Lɔmukalu 8:19 - Ala Ya Salatikan Kula Kitabu

¹⁹ Kamasɔlɔn dannifen bɛ kɔlɔtɔnin wo lon nako le la, Ala kɛtɔ a dennu lankɛnɛmayala lon min na.

Lɔmukalu 8:19 ပူးပေါင်းရင်းမြစ်များ

Matiyu 5:9

Duwawuden ne mɔɔ wolu le, minu yi josolajii ladonna mɔɔlu wotɛ, kamasɔlɔn Ala kɛtɔ a fɔla ai ma ko a dennu.

Yohana 1:12

Kɛɛ mɔɔ minu k'ai bolo sii a kɔlɔ ka limaniya a ma, a ka see di wolu bɛ ma k'ai kɛ Ala den ne.

Kɛkolu 3:21

Kɛɛ fɔ a yi to haijɛnɛ bene, haan fɔɔ fen bɛ ma vɛ falinna ka kɛ a kula le waate min nɔ, iwo Ala ya lɔhɔlɔma kelalu tɛɛ min fɔla teme ka ta waate jaan ma.

Lɔmukalu 8:14

Kamasɔlɔn mɔɔ minu yi taamana iwo Ala Nii Sɛnɛyanin y'ai lɔla teme, wolu bɛ yi Ala den ne le.

Lɔmukalu 8:16

Nii Sɛnɛyanin gbu yi seleya min dila, wo seleya kelen ne yi mɔ josokun nɔ ko Ala den ne mɔ le.

Lɔmukalu 8:18

Ǹ ta miliya lɔ, bi tɔlɔyalu tɛ se sumala magbiliyali ma min la kɛtɔ nkɛnɛmayala mɔ yɛ sinin.

Lɔmukalu 8:23

A do dan tɛ dannifen wolu kelen ne, mafɔ ǹu minu vɛ Nii Sɛnɛyanin sɔlɔn iwo sɛnɛfen den kunfɔlɔ. M'i mɔ wunɛla mɔ kɔnɔ ka to lon wo makɔnɔna, Ala kɛtɔ mɔ kɛla a jɛlɛkanu dennu le lon min na, ka mɔ falikolo kunmaka tɛtɛ.

Lɔmukalu 9:26

A fɔnin tɛɛ ai yɛ tɛɛminja, ko: ‹Ǹa mɔɔ tɛ ài le,› a yi fɔle ai ma woja gbugbu lɔ, ko: ‹Ɲɛnɛmayatii Ala dennu.› »

1 Kolɛntikalu 1:7

Wo lɔ saa, Ala yi sɔli minu dila, ài dɛsɛnin tɛ wo foi la, ài vɛ mɔ Tii Masa Tɔɔmasenin Isa nalon makɔnɔna.

1 Kolɛntikalu 1:8

A do kɛtɔ a kɛla, ài bamanin totɔ haan fɔɔ a laban na, fɔsa ài yi kɛ jalakibali le mɔ Tii Masa Tɔɔmasenin Isa ya lon na.

2 Kolɛntikalu 6:18

Ǹe do kɛtɔ kɛla ài Fa le le, ani ài kɛtɔ kɛla ǹ denkɛlu ni ǹ denmosolu le, Ala Seebɛtii kan ne wo le.»

Galatiyakalu 3:26

Kamasɔlɔn ài bɛ yi Ala den ne le ka bɛn limaniya ma Masa Tɔɔmasenin Isa ya kafonɲɔɔya lɔ.

Filipikalu 1:20

Ǹ jii y'a ma le bubale ko foi tɛnala kɛla ǹa maloyako le, mafɔ m̀ wakalinin totɔ feu tandainɔ ani waate bɛ, fɔsa ǹ'i Masa Tɔɔmasenin buɲa ǹ falikolo bɛ le, ǹa niimaya lɔ, niwotɛ ǹa saya lɔ.

Kɔlɔsikalu 3:4

Masa Tɔɔmasenin min kɛnin àiya niimaya le, wo la vɛ nkɛnɛmayala lon min na, àilu fana nɔɔlɔnin lankɛnɛmayatɔ a fɛ.

Hebululu 12:27

A n'a fɔ mingɛla ko: «A vɛ to siɲa kelen», wo v'a jiya ko dannifen bɛ lajaajaatɔ ka tunun, fɔsa fen minu la tɛ se jaajaala, wolu yi to ai nɔ lɔ kudein.

1 Piyɛli 1:13

Wo ma yi ne, ài y'ài hangili sii k'ài kɛ jɛlɛlɔminamɔɔlu le. Ài y'ài jei sii nɛɛma wo la kosɛvɛ, min ditɔ ài ma Masa Tɔɔmasenin Isa la vɛ nkɛnɛmayala waate min nɔ.

1 Piyɛli 1:7

Ko wolu le yi kɛla sabu le k'a jiya ko limaniya bɛlɛbɛlɛ le y'ài bolo, min kulugbeleyanin sanu le, sanu min yi fen tiɲata le, ani min lɔ yi sumala taa bolo. Wo do nafa kɛtɔ kɛla matɔɔli ni magbiliyali ni buɲali le le ài yɛ Masa Tɔɔmasenin Isa lankɛnɛmaya lon.

1 Yohana 3:1

Ài y'a ye mɔ Fa na mɔ kanula teme, haan fɔɔ ai y'a fɔla mɔ ma ko Ala dennu. Mɔ gbu do yi wo le le! Dailu min na kɛla dunuɲa ma mɔ lɔn, wo le, dunuɲa ma Ala lɔn.

1 Yohana 3:2

Ǹ diyananmɔɔlu, Ala den ne mɔ le tandainɔ! Kɛɛ mɔ kɛtɔ teme, wo la ma nkɛnɛmaya ba bene. Ǹu koni k'a lɔn ne ni Masa Tɔɔmasenin la ka nkɛnɛmaya waate min nɔ, mɔ kɛtɔle iwo ale, kamasɔlɔn mɔ kɛtɔ a yena iwo a gbu yi teme.

Ko Lankɛnɛmayanin 21:7

Ni mɔɔ min ka see sɔlɔn, wo tii kɛtɔ balayi wolu le sɔlɔnna ǹ na. Ǹ kɛtɔ kɛla a Tii le le, a do kɛtɔ kɛla ǹ den ne le.