Lɔmukalu 8:30 - Ala Ya Salatikan Kula Kitabu

³⁰ Ado a na wo latɛɛla mɔɔ minu ma, a na wolu le kilila fana. Ado a na mɔɔ minu kilila, a na wolu jatela telenmande le fana. Ado a na mɔɔ minu jatela telenmande le, a na magbiliyali dila wolu le ma fana.

Lɔmukalu 8:30 ပူးပေါင်းရင်းမြစ်များ

Yohana 17:22

I na magbiliyali min dila m̀ ma, ǹ na wo suu le dila ai ma, fɔsa ai yi kɛ kelen ne iwo ǹe ni ile yi kelen ne teme.

Yohana 17:24

«Ǹ Fa, ǹ'a fɛ ǹ'i tɛɛminja, i na minu dila m̀ ma, wolu fana yi kɛ ǹ fɛ je, fɔsa ai yi ǹa magbiliyali ye, i na min dila m̀ ma kamasɔlɔn i na ǹ kanula jani dunuɲa tɛɛ dan.

Yohana 5:24

«Ǹ'i tuɲa fɔ ài yɛ, ni mɔɔ mɔɔ ka ǹ kumakan mɛn ka limaniya ǹ kelaba ma, niimaya banbali yi wo tii le yɛ. Kiti tɛnala bilala wo tii la, kɛɛ a do vɛ bɔ saya lɔ ka don niimaya lɔ.

Lɔmukalu 1:6

Àilu gbu fɛ yi mɔɔ wolu la, àilu minu kilinin k'ài kɛ Masa Tɔɔmasenin Isa ta le.

Lɔmukalu 11:29

Kamasɔlɔn ni Ala ka mɔɔ min sɔ, a tɛ aa sɔli wo minala wo tii ma la. Ni a do ka mɔɔ kili ko dɔ kanma, a tɛ wo bɔla a ma feu.

Lɔmukalu 8:1

Wo lɔ saa, jobaliyako tɛ mɔɔlu ma butu, minu yi Masa Tɔɔmasenin Isa ya kafonɲɔɔya lɔ.

Lɔmukalu 8:21

k'a fɔ ko lon dɔ, dannifen bɛ la kɛtɔ fɛlɛla k'ai bɔ tiɲali ya jɔnya lɔ, ani ka lafɛlɛ ni magbiliyali sɔlɔn iwo Ala dennu kɛnin teme.

Lɔmukalu 8:28

Mɔ do k'a lɔn ne ko, ko bɛ la yi banna a ɲuma le ma Ala kanundelu yɛ, minu kilinin ka bɛn aa kolatɛɛnin ma.

1 Kolɛntikalu 1:2

M'a lataala Ala ya limaniyajama le ma Kolɛnti so kɔnɔ, àilu minu bilanin ài ta fan Masa Tɔɔmasenin Isa bolo ani k'ài kili k'ài kɛ mumininnu le, ani mɔɔ minu bɛ yi Masa Tɔɔmasenin Isa tɔɔ kilila fan bɛ lɔ, ale min yi ǹu ni ailu Tii le.

1 Kolɛntikalu 1:9

Ala yi lanande le le, ale min n'ài kilila k'ài ladon a Denkɛ ya kafonɲɔɔya lɔ, min taanin kɛla mɔ Tii Masa Tɔɔmasenin Isa le.

1 Kolɛntikalu 2:7

Ǹu do yi Ala ya hangilimaya le lasena, min kɛnin aa gbonoko doonnin ne, a na min latɛɛla jani dunuɲa tɛɛ dan maa magbiliyali sɔlɔnko lɔ.

1 Kolɛntikalu 6:11

Waate lɔ, ài dɔlu tɛɛ ten ne sɔ. Kɛɛ ài ma vɛ ko, ài la vɛ sɛnɛya, ani ài vɛ bila ài ta fan Ala yɛ, k'ài jate telenmandelu le Ala ɲakɔlɔ ka bɛn mɔ Tii Masa Tɔɔmasenin Isa tɔɔ ma, ani mɔ Tii Ala Nii Sɛnɛyanin.

2 Kolɛntikalu 4:17

Ado m'i tɔlɔyani minu masɔlɔnna waateni kɔlɔ, wolu yi mɔ lɔbɛnna habadan magbiliyali le lɔ, min buɲanin ka timin tɔlɔya wolu la feu.

Galatiyakalu 1:15

Kɛɛ jani m̀ woloba ɲuma tɛɛ jii ǹ ne, Ala na m̀ bilala ǹ ta fan ka ǹ kili aa bɔidenya kanma ka bɛn aa nɛɛma ma. Waate lɔ, a ka diya Ala yɛ

Galatiyakalu 1:6

M̀'ɛ tɛɛnɛ àiya ko la, kamasɔlɔn Ala min n'ài kilila ka bɛn Masa Tɔɔmasenin ya nɛɛma ma, ài vɛ ài kɔdon a la jona ka bila ko gbɛlɛ kɔ, ai y'a fɔla min ma ko samakan kein.

Galatiyakalu 5:8

Ài lakoliko wo ma bɔ Ala bolo, min n'ài kilila.

Ɛfɛsikalu 1:11

Ala yi ko bɛ kɛla ka bɛn aa jatesiili ni aa kolatɛɛninnu le ma. Wo lɔ, a na mɔ tala ka mɔ kɛ a jɛlɛkanu mɔɔ le Masa Tɔɔmasenin ya kafonɲɔɔya lɔ, iwo a n'a latɛɛla teme kɔlɔkɔlɔ le,

Ɛfɛsikalu 1:5

Ala n'a latɛɛla ko m'i kɛ a jɛlɛkanu dennu le Masa Tɔɔmasenin Isa fɛ ka bɛn a diyanan kolatɛɛnin ma.

Ɛfɛsikalu 2:6

Komi m'i Masa Tɔɔmasenin ya kafonɲɔɔya lɔ, wo lɔ, Ala na ǹu ni Isa lawulila kelen ne ka mɔ lasii a fɛ haijɛnɛ dingilalu lɔ.

Ɛfɛsikalu 3:11

Wo bɛ ka kɛ ka bɛn aa habadan kolatɛɛnin ne ma, a na min mafala mɔ Tii Masa Tɔɔmasenin Isa fɛ.

Ɛfɛsikalu 4:4

Mɔ bɛ dɛnnin falikolo kelen ne la, ani Nii Sɛnɛyanin kelen, iwo ài kilinin teme jeisii kelen kanma.

Kɔlɔsikalu 3:4

Masa Tɔɔmasenin min kɛnin àiya niimaya le, wo la vɛ nkɛnɛmayala lon min na, àilu fana nɔɔlɔnin lankɛnɛmayatɔ a fɛ.

1 Tɛsalonikakalu 2:12

Mɔ tɛɛ ài lalila, k'ài sɛmɛdon, ani k'a fɔ ài yɛ k'a magbeleya ko ài yi Ala buɲa ài taamaɲa lɔ, ale min y'ài kilila k'ài ladon aa masaya ni aa magbiliyali lɔ.

2 Timote 2:11

Kuma min yi tuɲa le le, ko: «Ni ǹu ni ale vɛ sa kelen ne, ǹu ni ale kɛtɔ niimaya kɛla kelen ne fana.

Hebululu 9:15

Wo le y'a ma, Isa le mɔɔwotɛlɔbɛnba le salatikan kula lɔ, fɔsa mɔɔ minu kilinin Ala bolo, wolu yi habadan balayi sɔlɔn min lahedi tanin. Kamasɔlɔn saya le kɛnin mɔɔlu kunmakako lɔ k'ai bɔ aiya hakɛlu lɔ, ai na minu tala salatikan kunfɔlɔ waate lɔ.

1 Piyɛli 2:9

Kɛɛ àilu do yi bɔzɔn ne le min tanin mɔɔlu tɛma, ani Masaba ya salakalasebalu, ani siboloma min bilanin a ta fan Ala yɛ, ani a jɛlɛkanu mɔɔ kulugbɛlɛnnu, fɔsa ài yi kɛ a kɛko ɲuma balu lasena, ale min n'ài kilila k'ài labɔ divi lɔ k'ài ladon aa kɛnɛya makawanin nɔ.

1 Piyɛli 3:9

Ài kà koyon sala koyon ne, niwotɛ ka jɛvɛli sala jɛvɛli le. Kɛɛ ài yi duwawu le kɛ ài tɔlɔyabalu yɛ, kamasɔlɔn ài kilinin Ala bolo wo le kanma fɔsa ài yi balaka sɔlɔn min ladalonin ài yɛ.

1 Piyɛli 5:10

Ado ài vɛ banna tɔlɔyala waateni kɔlɔ, Nɛɛmatii Ala min n'ài kilila aa habadan magbiliyali kanma Masa Tɔɔmasenin ya kafonɲɔɔya lɔ, ale gbu le kɛtɔ ài lasiila kula le, ka fanga di ài ma, ani k'ài bama kili.

2 Piyɛli 1:10

Wo le y'a ma, m̀ badenmalu, Ala n'ài kilila k'ài ta ko min kanma, ài y'ài lɔgbeleya k'a dɔ la wo kɔkan. Ni ài do ka wo kɛ, ài sen tɛnala tuula tuun k'ài ben.

Ko Lankɛnɛmayanin 17:14

Ai kɛtɔ kɛlɛ bilala Saa Bolan na, kɛɛ Saa Bolan kɛtɔ see sɔlɔnna ai ma, kamasɔlɔn ale le tiilu ta Tii le, ani masalu ya Masa. A kɔbiladen minu kɛtɔ see sɔlɔnna a fɛ, wolu le aa mɔɔ kilininnu le, ani aa mɔɔ taninnu, ani lanandelu.»

Ko Lankɛnɛmayanin 19:9

Wo kɔ, mɛlɛka k'a fɔ ǹ yɛ, a vɛɛ: «Min sɛvɛ: Duwawuden ne mɔɔ wolu le minu kilinin ka taa Saa Bolan ya kɔɲɛmalɔ dɔnnikɛya lɔ.» A do vɛɛ ǹ yɛ kɔtunun: «Kuma minu yi Ala ya kuma bɛlɛbɛlɛ le le.»