Lɔmukalu 8:3 - Ala Ya Salatikan Kula Kitabu

³ Ka bɛn mɔ falikolo ya fangandanya ma, Nabi Musa ya seliya tɛɛ ma se ko min kɛla mɔ yɛ, Ala gbu le na wo kɛla. A na a jɛlɛkanu Denkɛ lanala dunuɲa adamaden julumbutɔlu sawula lɔ, fɔsa a tɛɛ julumbu fanga tiɲa ale jɛlɛ falikolo ya salaka le.

Lɔmukalu 8:3 ပူးပေါင်းရင်းမြစ်များ

Malɛkɛ 15:27

Ai ka Isa ni benkannikɛba fila gbaan kɔlɔmannu ma waate kelen nɔ: a kelen tɛɛ a bolokini fannɔ, a tɔ kelen tɛɛ a bolonunma fannɔ.

Yohana 1:14

Kumakan ka kɛ adamaden ne k'i sii mɔ tɛma. Mɔ do na aa magbiliyali yena, ale Denkɛ kelenpesa min Fa na a lanala aa magbiliyali lɔ, nɛɛma ni tuɲandeya dafanin min nɔ.

Yohana 9:24

Kɛ́ min sɔlɔnnin tɛɛ ɲagbɛtɔya lɔ, Falisilu k'a kili a siɲa filana lɔ k'a fɔ a yɛ, ai vɛɛ: «Magbiliyali di Ala ma! Mɔ k'a lɔn ne ko kɛ́ wo yi julumbutɔ le le.»

Kɛkolu 13:39

Ado ni mɔɔ minu ka limaniya a ma, wolu bɛ la yi fɛlɛle k'ai bɔ aiya julumbu bɛ ma, k'a talan Nabi Musa ya seliya ma se ài lafɛlɛla.

Lɔmukalu 3:20

Wo le n'a kɛla, mɔɔ mɔɔ tɛnala jatela telenmande le Ala ɲakɔlɔ ka bɛn seliya latelenko ma, kamasɔlɔn julumbu lɔnko yi nala seliya le fɛ.

Lɔmukalu 6:6

Mɔ do k'a lɔn ko mɔ dajoo kɔlɔ gbaanyine kɔlɔman ma Isa fɛ, fɔsa julumbu min tɛɛ mɔ dajoo kɔlɔ lɔ, wo fanga yi ban ani mɔ kana to julumbu ya jɔnya lɔ butu.

Lɔmukalu 7:18

Ǹ k'a lɔn kokein lasawatinin tɛ ǹ nɔ, ǹ falikolo lɔ koni. Kamasɔlɔn kokeinkɛ lɔɔ yi ǹ na, kɛɛ wo kɛko see tɛ ǹ yɛ.

Lɔmukalu 8:32

Ala min ma saya lagban a jɛlɛkanu Denkɛ kunna, mafɔ ka wo di mɔ bɛ ya ko lɔ, jalasa a tɛnala mɔ sɔla fen bɛ la fana?

Lɔmukalu 9:3

ka bɛn ǹa mɔɔlu ma, ǹ jɛlɛkanu siboloma koni. Kamasɔlɔn hali ni ǹ tɛɛ kɛ Ala ya daan kɔlɔ ani ka falan Masa Tɔɔmasenin ya kafonɲɔɔya la ai lakisiko lɔ, ǹ tɛɛ diɲale wo ma.

2 Kolɛntikalu 5:21

Masa Tɔɔmasenin ma julumbu foi ta, kɛɛ Ala na maa julumbu doni lala ale le kun, fɔsa m'i kɛ telenmande le Ala ɲakɔlɔ aa kafonɲɔɔya lɔ.

Galatiyakalu 3:13

Masa Tɔɔmasenin ka mɔ kunmaka ka mɔ bɔ seliya ya daan kɔlɔ, kamasɔlɔn a k'a jɛlɛ bila daan kɔlɔ maa ko le lɔ, iwo a sɛvɛnin teme kitabu kɔnɔ, ko: «Mɔɔ mɔɔ si su dɛnnin kɔlɔman na, wo tii daanyine.»

Galatiyakalu 3:21

A yi di wo lɔ? Jalasa seliya nanin Ala ya lahedilu le kanma? Wo tɛ dɛ! Ni seliya dɔ tɛɛ vɛ dila min tɛɛ se niimaya dila, wo vɛ kɛla, telenmandeya tɛɛ sɔlɔnne ka bɛn seliya labatoko ma.

Filipikalu 2:7

A do k'a kɛɲa wo bɛ to je, k'a jɛlɛ kɛ iwo bɔiden, ka sɔlɔn adamadenya boloma. A ka kɛ mɔɔnivin sawula le mingɛ,

Hebululu 10:12

Kɛɛ Masa Tɔɔmasenin ban kɔ salaka kelenpesa bɔla ka bɛn julumbulu ma, a k'i sii Ala bolokini fannɔ habadan,

Hebululu 10:14

Salaka kelen wo na kɛla sabu le ka mɔɔlu ya ko dafa waate bɛ, a yi minu lasɛnɛyala.

Hebululu 2:14

Komi den wolu yi mɔɔnivin ne le, wo lɔ, Isa gbu k'a fɛ bila aiya mɔɔnivinya la, fɔsa ka bɛn aa saya ma, a tɛɛ Soitana fanga tiɲa, saya fanga yi min bolo,

Hebululu 2:17

Wo le n'a kɛla, fɔ a tɛɛ kɛ a badenmalu ɲɔɔzii le ko bɛ lɔ, fɔsa a yi kɛ salakalase kuntiiba lanande ni henande le Ala ya baale lɔ, ani ka kɛ mɔɔlu ya julumbulu lɔkotoko sabu le.

Hebululu 4:15

Kamasɔlɔn salakalase kuntiiba min tɛ se henala mɔ la maa fangandanya lɔ, wo suu tɛ mɔ bolo, mafɔ maa salakalase kuntiiba fana ma vɛ nɛɛ boloɲa suu bɛ dɔ ma iwo ǹu, kɛɛ a do ma julumbu ta.

1 Piyɛli 2:24

Masa Tɔɔmasenin gbu le na maa julumbulu tala a jɛlɛkanu falikolo lɔ kɔlɔman ma, fɔsa m'i sa ka bɔ julumbu fanga kɔlɔ ka niimaya kɛ telenmandeya yɛ. Daa minu ka bɔ a falikolo ma, wo le na kɛnɛya lasena mɔ ma.