Lɔmukalu 8:2 - Ala Ya Salatikan Kula Kitabu

² Kamasɔlɔn Nii Sɛnɛyanin ya seliya min yi niimaya dila Masa Tɔɔmasenin Isa ya kafonɲɔɔya lɔ, wo vɛ ǹ lafɛlɛ ka m̀ bɔ julumbu ni saya ya seliya kɔlɔ.

Lɔmukalu 8:2 ပူးပေါင်းရင်းမြစ်များ

Yohana 4:10

Isa do k'a javi, a vɛɛ: «Ni i tɛɛ vɛ Ala ya sɔli lɔnna ani mɔɔ min i dalila minji la, fɔ ile tɛɛ ale dali ji la, a do tɛɛ i sɔle niimaya ji la.»

Yohana 4:14

Kɛɛ ǹ'i ji min dila, mɔɔ mɔɔ vɛ wo dɔ minna, minkɛlɔɔ tɛnala wo tii minala butu tuun. Wo kɛtɔle a kɔnɔlɔ iwo kɔɔkun min yi woyola ka niimaya banbali di a ma.»

Yohana 6:63

Nii Sɛnɛyanin ne yi niimaya dila, niwotɛ adamaden fanga tɛ foi ɲia. Ǹ na kuma minu fɔla ài yɛ, wolu bɔnin Nii Sɛnɛyanin ne lɔ, ai do yi niimaya dila.

Yohana 8:32

Ài kɛtɔ tuɲa lɔnna, ado tuɲa kɛtɔ ài lafɛlɛla.»

Yohana 8:36

Wo ma, ni Ala Denkɛ vɛ ài lafɛlɛla, ài lafɛlɛnin yi tole bɛlɛbɛlɛ kɛ.

Lɔmukalu 16:3

Ài yi Pisila ni a kɛ́ Akuila fo ǹ yɛ, m̀ baaledenɲɔɔlu le ve Masa Tɔɔmasenin Isa ya baale lɔ,

Lɔmukalu 3:27

Mindɛ le tonin mɔ bolo butu, k'a fɔ ko m'i mɔ waso wo la? Foi! Jalasa m'i sene ka mɔ waso ka bɛn maa seliya latelenko ma? Ɛnɛn dɛ! Mafɔ, limaniya dein!

Lɔmukalu 5:21

Julumbu na fanga sɔlɔnna ka bɛn saya le ma. Wo boloɲa kelen ma, Ala ya nɛɛma yi fanga sɔlɔnna ka bɛn telenmandeya le ma, min yi nala niimaya banbali le mɔ Tii Masa Tɔɔmasenin Isa sabu la.

Lɔmukalu 6:14

Wo ma, julumbu tɛnala fanga sɔlɔnna ài ma butu, kamasɔlɔn ài tɛ seliya kɔlɔ butu, mafɔ Ala ya nɛɛma.

Lɔmukalu 6:18

Ài do la vɛ fɛlɛ ka bɔ julumbu ya jɔnya lɔ, k'ài kɛ telenmandeya ya jɔn ne.

Lɔmukalu 6:22

Kɛɛ komi ài la vɛ fɛlɛ ka bɔ julumbu lɔ k'ài kɛ Ala ya jɔn ne butu, ài yi nafa min sɔlɔnna, wo le sɛnɛyali le min laban yi niimaya banbali le.

Lɔmukalu 7:21

Ǹ'i seliya min yena baalela ǹ nɔ, wo le ne: Ni ǹ'a fɛ ka kokein kɛ, koyon ne yi nala ǹ ɲakɔlɔ.

Lɔmukalu 7:23

Kɛɛ wo bɛ n'a kɛ, ǹ'i seliya dɔgbɛlɛ le yena baalela ǹ falikolo fannu lɔ, min yi ǹ kɛlɛla m̀ miliya lɔ ka bɛn seliya latelenko ma. Seliya wo vɛ ǹ kɛ julumbu ya jɔn ne le, min lasawatinin ǹ falikolo fannu lɔ.

Lɔmukalu 7:4

M̀ badenmalu, wo boloɲa kelen ma, àilu gbu vɛ sa seliya ta fannɔ ka bɛn maa kafonɲɔɔya ma Masa Tɔɔmasenin falikolo kɔkan, fɔsa ài yi kɛ a dɔgbɛlɛ ta le, min lawulinin ka bɔ saya lɔ, fɔsa mɔ la yi sawati Ala yɛ.

Lɔmukalu 8:1

Wo lɔ saa, jobaliyako tɛ mɔɔlu ma butu, minu yi Masa Tɔɔmasenin Isa ya kafonɲɔɔya lɔ.

1 Kolɛntikalu 15:45

Wo le n'a kɛla, a sɛvɛnin kitabu kɔnɔ, ko: «Mɔɔ kunfɔlɔ, min taanin kɛla Adama le, wo ka kɛ niimafen ne.» Kɛɛ Adama laban ka kɛ Nii le le, min yi niimaya dila.

2 Kolɛntikalu 3:17

M'i mɔ Tii min ya ko fɔla yi ne, wo le Nii Sɛnɛyanin ne. Ado mɔ Tii Nii Sɛnɛyanin vɛ kɛla tɛɛminja, lafɛlɛ le yi woja.

2 Kolɛntikalu 3:6

Ale le na see dila mɔ ma ka mɔ kɛ bɔidennu le aa salatikan kula ya ko lɔ. Salatikan kula wo ma bɔ seliya sɛvɛnin nɔ, mafɔ Nii Sɛnɛyanin. Kamasɔlɔn seliya sɛvɛnin yi saya le lasena mɔɔlu ma, kɛɛ Nii Sɛnɛyanin yi niimaya le dila.

Galatiyakalu 2:19

Ǹe koni, seliya ta fannɔ, ǹ sayine seliya gbu sabu la, fɔsa ǹ'i niimaya kɛ Ala yɛ.

Galatiyakalu 5:1

Masa Tɔɔmasenin vɛ mɔ lafɛlɛ fɔsa m'i to lafɛlɛ lɔ. Wo le y'a ma, ài y'ài lɔgbeleya. Ài do k'ài jɛlɛ bila jɔnya lɔ kɔtunun.

Galatiyakalu 6:2

Ài ɲɔɔ madɛmɛn ài kunkolu ma, wo vɛ kɛla, Masa Tɔɔmasenin ya seliya da yi fale.

Janguba 1:25

Kɛɛ Ala ya seliya dafanin min yi lafɛlɛ dila, ni mɔɔ min ka wo lasaa kobɛn k'i lɔja a latelenko ma, ni a do m'a tolomalɔ a la dein ka ban ka ɲina a lɔ, wo vɛ kɛla, wo tii lasawatitɔ a kɛkolu bɛ le lɔ.

Ko Lankɛnɛmayanin 11:11

Kɛɛ tele sawa ni tala (3.5) timinnin, nii ka don ai lɔ ka bɔ Ala fɛ, ai do v'i wulila k'i lɔ. Wo kɛ, siyan ba k'ai lasaabalu mina.

Ko Lankɛnɛmayanin 22:1

A laban nɔ, mɛlɛka ka kɔɔ dɔ jiya ǹ na min yi niimaya ji le. A lakɛnɛyanin tɛɛ iwo sani. Kɔɔ wo tɛɛ bɔla Ala ni Saa Bolan ya masayasiifen kɔlɔ,