Lɔmukalu 8:24 - Ala Ya Salatikan Kula Kitabu

²⁴ Mɔ la vɛ kisi jeisii min fɛ. Ado i jei siinin ko min na, ni i vɛ wo yena, i t'a fɔla wo ma ko: «Ǹ jeisii». Jene jei siinin ko dɔ la, a vɛ ban min yena?

Lɔmukalu 8:24 ပူးပေါင်းရင်းမြစ်များ

Lɔmukalu 12:12

Ài yi sawa ka bɛn ài jeisii ma, ka tɔlɔyalu mina ài ma sawali boloma, ka kɛ Ala dalila kudein.

Lɔmukalu 15:13

Ala min yi jeisii dila, wo y'ài josoladiya k'ài josolajii bɛlɛbɛlɛ kɛ àiya limaniya fɛ, fɔsa a dɔ yi to lala àiya jeisii kɔkan ka bɛn Nii Sɛnɛyanin ya seetiiya ma.

Lɔmukalu 15:4

Ko minu bɛ sɛvɛnin kɔlɔkɔlɔ le, wolu sɛvɛnin mɔ kalanko le lɔ, fɔsa m'i jeisii sɔlɔn ka bɛn sawali ni sɛmɛdonko ma, lɔhɔlɔma kitabulu yi minu dila mɔ ma.

Lɔmukalu 4:18

Hali foi tɛɛ tɛ je butu k'a fɔ ko Ibulahima tɛɛ a jei sii min na, a ka limaniya k'a jei sii Ala la k'a fɔ ko a kɛtɔ kɛla siboloma siyama le bema le, iwo Ala n'a fɔla a yɛ teme, a vɛɛ: «I bɔzɔnnu walatɔ ten ne.»

Lɔmukalu 5:2

Ka bɛn Isa ma, mɔ fɛ vɛ kɛ nɛɛma min sɔlɔnko la limaniya sabu la, m'i nɛɛma min nɔ yi ne. Ado m'i sawala, kamasɔlɔn mɔ jei siinin Ala ya magbiliyali sɔlɔnko le la.

Lɔmukalu 8:20

Kamasɔlɔn dannifennu bɛ la ka don nafandanya kɔlɔ. Wo ma kɛ ailu gbu sawonanko le, mafɔ ale sawonanko, ale min n'ai ladonna je. Kɛɛ wo bɛ n'a kɛ, jeisii yi je bene,

1 Kolɛntikalu 13:13

Wo le y'a ma yi ne, ko sawa le yi je minu totɔ je habadan: limaniya, jeisii, ani kanundeya. Kɛɛ a bɛ lɔ bubata le kanundeya le.

2 Kolɛntikalu 4:18

Wo le y'a ma, mɔ ɲa lɔnin tɛ fen yentalu lɔ, mafɔ fen yenbalilu. Kamasɔlɔn fen yentalu bantɔle, kɛɛ fen yenbalilu tɛnala banna habadan.

2 Kolɛntikalu 5:7

M'i taamana limaniya le boloma, ɲala yeni tɛ.

Galatiyakalu 5:5

Ǹu koni jei siinin k'a fɔ ko Ala kɛtɔ mɔ jatela telenmande le, ado Nii Sɛnɛyanin yi mɔ madɛmɛnna ka wo le makɔnɔ limaniya boloma.

Kɔlɔsikalu 1:23

Kɛɛ fɔ ài lilen yi don limaniya lɔ k'ài bama. Ài na jeisii min sɔlɔnna Samakan Kein lamɛn fɛ, ài la kà maamaa k'ài mataa jeisii wo la feu. Samakan Kein la vɛ se dunuɲamɔɔ bɛ ma, ado ǹe Pɔli vɛ kɛ samakan min bɔiden ne.

Kɔlɔsikalu 1:27

Ala n'a jatesiila ko k'ai lalɔnni gbonoko wo la, min do makawanin ka gbiliya dunuɲa siboloma bɛ ɲakɔlɔ. Gbonoko wo le min ne: Masa Tɔɔmasenin y'ài josokun nɔ, ale min àiya nɔɔlɔ sɔlɔnko jeisii le.

Kɔlɔsikalu 1:5

Ài yi wo bɛ kɛla ka bɛn ài jeisii le ma, min ladalonin ài yɛ haijɛnɛ. Ài do jii tɛɛ wo le ma ka ta ài na tuɲandeya kuma mɛnna waate min nɔ kunfɔlɔ le, min taanin kɛla Samakan Kein ne.

1 Tɛsalonikakalu 5:8

Kɛɛ komi m'i telelɔmɔɔ le le, wo lɔ, ài m'i mɔ jɛlɛ lɔmina. Ài m'i mɔ jɛlɛ lɔbɛn, ka limaniya ni kanundeya kɛ iwo sisimakalanfen, ani ka kisiko kɛ mɔ jeisii le, iwo nɛɛ fula.

2 Tɛsalonikakalu 2:16

Mɔ Tii Masa Tɔɔmasenin Isa gbu ni mɔ Fa Ala, min na mɔ kanula ka habadan josolajii ni jeisii ɲuma di mɔ ma aa nɛɛma lɔ,

Tite 3:7

fɔsa m'i kɛ telenmande le Ala ɲakɔlɔ ka bɛn aa nɛɛma ma, ka mɔ fɛ bila niimaya banbali sɔlɔnko la, m'i mɔ jeisii le.

Hebululu 11:1

Limaniya kɔlɔ le ko ka gbɛ ko ma, mɔ jei siinin min na, ani ka la ko la, mɔ tɛ min yena.

1 Piyɛli 1:21

Ale le kɛnin àiya limaniya sabu le Ala ma, min n'a lawulila ka bɔ saya lɔ ka magbiliyali di a ma, fɔsa àiya limaniya ni ài jeisii yi kɛ Ala le.

1 Piyɛli 1:3

Tanuli yi Ala yɛ, min yi mɔ Tii Masa Tɔɔmasenin Isa Fa le! Ka bɛn aa henandeya ba ma, mɔ vɛ sɔlɔn kula kɛ ka jeisii ɲɛnɛma sɔlɔn Masa Tɔɔmasenin Isa lawuliko sabu la ka bɔ saya lɔ.

1 Yohana 3:3

Ni jeisii wo ka kɛ mɔɔ min bolo, wo tii y'a jɛlɛ lasɛnɛyale iwo Isa sɛnɛyanin teme.