Lɔmukalu 8:27 - Ala Ya Salatikan Kula Kitabu

²⁷ Ado Ala min yi mɔ josokun lasaala, wo ka Nii Sɛnɛyanin miliya lɔn, kamasɔlɔn Nii Sɛnɛyanin yi mumininnu masolonali minala Ala ma ka bɛn Ala sawo le ma.

Lɔmukalu 8:27 ပူးပေါင်းရင်းမြစ်များ

Matiyu 6:8

Ài kà kɛ wolu ɲɔɔzii le, kamasɔlɔn ài mako yi fen fen si la, ài Fa Ala ka wo lɔn jani ài y'a madali.

Luka 16:15

Wo kɛ, Isa vɛɛ ai yɛ: «Àilu y'ài jɛlɛ kɛla telenmande le mɔɔlu ɲakɔlɔ, kɛɛ Ala do k'ài miliya lɔn. Kamasɔlɔn fen minu kulugbeleyanin adamadennu ɲakɔlɔ, wolu yi fen kɔsɔnin ne le Ala ɲakɔlɔ.»

Yohana 14:13

Wo lɔ, ài vɛ ko ko madalila ǹ tɔɔ lɔ, ǹ'i wo kɛle ài yɛ, fɔsa ǹ Fa yi magbiliyali sɔlɔn a Denkɛ fɛ.

Yohana 21:17

A do k'a fɔ a yɛ a siɲa sawana lɔ, a vɛɛ: «Yohana denkɛ Simɔn, i yi ǹ kanula?» Piyɛli niila ka fin wo lɔ, kamasɔlɔn Isa tɛɛ v'a maɲininga haan fɔɔ siɲa sawa le ni a a kanula. Wo lɔ, a k'a javi, a vɛɛ: «Ǹ Kuntii, i ka ko bɛ lɔn. I k'a lɔn ko ǹ'i kanula.» Isa do vɛɛ a yɛ: «Ǹa saalu balo.

Kɛkolu 1:24

Ai bɛ vɛ Ala dalila, ai vɛɛ: «Mɔ Tii, ile le ka mɔɔ bɛ josokun lɔn. I na min tala mɔɔ fila minu lɔ, i yi wo jiya mɔ la.

Kɛkolu 15:8

Ala min ka adamaden bɛ josokun lɔn, a v'a lagbɛ ko a bolo siinin siboloma gbɛlɛ mɔɔlu kɔlɔ, kamasɔlɔn a na Nii Sɛnɛyanin dila ai ma iwo a na a dila mɔ ma teme.

Lɔmukalu 8:34

Jene yi se ai jobaliyala? Kamasɔlɔn Masa Tɔɔmasenin Isa le na sala. K'a dɔ la wo kɔkan, a lawulinin ka bɔ saya lɔ. A do siinin Ala bolokini fannɔ, a vɛ mɔ masolonali minala Ala ma.

Lɔmukalu 8:6

K'i nii la i falikolo ladiyanankolu kɔkan, wo laban yi saya le le. Kɛɛ k'i nii la Nii Sɛnɛyanin ladiyanankolu kɔkan, wo laban yi niimaya ni josolajii le le.

Ɛfɛsikalu 2:18

Kamasɔlɔn Isa sabu la, ǹu mɔɔ suu fila bɛ yi sena mɔ madonna mɔ Fa Ala la ka bɛn Nii Sɛnɛyanin kelen wo le ma.

1 Tɛsalonikakalu 2:4

Mafɔ, m'i kuma le la iwo Ala a fɛ m'a kɛ teme, kamasɔlɔn ale le diɲanin mɔ yɛ ka Samakan Kein kalifa mɔ la. Wo le y'a ma, mɔ tɛ mɔ lɔjala ka maa ko diya adamadennu yɛ, mafɔ Ala min yi mɔ josokun lakɔlɔsila.

Hebululu 4:13

Dannifen suu suu doonnin tɛ Ala ma, mafɔ ai bɛ makolonyine ani k'ai labɔ gbɛ la a ɲakɔlɔ, mɔ kɛtɔ mɔ dandɛɛla ale min yɛ.

Janguba 5:16

Wo lɔ saa, ài y'ài dalabɔ àiya julumbulu la i ɲɔɔ ɲakɔlɔ, ani ka Ala dali i ɲɔɔ yɛ, fɔsa ài yi kɛnɛya sɔlɔn. Fanga ba le yi telenmande ya Aladali la, a do yi ko ɲiala kosɛvɛ.

Ko Lankɛnɛmayanin 2:23

Ado ǹ kɛtɔ a dennu faala. Wo vɛ kɛla, limaniyajamalu bɛ kɛtɔ a lɔnna ko ǹe le yi mɔɔ bɛ josokun ni ai kɔnɔlɔkolu lasaala, ado ǹ kɛtɔ ài kelenkelenna bɛ salala ka bɛn ài kɛkolu le ma.