Lɔmukalu 8:37 - Ala Ya Salatikan Kula Kitabu

³⁷ Kɛɛ wo bɛ lɔ, mɔ vɛ kɛ seesɔlɔnbalu le feu ka bɛn ale le ma, ale min na mɔ kanula.

Lɔmukalu 8:37 ပူးပေါင်းရင်းမြစ်များ

Yohana 16:33

Ǹ na ko minu fɔla ài yɛ, fɔsa ài yi josolajii sɔlɔn ǹa kafonɲɔɔya lɔ. Ài kɛtɔ gbalo siyama masɔlɔnna dunuɲa, kɛɛ ài josola yi gbeleya. M̀'ɛ see sɔlɔn dunuɲa ma.»

Lɔmukalu 8:35

Mindɛ le yi se mɔ fɛ tɛɛla Masa Tɔɔmasenin ya kanundeya la? Tɔlɔya, niwotɛ hangili ɲaami? Jangata, niwotɛ kɔɔn? Feeyabɔtanya, niwotɛ masuwako, niwotɛ siyamifan?

1 Kolɛntikalu 15:54

Ni falikolo tiɲata ma ka falin ka kɛ a tiɲabali le, ani fen sata ma ka falin ka kɛ a sabali le, wo vɛ kɛla, kitabu kɔnɔ kuma min mafatɔle, ko: «See vɛ sɔlɔn saya ma, ka saya latunun!

1 Kolɛntikalu 15:57

Kɛɛ m'i balika bɔla Ala yɛ, min yi see dila mɔ ma mɔ Tii Masa Tɔɔmasenin Isa sabu la!

2 Kolɛntikalu 12:19

Tumadɔ ài y'ài milila ko m'i mɔ lɔjala waate min bɛ lɔ ka mɔ kumanɔbɔ ài yɛ. Wo tɛ dɛ! Tuɲa le, mɔ na kuma min bɛ fɔla Ala gbu ɲakɔlɔ, iwo mɔɔ minu yi Masa Tɔɔmasenin ya kafonɲɔɔya lɔ. Mɔ diyananmɔɔlu, m'i ko bɛ kɛla yi ne ka bɛn ài lasawatiko le ma limaniya lɔ.

2 Kolɛntikalu 12:9

Kɛɛ a do k'a fɔ ǹ yɛ, a vɛɛ: «Ǹ na nɛɛma min kɛla i yɛ, wo y'i wasa, kamasɔlɔn ǹa seetiiya yi jiyala fangandanya le lɔ.» Wo le n'a kɛla, ǹ kɛtɔ ǹ jɛlɛ matɔɔla sawa boloma ka bɛn ǹa fangandanya ma, fɔsa Masa Tɔɔmasenin ya seetiiya yi to ǹ kan.

2 Kolɛntikalu 2:14

Kɛɛ ǹ'i balika bɔla Ala yɛ, min yi bilala mɔ ɲa kudein Masa Tɔɔmasenin ya seesɔlɔn taama lɔ. A do yi baalela mɔ fɛ ka Masa Tɔɔmasenin lɔnko lajɛzɛn fan bɛ lɔ, iwo wusulan suma yi jɛzɛnna fan bɛ lɔ teme.

Galatiyakalu 2:20

M̀'ɛ gbaan Masa Tɔɔmasenin fɛ kɔlɔman ma. Wo lɔ, ǹe gbu tɛ ǹ nii la butu, mafɔ Masa Tɔɔmasenin le a nii la ǹ nɔ. Ǹ'i ǹa dunuɲalɔtɛɛ min kɛla ǹ falikolo lɔ yi ne, ǹ'i wo kɛla ka bɛn limaniya le ma Ala Denkɛ ma, min na ǹ kanula k'a jɛlɛ di ǹa ko lɔ.

Ɛfɛsikalu 5:2

ka taama kanundeya boloma iwo Masa Tɔɔmasenin na mɔ kanula teme, k'a jɛlɛ di maa ko lɔ, iwo salaka sumadiyanin min lasenin Ala ma.

2 Tɛsalonikakalu 2:16

Mɔ Tii Masa Tɔɔmasenin Isa gbu ni mɔ Fa Ala, min na mɔ kanula ka habadan josolajii ni jeisii ɲuma di mɔ ma aa nɛɛma lɔ,

1 Yohana 4:10

Kanundeya bɛlɛbɛlɛ le min ne: A tɛ k'a fɔ ko mɔ na Ala kanula, kɛɛ ale le na mɔ kanula ka a Denkɛ lana, k'a kɛ maa julumbulu lɔkoto salaka le.

1 Yohana 4:19

Ǹu koni yi kanundeya kɛla, kamasɔlɔn Ala le na mɔ kanula kunfɔlɔ le.

1 Yohana 4:4

Ǹ dennu, àilu koni yi Ala ta le le. Ài do vɛ see sɔlɔn faɲafɔ kela wolu ma, kamasɔlɔn ale min y'ài fɛ, a fanga buɲanin vɛ dɔ wo ta le min yi dunuɲamɔɔlu fɛ.

Jude 1:24

Tanuli ale le yɛ min yi se k'ài matanga fɔsa ài sen kana tuu, ani min yi se ài lalɔla a ɲakɔlɔ jalakibaliya ni sawa ba boloma a nɔɔlɔ lɔ.

Ko Lankɛnɛmayanin 1:5

Ado nɛɛma ni josolajii yi kɛ ài yɛ ka bɔ Masa Tɔɔmasenin Isa fɛ, min kɛnin sele lanande le, ani mɔɔ kunfɔlɔ min wulinin ka bɔ saya lɔ, ani dunuɲa masalu ya kuntii. Tanuli y'a yɛ, ale min na mɔ kanula, ka mɔ lafɛlɛ ka bɔ maa julumbulu ma a jeli sabu la.

Ko Lankɛnɛmayanin 12:11

Mɔ badenmalu vɛ see sɔlɔn a ma, ka bɛn Saa Bolan jeli bɔnko ma ani aiya seleyakannu, kamasɔlɔn ai ma aiya niimaya kanu haan fɔɔ ka siyan saya ɲa.

Ko Lankɛnɛmayanin 17:14

Ai kɛtɔ kɛlɛ bilala Saa Bolan na, kɛɛ Saa Bolan kɛtɔ see sɔlɔnna ai ma, kamasɔlɔn ale le tiilu ta Tii le, ani masalu ya Masa. A kɔbiladen minu kɛtɔ see sɔlɔnna a fɛ, wolu le aa mɔɔ kilininnu le, ani aa mɔɔ taninnu, ani lanandelu.»

Ko Lankɛnɛmayanin 21:7

Ni mɔɔ min ka see sɔlɔn, wo tii kɛtɔ balayi wolu le sɔlɔnna ǹ na. Ǹ kɛtɔ kɛla a Tii le le, a do kɛtɔ kɛla ǹ den ne le.

Ko Lankɛnɛmayanin 3:9

Soitana kɔbiladennu minu y'a fɔla ai jɛlɛ ma ko Jahudiya, k'a talan ai tɛ wo le mafɔ faɲafɔbalu, a ye, ǹ kɛtɔ wolu lanala k'ai labilin i sen kɔlɔ. Wo vɛ kɛla, ai kɛtɔ a lɔnna ko ǹ n'i kanula.