲa ba lɔ.