Lɔmukalu 8:5 - Ala Ya Salatikan Kula Kitabu

⁵ Kamasɔlɔn mɔɔ minu yi taamana ka bɛn ai falikolo ladiyanankolu ma, wolu nii lanin ko suu wolu le kɔkan. Kɛɛ do, mɔɔ minu yi taamana ka bɛn Nii Sɛnɛyanin sawo ma, wolu nii lanin Nii Sɛnɛyanin ya kolu le kɔkan.

Lɔmukalu 8:5 ပူးပေါင်းရင်းမြစ်များ

Malɛkɛ 8:33

Kɛɛ Isa k'i kɔdon mingɛ k'a kɔbiladennu ye, a ka Piyɛli makuma, a vɛɛ: «Ile Soitana, bɔ ǹ kɔ! Kamasɔlɔn i t'i milila Ala sawonankolu ma, mafɔ adamadennu sawonankolu.»

Yohana 3:6

Falikolo yi falikolo le sɔlɔnna, kɛɛ mɔɔlu yi niimaya kula le sɔlɔnna Nii Sɛnɛyanin sabu la.

Lɔmukalu 8:9

Àilu koni tɛ taamana ka bɛn ài falikolo ladiyanankolu ma, mafɔ Nii Sɛnɛyanin sawo, ni wo lasawatinin ka kɛ ài lɔ bɛlɛbɛlɛ kɛ. Ni Masa Tɔɔmasenin Nii Sɛnɛyanin tɛ mɔɔ min nɔ, wo tii ma tɛ a ta le.

1 Kolɛntikalu 15:48

Mɔɔ minu yi duukolo ta le, wolu bɔnin kɛ́ kelen wo le la, min ladannin duu bamu le. Kɛɛ mɔɔ minu yi haijɛnɛ ta le, wolu bɔnin kɛ́ kelen wo le la, min bɔnin haijɛnɛ.

1 Kolɛntikalu 2:14

Kɛɛ adamaden jɛlɛla tɛ a bolo siila Ala Nii Sɛnɛyanin kolu kɔlɔ, kamasɔlɔn wolu y'a ɲana ko kundan ne le. A do tɛ ai ɲayena, kamasɔlɔn wolu wotɛbɔ yi lɔnna Nii Sɛnɛyanin ne fɛ dein.

2 Kolɛntikalu 10:3

Hali ni mɔ ka kɛ mɔ nii la dunuɲa min nɔ, mɔ tɛ maa kɛlɛ kɛla iwo dunuɲamɔɔlu y'a kɛla teme.

Galatiyakalu 5:17

Kamasɔlɔn mɔ falikolo ladiyanankolu ni Nii Sɛnɛyanin diyanankolu tɛ bɛnna i ɲɔɔ ma. Ai do y'i ɲɔɔ kɛlɛla. Wo le y'a kɛla, ko min kɛ lɔɔ ài la, wo kɛ see tɛ ài yɛ.

Ɛfɛsikalu 5:9

Kamasɔlɔn ɲumaya ni telenmandeya ni tuɲandeya suu bɛ yi nala kɛnɛya le fɛ.

2 Piyɛli 2:10

Wo kolatɔn kɛtɔ lala mɔɔ minu kɔkan bɛlɛbɛlɛ kɛ, wolu le yi bɔlila ai niikanuko kɔsɔninnu kɔ, ani ka kuntiiya lagbeyaɲɛ. Faɲafɔ kalanmɔɔ wolu wakaliyine k'ai kafa. Ai do tɛ siyanna nii nɔɔlɔnilu lafeyako lɔ minu yi haijɛnɛ.