Lɔmukalu 8:6 - Ala Ya Salatikan Kula Kitabu

⁶ K'i nii la i falikolo ladiyanankolu kɔkan, wo laban yi saya le le. Kɛɛ k'i nii la Nii Sɛnɛyanin ladiyanankolu kɔkan, wo laban yi niimaya ni josolajii le le.

Lɔmukalu 8:6 ပူးပေါင်းရင်းမြစ်များ

Yohana 14:27

«Ǹ'i josolajii le tola ài bolo, ǹa josolajii, ǹ'i wo le donna ài bolo. Ǹ t'a dila ài ma iwo dunuɲa y'a dila teme. Ài joso kà tɔlɔ, ài do kà siyan.

Yohana 14:6

Isa do vɛɛ a yɛ: «Ǹe le siya le, ani tuɲa, ani niimaya. Mɔɔ suu suu tɛ se taala ǹ Fa fɛlɔ ni a ma timin ǹe fɛ.

Yohana 17:5

Wo lɔ saa, ǹ Fa, magbiliyali di m̀ ma i ɲakɔlɔ iwo a tɛɛ m̀ bolo i fɛlɔ teme jani dunuɲa tɛɛ dan.

Lɔmukalu 13:14

Ài yi mɔ Tii Masa Tɔɔmasenin Isa dajoo ta ài jɛlɛ yɛ. Ài do k'ài sɔnja ài falikolo le butu ka bɛn a niikanukolu ma.

Lɔmukalu 14:17

Kamasɔlɔn Ala ya masaya tɛ dɔnni ni minni ko le, mafɔ telenmandeya ani josolajii ani josoladiya, Nii Sɛnɛyanin yi minu dila.

Lɔmukalu 5:1

Mɔ vɛ jate telenmande le Ala ɲakɔlɔ limaniya fɛ, wo lɔ, josolajii vɛ don ǹu ni Ala wotɛ mɔ Tii Masa Tɔɔmasenin Isa sabu la.

Lɔmukalu 5:10

Ala juu le tɛɛ mɔ le, kɛɛ a na ale ni ǹu wotɛbɛnna a Denkɛ ya saya le fɛ. Komi mɔ wotɛ vɛ bɛn butu, a lagbɛyine feu ko mɔ kɛtɔ kisila a Denkɛ ya niimaya le fɛ.

Lɔmukalu 6:21

Kɛɛ do, ài na nafa mindɛ le sɔlɔnna ài kɛko wolu la, minu maloya ài la bi? Kamasɔlɔn wolu laban yi saya le le.

Lɔmukalu 6:23

Kamasɔlɔn julumbu sala le saya le, kɛɛ Ala ya sɔli yi niimaya banbali le le mɔ Tii Masa Tɔɔmasenin Isa ya kafonɲɔɔya lɔ.

Lɔmukalu 7:11

Kamasɔlɔn julumbu na ɲa sɔlɔnna jamali wo le sabu la ka ǹ janva, ka ban ka ǹ faa.

Lɔmukalu 7:5

Kamasɔlɔn mɔ tɛɛ taamana ka bɛn mɔ falikolo niikanukolu ma waate min nɔ, maa seliya lɔnko tɛɛ julumbuta lɔɔ le lawulila, ka mɔ falikolo fannu labaale kolu la minu laban yi saya le.

Lɔmukalu 8:13

Kamasɔlɔn ni ài vɛ kɛla taamana ka bɛn ài falikolo ladiyanankolu ma, ài yi sale feu. Kɛɛ ni ài do k'ài falikolo ya koyonnu lɔsa Nii Sɛnɛyanin sabu la, ài yi niimaya sɔlɔnne.

Lɔmukalu 8:27

Ado Ala min yi mɔ josokun lasaala, wo ka Nii Sɛnɛyanin miliya lɔn, kamasɔlɔn Nii Sɛnɛyanin yi mumininnu masolonali minala Ala ma ka bɛn Ala sawo le ma.

Lɔmukalu 8:7

Kamasɔlɔn mɔɔ min nii lanin a falikolo ladiyanankolu kɔkan, wo tii v'i lɔ Ala ɲa, kamasɔlɔn a m'a kolo Ala ya seliya yɛ, a do tɛ se wo la feu.

Galatiyakalu 5:22

Kɛɛ Nii Sɛnɛyanin y'a den minu kɛla mɔɔ josokun nɔ, wolu le ne: kanundeya, josoladiya, josolajii, sawali, henandeya, ɲumaya, lanandeya,

Galatiyakalu 6:8

Ni mɔɔ min k'a falikolo ladiyanankolu sɛnɛ, wo tii kɛtɔ a halakiko le kalila. Kɛɛ do, ni mɔɔ min ka Nii Sɛnɛyanin diyanankolu sɛnɛ, wo tii kɛtɔ niimaya banbali le kalila Nii Sɛnɛyanin fɛ.