Lɔmukalu 8:28 - Ala Ya Salatikan Kula Kitabu

²⁸ Mɔ do k'a lɔn ne ko, ko bɛ la yi banna a ɲuma le ma Ala kanundelu yɛ, minu kilinin ka bɛn aa kolatɛɛnin ma.

Lɔmukalu 8:28 ပူးပေါင်းရင်းမြစ်များ

Malɛkɛ 12:30

I i Tii Ala kanu i josokun bɛ la, ani i nii bɛ la, ani i miliya bɛ la, ani i fanga bɛ la.›

Kɛkolu 13:48

Siboloma gbɛlɛ mɔɔlu ka wo mɛn mingɛ, ai bɛ ka sawa ka mɔ Tii kumakan buɲa, ado niimaya banbali latɛɛnin tɛɛ mɔɔ minu ma, wolu bɛ ka limaniya.

Lɔmukalu 11:29

Kamasɔlɔn ni Ala ka mɔɔ min sɔ, a tɛ aa sɔli wo minala wo tii ma la. Ni a do ka mɔɔ kili ko dɔ kanma, a tɛ wo bɔla a ma feu.

Lɔmukalu 8:30

Ado a na wo latɛɛla mɔɔ minu ma, a na wolu le kilila fana. Ado a na mɔɔ minu kilila, a na wolu jatela telenmande le fana. Ado a na mɔɔ minu jatela telenmande le, a na magbiliyali dila wolu le ma fana.

Lɔmukalu 9:11

Jani filaninnu tɛɛ sɔlɔn, k'a talan ai tɛɛ ma koɲuma kɛ ba bene, niwotɛ koyon, Ala ka kolu labaale fɔsa aa mɔɔtako jusiinin yi to aa kolatɛɛnin kɔkan. A do jusiinin tɛ mɔɔ kɛkolu kɔkan, mafɔ ale min yi mɔɔlu kilila.

1 Kolɛntikalu 1:2

M'a lataala Ala ya limaniyajama le ma Kolɛnti so kɔnɔ, àilu minu bilanin ài ta fan Masa Tɔɔmasenin Isa bolo ani k'ài kili k'ài kɛ mumininnu le, ani mɔɔ minu bɛ yi Masa Tɔɔmasenin Isa tɔɔ kilila fan bɛ lɔ, ale min yi ǹu ni ailu Tii le.

1 Kolɛntikalu 1:24

Kɛɛ Ala ya mɔɔ kilininnu koni, ai ka kɛ Jahudiya le o, ai ka kɛ siboloma gbɛlɛ le o, Masa Tɔɔmasenin yi wolu bolo Ala ya seetiiya ani aa hangilimaya le le.

1 Kolɛntikalu 1:9

Ala yi lanande le le, ale min n'ài kilila k'ài ladon a Denkɛ ya kafonɲɔɔya lɔ, min taanin kɛla mɔ Tii Masa Tɔɔmasenin Isa le.

1 Kolɛntikalu 2:9

Kɛɛ a sɛvɛnin kitabu kɔnɔ tan ne, ko: «Ɲa ma la ko minu ma, tolo ma ko minu mɛn, ado ko min miliya ma bila mɔɔ suu suu josokun nɔ, Ala na wolu le latɛɛla a kanundelu yɛ.»

2 Kolɛntikalu 5:1

Mɔ falikolo min yi mɔ kan dunuɲa, wo kɛyine iwo faani tooda. Mɔ k'a lɔn ne ko ni wo ka tiɲa lon min na, habadan bon yi mɔ bolo haijɛnɛ, mɔɔ bolo ma min lɔ, mafɔ Ala gbugbu.

Galatiyakalu 1:15

Kɛɛ jani m̀ woloba ɲuma tɛɛ jii ǹ ne, Ala na m̀ bilala ǹ ta fan ka ǹ kili aa bɔidenya kanma ka bɛn aa nɛɛma ma. Waate lɔ, a ka diya Ala yɛ

Galatiyakalu 1:6

M̀'ɛ tɛɛnɛ àiya ko la, kamasɔlɔn Ala min n'ài kilila ka bɛn Masa Tɔɔmasenin ya nɛɛma ma, ài vɛ ài kɔdon a la jona ka bila ko gbɛlɛ kɔ, ai y'a fɔla min ma ko samakan kein.

Galatiyakalu 5:8

Ài lakoliko wo ma bɔ Ala bolo, min n'ài kilila.

Ɛfɛsikalu 3:11

Wo bɛ ka kɛ ka bɛn aa habadan kolatɛɛnin ne ma, a na min mafala mɔ Tii Masa Tɔɔmasenin Isa fɛ.

Ɛfɛsikalu 4:1

Ǹe min kɛnin kasoden ne mɔ Tii ya ko lɔ, ǹ'a fɔla ài yɛ k'a magbeleya, ǹ ko, Ala n'ài kilila min kanma, ài taamaɲa yi bɛn wo ma.

Filipikalu 3:14

Wo le y'a ma, ǹ'i ǹ lɔjala ka ǹ telen ka se bɔli dan ma, fɔsa Ala na ǹ kilila balayi min ya ko lɔ Masa Tɔɔmasenin Isa sabu la, ǹ'i wo sɔlɔn haijɛnɛ.

1 Tɛsalonikakalu 5:9

Kamasɔlɔn Ala ma aa mɔnɛya latɛɛ mɔ ma, mafɔ ka kisili sɔlɔn mɔ Tii Masa Tɔɔmasenin Isa fɛ,

2 Timote 1:9

min na mɔ lakisila, ka mɔ kili ka mɔ kɛ aa mɔɔ sɛnɛyaninnu le. Wo do ma kɛ ka bɛn mɔ kɛkolu ma, mafɔ a jɛlɛkanu ya kolatɛɛnin ma, ani aa nɛɛma min dinin mɔ ma Masa Tɔɔmasenin Isa ya kafonɲɔɔya lɔ, jani dunuɲa tɛɛ dan.

2 Timote 2:19

Wo bɛ n'a kɛ, Ala gbu le na bonjusii min lɔla, wo bamayine kpekpe. Kuma minu le sɛvɛnin bonjusii wo kɔkan, ko: «Mɔ Tii k'a jɛlɛkanu mɔɔlu lɔn.» Ani ko: «Mɔɔ min v'a fɔla ko mɔ Tii ta le a le, fɔ wo tii y'a kɔdon telenbaliyakolu la.»

Hebululu 9:15

Wo le y'a ma, Isa le mɔɔwotɛlɔbɛnba le salatikan kula lɔ, fɔsa mɔɔ minu kilinin Ala bolo, wolu yi habadan balayi sɔlɔn min lahedi tanin. Kamasɔlɔn saya le kɛnin mɔɔlu kunmakako lɔ k'ai bɔ aiya hakɛlu lɔ, ai na minu tala salatikan kunfɔlɔ waate lɔ.

Janguba 1:12

Mɔɔ min y'a sawalila lɔsumani lɔ, wo tii yi duwawuden ne le, kamasɔlɔn a vɛ lɔsumani manɔla, a kɛtɔ niimaya fula sɔlɔnna, min lahedi tanin Ala bolo a kanundelu yɛ.

Janguba 2:5

Ài tolomalɔ, ǹ diyanan badenmalu! Jalasa Ala ma dunuɲa fandannilu ta fɔsa ai yi banaya limaniya lɔ, ani k'ai fɛ bila aa masaya la, a na min lahedi tala a kanundelu yɛ?

1 Piyɛli 2:9

Kɛɛ àilu do yi bɔzɔn ne le min tanin mɔɔlu tɛma, ani Masaba ya salakalasebalu, ani siboloma min bilanin a ta fan Ala yɛ, ani a jɛlɛkanu mɔɔ kulugbɛlɛnnu, fɔsa ài yi kɛ a kɛko ɲuma balu lasena, ale min n'ài kilila k'ài labɔ divi lɔ k'ài ladon aa kɛnɛya makawanin nɔ.

1 Piyɛli 3:9

Ài kà koyon sala koyon ne, niwotɛ ka jɛvɛli sala jɛvɛli le. Kɛɛ ài yi duwawu le kɛ ài tɔlɔyabalu yɛ, kamasɔlɔn ài kilinin Ala bolo wo le kanma fɔsa ài yi balaka sɔlɔn min ladalonin ài yɛ.

1 Piyɛli 5:10

Ado ài vɛ banna tɔlɔyala waateni kɔlɔ, Nɛɛmatii Ala min n'ài kilila aa habadan magbiliyali kanma Masa Tɔɔmasenin ya kafonɲɔɔya lɔ, ale gbu le kɛtɔ ài lasiila kula le, ka fanga di ài ma, ani k'ài bama kili.

1 Yohana 4:10

Kanundeya bɛlɛbɛlɛ le min ne: A tɛ k'a fɔ ko mɔ na Ala kanula, kɛɛ ale le na mɔ kanula ka a Denkɛ lana, k'a kɛ maa julumbulu lɔkoto salaka le.

1 Yohana 4:19

Ǹu koni yi kanundeya kɛla, kamasɔlɔn Ala le na mɔ kanula kunfɔlɔ le.

Ko Lankɛnɛmayanin 3:19

Ǹ'i mɔɔ minu kanula, ǹ'i wolu le lalila k'ai makolo. Wo lɔ, i i sɛmɛdon k'i dajoo mafalin.