Lɔmukalu 8:26 - Ala Ya Salatikan Kula Kitabu

²⁶ Wo boloɲa kelen ma, Nii Sɛnɛyanin yi mɔ madɛmɛnna maa fangandanya lɔ. Kamasɔlɔn mɔ m'a lɔn m'i Ala dali ko minu la, kɛɛ Nii Sɛnɛyanin gbu le yi mɔ masolonali minala Ala ma wunɛ boloma, min tɛ kumafɔ talu le.

Lɔmukalu 8:26 ပူးပေါင်းရင်းမြစ်များ

Matiyu 10:20

Kamasɔlɔn ài kumakannu tɛnala kɛla ài jɛlɛkanu ta le, mafɔ ài Fa Ala Nii Sɛnɛyanin kumakan.

Matiyu 20:22

Kɛɛ Isa do vɛɛ ai yɛ: «Ài m'a lɔn ài min dalila ǹ na. Ǹe lamintɔ jiyafɛ min nɔ, ài yi sene ài minna wo lɔ?» Ai do k'a javi, ai vɛɛ: «Aan, m'i sene.»

Luka 22:44

Isa ka to josomakasi lɔ, a k'a dɔ la aa madaili kɔkan, a talaji vɛ benbenna duu ma iwo jeli.

Yohana 14:16

Ǹ kɛtɔ ǹ Fa dalila, a do kɛtɔ Dɛmɛliba gbɛlɛ dila ài ma min totɔ ài fɛ kudein,

Lɔmukalu 15:1

Ǹu minu sawatinin limaniya lɔ, mɔ ka kan ka mɔ bolo sii dɔlu kɔlɔ minu ya limaniya dɔɔyanin, jani m'i gbala mɔ jɛlɛkanu diyanankolu le dein.

Lɔmukalu 7:24

Ǹ'i mɔɔ maɲumanin ne le feu! Jene kɛtɔ ǹ lafɛlɛla ka m̀ bɔ falikolo min nɔ, min yi saya lanala m̀ ma?

Lɔmukalu 8:15

Ài na Nii min sɔlɔnna, wo tɛ ài bilala jɔnya lɔ k'ài kɛ siyanbatɔ le kɔtunun. Mafɔ, mɔ na Nii min sɔlɔnna, wo vɛ mɔ kɛ Ala den ne le. Ado ka bɛn Nii min ma, m'i sene a fɔla Ala ma, mɔ vɛɛ: «Mɔ Fa! Mɔ Fa!»

2 Kolɛntikalu 5:2

Kɛɛ damanda m'i faani tooda min kɔlɔ dunuɲa, m'i wunɛ le la, kamasɔlɔn a lɔɔ yi mɔ la k'a fɔ m'i maa haijɛnɛ bon sɔlɔn.

2 Kolɛntikalu 5:4

Kamasɔlɔn damanda m'i dunuɲa faani tooda min kɔlɔ, m'i wunɛla doni ba le kɔlɔ. A tɛ k'a fɔ saya lɔɔ le yi mɔ la, kɛɛ m'i haijɛnɛ fali kula sɔlɔnko le lɔ, fɔsa niimaya yi see sɔlɔn fen sata ma.

Galatiyakalu 4:6

Komi Ala den ne ài le, wo lɔ, a na a Denkɛ Nii lajiila ka don mɔ josokun nɔ. Nii wo le y'a kɛla, m'i Ala kilila, mɔ vɛɛ: «Mɔ Fa!»

Ɛfɛsikalu 2:18

Kamasɔlɔn Isa sabu la, ǹu mɔɔ suu fila bɛ yi sena mɔ madonna mɔ Fa Ala la ka bɛn Nii Sɛnɛyanin kelen wo le ma.

Ɛfɛsikalu 6:18

Ài yi Ala dali waate bɛ iwo Nii Sɛnɛyanin y'ài lɔla a la teme ka madiyalikan ni dailikan suu bɛ lase a ma. Wo ma, ài y'ài lɔgbeleya k'ài to ài ɲana ka kɛ Ala dalila mumininnu bɛ yɛ.

Hebululu 4:15

Kamasɔlɔn salakalase kuntiiba min tɛ se henala mɔ la maa fangandanya lɔ, wo suu tɛ mɔ bolo, mafɔ maa salakalase kuntiiba fana ma vɛ nɛɛ boloɲa suu bɛ dɔ ma iwo ǹu, kɛɛ a do ma julumbu ta.

Hebululu 5:2

A do yi sene ka kolɔnbalilu ni mɔɔ filininnu lɔmina sɔniyali boloma, kamasɔlɔn ale gbu y'ai ɲɔɔzii fangandan ne le.

Janguba 4:3

Ài do v'a dalila, ài tɛ fen sɔlɔnna, kamasɔlɔn ài tɛ daili kɛla a ɲa bɛlɛbɛlɛ ma, mafɔ ka bɛn ài niikanukolu le ma.