Lɔmukalu 8:38 - Ala Ya Salatikan Kula Kitabu

^38-39 Kamasɔlɔn ǹ lanin a la ko foi tɛnala sena mɔ fɛ tɛɛla Ala ya kanundeya la. Ni a ka kɛ saya le, niimaya le, mɛlɛkalu le, jinalu le, bi kolu le, sinin kolu le, seetiilu le, sangbololɔ fangatiilu le, duukolokɔkan fangatiilu le, kumatɛ dannifen suu suu ma, wo foi tɛnala sena mɔ fɛ tɛɛla Ala ya kanundeya la, min jiyanin mɔ la mɔ Tii Masa Tɔɔmasenin Isa fɛ.

Lɔmukalu 8:38 ပူးပေါင်းရင်းမြစ်များ

Yohana 10:28

Ǹ'i niimaya banbali dila ai ma, ai do tɛnala halakila tuun, ado mɔɔ foi tɛnala sena ai jasola m̀ bolo.

Lɔmukalu 14:7

Mɔ suu suu tɛ mɔ nii la mɔ jɛlɛkanu yɛ, ado mɔ suu suu tɛ sala mɔ jɛlɛkanu yɛ.

Lɔmukalu 14:8

Ni mɔ ka kɛ mɔ nii la, m'i mɔ nii la mɔ Tii le yɛ. Ni mɔ do ka sa, mɔ sanin mɔ Tii le yɛ. Wo lɔ, hali ni mɔ ka to mɔ nii la o, mɔ ka sa o, mɔ Tii ta le mɔ le.

Lɔmukalu 4:21

A layine tɛɛ a la kosɛvɛ ko a see yi Ala yɛ ka aa lahedi tanin mafa.

Lɔmukalu 6:23

Kamasɔlɔn julumbu sala le saya le, kɛɛ Ala ya sɔli yi niimaya banbali le le mɔ Tii Masa Tɔɔmasenin Isa ya kafonɲɔɔya lɔ.

1 Kolɛntikalu 15:24

Wo vɛ kɛla, dunuɲa laban kɛtɔ sena, Masa Tɔɔmasenin vɛ kuntii yenbalilu bɛ halakila, ani fangatiilu, ani seetiilu, ka ban ka masaya lase Fa Ala ma.

2 Kolɛntikalu 11:14

Wo do pa tɛ kawananko le, kamasɔlɔn Soitana gbu y'a jɛlɛ kɛla iwo mɛlɛka nɔɔlɔnin.

2 Kolɛntikalu 4:13

A sɛvɛnin kitabu kɔnɔ, ko: «M̀'ɛ limaniya. Wo le n'a kɛla, ǹ na kumala.» Komi ǹu gbu vɛ limaniya wo boloɲa kelen ma, wo le y'a kɛla, m'i kumala.

Ɛfɛsikalu 1:21

A ka a lasii fangatii yenbalilu ni kuntiilu ni seetiilu ni masalu bɛ kunna poon. A do tɔɔ buɲanin vɛ tɔɔ bɛ le minu yi fɔla dunuɲa jan ani kiyama.

Kɔlɔsikalu 1:16

Kamasɔlɔn fen bɛ ladannin ale le sabu la sangbolo lɔ ani duukolo kɔkan: fen yentalu, fen yenbalilu, masalu, seetiilu, fangatiilu, ani kuntiilu. Fen bɛ ladannin ale le sabu la, ani ale le yɛ.

Kɔlɔsikalu 2:15

Wo boloɲa ma, a ka fangatii ni kuntii yenbalilu ya seetiiya tiɲa, k'ai lamaloya bala lɔ iwo kɛlɛkɔlɔdennu, a vɛ seesɔlɔntaama kɛla ai ɲa ka bɛn a gbaankɔlɔman ma.

2 Timote 1:12

Wo le n'a kɛla, tɔlɔya min bɛ na m̀ masɔlɔnna. Kɛɛ wo maloya tɛ ǹ na, kamasɔlɔn ǹ ka ale lɔn, ǹ limaniyanin ale min ma. Ado ǹ layine a la feu ko a na ko min kalifala ǹ na, a see y'a yɛ ka wo lakana haan fɔɔ a nalon.

Hebululu 11:13

Mɔɔ wolu bɛ ka sa limaniya le lɔ, k'a talan ai ma fen wolu sɔlɔn minu lahedi tanin. Ai do ka to poon ka wolu ye ka sawa, ai v'i lɔla a la ko lona ni timintiminkɛba le ai le duukolo kɔkan.

1 Piyɛli 3:22

ale min jɛlɛnin ka taa haijɛnɛ k'i sii Ala bolokini fannɔ, mɛlɛkalu ni kuntiilu ni fangatiilu majiinin vɛ a kɔlɔ.