Lɔmukalu 8:29 - Ala Ya Salatikan Kula Kitabu

²⁹ Kamasɔlɔn mɔɔ minu lɔnnin tɛɛ Ala bolo ka ta a damina ma, a k'a latɛɛ fana ko wolu yi kɛ a Denkɛ sawula le le, fɔsa wo yi kɛ den kunfɔlɔ le badenma siyama wotɛ.

Lɔmukalu 8:29 ပူးပေါင်းရင်းမြစ်များ

Matiyu 12:50

Kamasɔlɔn mɔɔ mɔɔ vɛ ǹ Fa sawo kɛla min yi haijɛnɛ, wo tii yi ǹ dɔɔkɛ ni ǹ dɔɔmoso ni m̀ ba le le.»

Matiyu 25:40

Wo kɔ, Masakɛ kɛtɔ ai javila, a vɛɛ: ‹Ǹ'i tuɲa fɔ ài yɛ, ni ài ka kokein kɛ m̀ badenma bɛ lɔ dɔɔmaninda dɔ yɛ, ài na wo kɛla ǹe gbugbu le yɛ.›

Matiyu 28:10

Wo kɛ, Isa do vɛɛ ai yɛ: «Ài kà siyan. Ài yi taa a fɔ m̀ badenmalu yɛ ko ai yi taa Galile. Ai do kɛtɔ ǹ yena je.»

Matiyu 7:23

Wo lon na, ǹ kɛtɔ a fɔla ai yɛ k'a lagbɛ, ǹ ko: ‹M̀ ma ài lɔn feu! Àilu koyonkɛbalu, ài yi bɔ ǹ ɲakɔlɔ!› »

Yohana 17:16

Ai tɛ dunuɲa ta le iwo ǹe gbu tɛ dunuɲa ta le teme.

Yohana 17:19

M̀'ɛ ǹ jɛlɛ bila ǹ ta fan i yɛ ka bɛn ai ma, fɔsa ailu fana y'ai jɛlɛ bila ai ta fan bɛlɛbɛlɛ kɛ i yɛ.

Yohana 17:26

M̀'ɛ ai lalɔnni i tɔɔ la, ǹe do totɔ ai lalɔnnila i tɔɔ la kudein, fɔsa i na ǹ kanula teme, wo kanundeya yi kɛ ai lɔ, ani ǹ kafonnin yi to ai kan.»

Yohana 20:17

Isa do vɛɛ a yɛ: «I k'i fasa m̀ ma, kamasɔlɔn m̀ ma jɛlɛ ba bene ka taa ǹ Fa fɛlɔ. Kɛɛ fɔ i yi taa a fɔ m̀ badenmalu yɛ ko ǹ jɛlɛtɔle ka taa ǹe ni ailu Fa fɛlɔ, min taanin kɛla ǹe ni ailu Tii le.»

Lɔmukalu 11:2

Ala m'i ban aa mɔɔlu lɔ, minu lɔnnin tɛɛ a bolo ka ta a damina ma. Ài m'a lɔn min sɛvɛnin kitabu kɔnɔ ka bɛn Nabi Iliya ma, a k'i makasi Ala yɛ teme Bani Isilankalu kanma?

Lɔmukalu 13:14

Ài yi mɔ Tii Masa Tɔɔmasenin Isa dajoo ta ài jɛlɛ yɛ. Ài do k'ài sɔnja ài falikolo le butu ka bɛn a niikanukolu ma.

Lɔmukalu 9:23

A na wo kɛla fɔsa a aa magbiliyali wala jate jiya dɔ mɔɔlu la, a na henala minu la k'ai lɔbɛn magbiliyali sɔlɔnko lɔ ka ta waate jaan ma.

1 Kolɛntikalu 15:49

Mɔ sɔlɔnnin kɛ́ wo sawula lɔ teme min ladannin duu bamu le, wo boloɲa kelen ma, mɔ kɛtɔ kɛ́ kelen wo le sawula tala min bɔnin haijɛnɛ.

1 Kolɛntikalu 2:7

Ǹu do yi Ala ya hangilimaya le lasena, min kɛnin aa gbonoko doonnin ne, a na min latɛɛla jani dunuɲa tɛɛ dan maa magbiliyali sɔlɔnko lɔ.

1 Kolɛntikalu 8:3

Kɛɛ ni mɔɔ mɔɔ ka Ala kanu, Ala ka wo tii lɔn ne.

2 Kolɛntikalu 3:18

Faani bilinnin tɛ ǹu minu ɲa la, m'i mɔ Tii nɔɔlɔ jiyala iwo jiya yi yena duwalen nɔ teme. Wo ma, mɔ Tii min kɛnin Nii Sɛnɛyanin ne, wo yi mɔ mafalinna ka mɔ kɛ iwo ale gbu, ka nɔɔlɔ dɔ la a dɔ kɔkan waate bɛ.

Ɛfɛsikalu 1:11

Ala yi ko bɛ kɛla ka bɛn aa jatesiili ni aa kolatɛɛninnu le ma. Wo lɔ, a na mɔ tala ka mɔ kɛ a jɛlɛkanu mɔɔ le Masa Tɔɔmasenin ya kafonɲɔɔya lɔ, iwo a n'a latɛɛla teme kɔlɔkɔlɔ le,

Ɛfɛsikalu 4:24

ani ka dajoo kula ta, Ala na min ladanna a jɛlɛkanu sawula lɔ telenmandeya ni sɛnɛya boloma, minu yi sɔlɔnna tuɲa sabu la.

Filipikalu 3:21

Ale le kɛtɔ aa seetiiya labaalela, ka mɔ falikolo fangandan jɛlɛma, ka kɛ ale gbu falikolo nɔɔlɔnin suu le, ka bɛn wo seetiiya ma, a yi min labaalela ka fen bɛ kolo a yɛ.

Kɔlɔsikalu 3:10

Ài do vɛ dajoo kula ta, min ma yi falinna kudein ka kɛ a kula le, fɔsa ài yi wo lɔn bɛlɛbɛlɛ kɛ min na a ladanna a jɛlɛkanu sawula lɔ.

2 Timote 1:9

min na mɔ lakisila, ka mɔ kili ka mɔ kɛ aa mɔɔ sɛnɛyaninnu le. Wo do ma kɛ ka bɛn mɔ kɛkolu ma, mafɔ a jɛlɛkanu ya kolatɛɛnin ma, ani aa nɛɛma min dinin mɔ ma Masa Tɔɔmasenin Isa ya kafonɲɔɔya lɔ, jani dunuɲa tɛɛ dan.

2 Timote 2:19

Wo bɛ n'a kɛ, Ala gbu le na bonjusii min lɔla, wo bamayine kpekpe. Kuma minu le sɛvɛnin bonjusii wo kɔkan, ko: «Mɔ Tii k'a jɛlɛkanu mɔɔlu lɔn.» Ani ko: «Mɔɔ min v'a fɔla ko mɔ Tii ta le a le, fɔ wo tii y'a kɔdon telenbaliyakolu la.»

1 Piyɛli 1:2

Ka bɛn mɔ Fa Ala ya kojatesiininnu ma, a n'ài tala mɔɔlu tɛma kɔlɔkɔlɔ le k'ài kɛ mɔɔ sɛnɛyanin ne Nii Sɛnɛyanin sabu la, fɔsa ài yi kolo Masa Tɔɔmasenin Isa yɛ k'ài lasɛnɛya ka bɛn a jeli bɔnko ma. Nɛɛma ni josolajii la yi sawati ài yɛ bɛlɛbɛlɛ kɛ.

1 Piyɛli 1:20

Wo la tɛɛ vɛ tɛɛ Masa Tɔɔmasenin ma jani dunuɲa tɛɛ dan, kɛɛ a la vɛ nkɛnɛmaya waate laban min nɔ ka bɛn àilu le ma.

1 Yohana 3:2

Ǹ diyananmɔɔlu, Ala den ne mɔ le tandainɔ! Kɛɛ mɔ kɛtɔ teme, wo la ma nkɛnɛmaya ba bene. Ǹu koni k'a lɔn ne ni Masa Tɔɔmasenin la ka nkɛnɛmaya waate min nɔ, mɔ kɛtɔle iwo ale, kamasɔlɔn mɔ kɛtɔ a yena iwo a gbu yi teme.

Ko Lankɛnɛmayanin 13:8

Dunuɲamɔɔlu bɛ kɛtɔ soofali batola, mɔɔ minu tɔɔ sɛvɛnin tɛ niimaya kitabu kɔnɔ ka ta dunuɲa dan waate ma, min yi Saa Bolan ta le, ai ka min faa.