Lɔmukalu 8:7 - Ala Ya Salatikan Kula Kitabu

⁷ Kamasɔlɔn mɔɔ min nii lanin a falikolo ladiyanankolu kɔkan, wo tii v'i lɔ Ala ɲa, kamasɔlɔn a m'a kolo Ala ya seliya yɛ, a do tɛ se wo la feu.

Lɔmukalu 8:7 ပူးပေါင်းရင်းမြစ်များ

Matiyu 12:34

Àilu fɔnfɔnnidennu! Ài dajoo man ɲin. Ài yi se kuma kein fɔla di wo lɔ? Mɔɔ josokun lafanin ko min na, a da yi wo le fɔla.

Matiyu 5:19

Wo le y'a ma, ni mɔɔ min ka seliya bɛ lɔ dɔɔmaninda dɔ gbu to je, k'a dɔlu kalan ko ai yi wo ɲɔɔzii kɛ, wo vɛ kɛla, wo tii jatetɔ dɔɔmaninda le le haijɛnɛ masaya lɔ. Ni do mɔɔ min ka seliya wolu labato k'a dɔlu kalan a la, wo tii jatetɔ mɔɔba le le haijɛnɛ masaya lɔ.

Yohana 7:7

Ài tɛ se gbeyala dunuɲa yɛ, kɛɛ ǹe do gbeyayine a yɛ, kamasɔlɔn ǹ'i seleya dila ka bɛn a ma ko a kɛkolu kɛwonyanin.

Lɔmukalu 1:28

Komi ai ma Ala lɔnko ta ko sɔvɛ le, wo le k'a kɛ, Ala k'ai bila ai jɛlɛ ma ai miliya kolonnu kɔ, fɔsa ai yi kolu kɛ minu man kan ka kɛ.

Lɔmukalu 1:30

ani mɔɔtɔɔtiɲaba, ani Ala lagbeyaɲɛmɔɔ, ani jɛvɛlikɛba, ani mɔɔ fannɔba, ani wasokɛba. Ai do yi koyon kɛɲa kula le lɔbɛnna. Ai tɛ ai wolobalu kumakan labatola.

Lɔmukalu 3:31

Jalasa wo kɔlɔ le ko Nabi Musa ya seliya vɛ kɛ kofuun ne ka bɛn limaniya min ma? Wo tɛ dɛ! Mafɔ, m'i seliya wo lasawatila.

Lɔmukalu 5:10

Ala juu le tɛɛ mɔ le, kɛɛ a na ale ni ǹu wotɛbɛnna a Denkɛ ya saya le fɛ. Komi mɔ wotɛ vɛ bɛn butu, a lagbɛyine feu ko mɔ kɛtɔ kisila a Denkɛ ya niimaya le fɛ.

Lɔmukalu 7:22

Kamasɔlɔn Ala ya seliya diyanin ǹ yɛ ǹ josokun nɔ.

Lɔmukalu 8:4

Wo le y'a kɛ, seliya yi telenmandeya min makilila, wo da yi fa mɔ taamaɲa lɔ teme, ǹu minu tɛ taamana ka bɛn mɔ falikolo ladiyanankolu ma, mafɔ Nii Sɛnɛyanin sawo.

1 Kolɛntikalu 2:14

Kɛɛ adamaden jɛlɛla tɛ a bolo siila Ala Nii Sɛnɛyanin kolu kɔlɔ, kamasɔlɔn wolu y'a ɲana ko kundan ne le. A do tɛ ai ɲayena, kamasɔlɔn wolu wotɛbɔ yi lɔnna Nii Sɛnɛyanin ne fɛ dein.

1 Kolɛntikalu 9:21

Wo boloɲa kelen ma, m̀'ɛ kɛla siboloma gbɛlɛ mɔɔlu tɛma, Nabi Musa ya seliya tɛ minu bolo, ǹ'i ǹ jɛlɛ kɛla iwo mɔɔ min tɛ seliya kɔlɔ, fɔsa ǹ'i se ai masɔlɔnna teme. A tɛ k'a fɔ ko ǹ tɛ Ala ya seliya labatola, kamasɔlɔn ǹ'i Masa Tɔɔmasenin ya seliya le kɔlɔ.

Kɔlɔsikalu 1:21

Waate lɔ, ài majaanyine tɛɛ Ala la k'ài kɛ a juulu le ka bɛn ài miliyalu ma ani ài kɛko yonnu.

Kɔlɔsikalu 2:18

Ài kà diɲa mɔɔ suu suu y'ài jobaliya, minu yi faɲafɔ fanmajii kɛla ani ka mɛlɛkalu bato. Mɔɔ wolu yi ko siyama le ɲafɔla, ai vɛɛ ko Ala le na wolu lajɛlɛla ai ɲa ma, k'ai fannɔbuɲa fuun ka bɛn aiya adamadenya miliya ma dein.

2 Timote 3:4

ani janvande, ani kolakɔlɔsibali, ani mɔɔ fannɔba. Ai jɛlɛ diyabɔkolu le kɛtɔ diyala ai yɛ ka timin Ala ya kolu la.

Hebululu 8:10

Kɛɛ lon wolu vɛ timinna, ǹe ài Tii vɛɛ ko, ǹ kɛtɔ salatikan min ne tala Bani Isilankalu yɛ: Ǹ kɛtɔ ǹa seliyalu bilala ai hangili lɔ, ani k'ai sɛvɛ ai josokun nɔ. Ǹ kɛtɔ ai Tii Ala le le, ai do kɛtɔ ǹa mɔɔlu le le.

Janguba 4:4

Àilu lanandeyabalilu! Ài m'a lɔn ko dunuɲa kanu yi nala Ala lagbeyaɲɛ le le? Wo lɔ, ni mɔɔ mɔɔ si y'a fɛ k'a jɛlɛ kɛ dunuɲa kanuba le, wo tii kɛtɔ a jɛlɛ kɛla Ala juu le le.

2 Piyɛli 2:14

Waate bɛ, ai ɲa yi bɔla mosolu la jalonya boloma. Ai tɛ wasala julumbu tako lɔ. Ai yi sɔɔ lasiila mɔɔlu ɲa minu sawatinin tɛ limaniya lɔ. Ai josokun lafanin natabaya le le. Daantɔ le ai le.