Lɔmukalu 8:32 - Ala Ya Salatikan Kula Kitabu

³² Ala min ma saya lagban a jɛlɛkanu Denkɛ kunna, mafɔ ka wo di mɔ bɛ ya ko lɔ, jalasa a tɛnala mɔ sɔla fen bɛ la fana?

Lɔmukalu 8:32 ပူးပေါင်းရင်းမြစ်များ

Matiyu 3:17

Kumakan dɔ ka bɔ sangbolo lɔ, a vɛɛ: «Ǹ diyanan Denkɛ le ne. A do vɛ ǹ kɔnɔlɔdiya bubale.»

Matiyu 7:11

Àilu ni àiya sɔn kɛwonya bɛ, ni ài k'a lɔn ài ka kan k'ài dennu sɔ fen ɲuma minu la, a lagbɛyine feu ko ài Fa min yi haijɛnɛ, wo y'a dailibalu sɔla fen ɲumalu le la!

Yohana 3:16

Kamasɔlɔn Ala na dunuɲa kanula boloɲa min ne ma: A na a Denkɛ kelenpesa dila, fɔsa ni mɔɔ mɔɔ ka limaniya a ma, wo tii kana halaki, kɛɛ wo tii yi niimaya banbali sɔlɔn.

Lɔmukalu 11:21

Kamasɔlɔn ni Ala ma kɔlɔman sɛnɛnin bololu to je, ile do?

Lɔmukalu 4:25

Isa donnin tɛɛ saya bolo ka bɛn maa julumbulu le ma, ka ban k'i wuli kɔtunun fɔsa m'i jate telenmande le Ala ɲakɔlɔ.

Lɔmukalu 6:23

Kamasɔlɔn julumbu sala le saya le, kɛɛ Ala ya sɔli yi niimaya banbali le le mɔ Tii Masa Tɔɔmasenin Isa ya kafonɲɔɔya lɔ.

Lɔmukalu 8:28

Mɔ do k'a lɔn ne ko, ko bɛ la yi banna a ɲuma le ma Ala kanundelu yɛ, minu kilinin ka bɛn aa kolatɛɛnin ma.

1 Kolɛntikalu 2:12

Ǹu koni, mɔ na hangili min sɔlɔnna, wo tɛ dunuɲa ta le. Mɔ do vɛ Ala Nii Sɛnɛyanin sɔlɔn, fɔsa m'i se Ala ya sɔlilu lɔnna teme.

2 Kolɛntikalu 4:15

Tuɲa le, ko wo bɛ yi mɔ masɔlɔnna àiya ko le lɔ, fɔsa Ala ya nɛɛma la vɛ sena mɔɔ jilika jilika ma, ai yi balika bɔ Ala yɛ a magbiliyako lɔ.

2 Kolɛntikalu 5:21

Masa Tɔɔmasenin ma julumbu foi ta, kɛɛ Ala na maa julumbu doni lala ale le kun, fɔsa m'i kɛ telenmande le Ala ɲakɔlɔ aa kafonɲɔɔya lɔ.

2 Kolɛntikalu 6:10

Ai do yi mɔ yena mɔɔ maɲumanin ne le, k'a talan mɔ sawanin kudein. Ai yi mɔ yena bolokolon ne le, k'a talan m'i mɔɔ siyama labanayala. A ai kɔnɔ ko foi tɛ mɔ bolo, k'a talan fen bɛ yi mɔ ta le le.

1 Yohana 4:10

Kanundeya bɛlɛbɛlɛ le min ne: A tɛ k'a fɔ ko mɔ na Ala kanula, kɛɛ ale le na mɔ kanula ka a Denkɛ lana, k'a kɛ maa julumbulu lɔkoto salaka le.

Ko Lankɛnɛmayanin 21:7

Ni mɔɔ min ka see sɔlɔn, wo tii kɛtɔ balayi wolu le sɔlɔnna ǹ na. Ǹ kɛtɔ kɛla a Tii le le, a do kɛtɔ kɛla ǹ den ne le.