Lɔmukalu 8:16 - Ala Ya Salatikan Kula Kitabu

¹⁶ Nii Sɛnɛyanin gbu yi seleya min dila, wo seleya kelen ne yi mɔ josokun nɔ ko Ala den ne mɔ le.

Lɔmukalu 8:16 ပူးပေါင်းရင်းမြစ်များ

Matiyu 5:9

Duwawuden ne mɔɔ wolu le, minu yi josolajii ladonna mɔɔlu wotɛ, kamasɔlɔn Ala kɛtɔ a fɔla ai ma ko a dennu.

Luka 20:36

Ai tɛnala saya masɔlɔnna butu. Ai kɛtɔle iwo mɛlɛkalu, ani Ala den ne ai le, kamasɔlɔn ai v'i wuli ka bɔ saya lɔ.

Yohana 1:12

Kɛɛ mɔɔ minu k'ai bolo sii a kɔlɔ ka limaniya a ma, a ka see di wolu bɛ ma k'ai kɛ Ala den ne.

Kɛkolu 5:32

M'i ko minu sele le le, ani Nii Sɛnɛyanin fana, Ala na min dila a kumakan labatobalu ma.»

Lɔmukalu 8:14

Kamasɔlɔn mɔɔ minu yi taamana iwo Ala Nii Sɛnɛyanin y'ai lɔla teme, wolu bɛ yi Ala den ne le.

Lɔmukalu 8:19

Kamasɔlɔn dannifen bɛ kɔlɔtɔnin wo lon nako le la, Ala kɛtɔ a dennu lankɛnɛmayala lon min na.

Lɔmukalu 8:23

A do dan tɛ dannifen wolu kelen ne, mafɔ ǹu minu vɛ Nii Sɛnɛyanin sɔlɔn iwo sɛnɛfen den kunfɔlɔ. M'i mɔ wunɛla mɔ kɔnɔ ka to lon wo makɔnɔna, Ala kɛtɔ mɔ kɛla a jɛlɛkanu dennu le lon min na, ka mɔ falikolo kunmaka tɛtɛ.

Lɔmukalu 8:26

Wo boloɲa kelen ma, Nii Sɛnɛyanin yi mɔ madɛmɛnna maa fangandanya lɔ. Kamasɔlɔn mɔ m'a lɔn m'i Ala dali ko minu la, kɛɛ Nii Sɛnɛyanin gbu le yi mɔ masolonali minala Ala ma wunɛ boloma, min tɛ kumafɔ talu le.

Lɔmukalu 9:26

A fɔnin tɛɛ ai yɛ tɛɛminja, ko: ‹Ǹa mɔɔ tɛ ài le,› a yi fɔle ai ma woja gbugbu lɔ, ko: ‹Ɲɛnɛmayatii Ala dennu.› »

Lɔmukalu 9:8

Wo kɔlɔ le ko den minu sɔlɔnnin adamadenya sabu la, wolu tɛ jatela Ala den ne. Kɛɛ minu do sɔlɔnnin ka bɛn Ala ya lahedi ma, wolu le jatela a den bɛlɛbɛlɛ le.

2 Kolɛntikalu 1:12

Mɔ ɲalɔkɛnɛya kun ne min ne: Mɔ josokun ne yi mɔ sele le k'a fɔ ko mɔ na maa dunuɲalɔtɛɛ kɛla telenmandeya ni Ala ya josolɔgbɛya bolo le ma, ài tɛma bɛlɛbɛlɛ le. Mɔ do bolomalanin tɛɛ Ala ya nɛɛma le ma, adamaden ya hangilimaya tɛ.

2 Kolɛntikalu 1:22

ka tɔɔmase bila mɔ ma, ani ka Nii Sɛnɛyanin don mɔ josokun nɔ iwo tɔima ka bɛn koɲuma natɔlu ma.

2 Kolɛntikalu 5:5

Min na mɔ lɔbɛnna dailu min kanma, wo le Ala gbugbu le, ale min na Nii Sɛnɛyanin dila mɔ ma iwo tɔima ka bɛn koɲuma natɔlu ma.

2 Kolɛntikalu 6:18

Ǹe do kɛtɔ kɛla ài Fa le le, ani ài kɛtɔ kɛla ǹ denkɛlu ni ǹ denmosolu le, Ala Seebɛtii kan ne wo le.»

Galatiyakalu 3:26

Kamasɔlɔn ài bɛ yi Ala den ne le ka bɛn limaniya ma Masa Tɔɔmasenin Isa ya kafonɲɔɔya lɔ.

Galatiyakalu 4:6

Komi Ala den ne ài le, wo lɔ, a na a Denkɛ Nii lajiila ka don mɔ josokun nɔ. Nii wo le y'a kɛla, m'i Ala kilila, mɔ vɛɛ: «Mɔ Fa!»

Ɛfɛsikalu 1:13

Àilu fana vɛ limaniya ale Isa ma, ài na tuɲa kuma mɛnna waate min nɔ, min taanin kɛla Samakan Kein ne ka bɛn àiya kisiko ma. Wo lɔ, Ala na Nii Sɛnɛyanin min ya lahedi tala, a na wo lajiila ài kɔkan ka wo kɛ tɔɔmase le,

Ɛfɛsikalu 4:30

Ài kà Ala Nii Sɛnɛyanin josomakasi, ale min yi tɔɔmase le ài ma ka bɛn ài kunmaka lon ma.

1 Yohana 3:1

Ài y'a ye mɔ Fa na mɔ kanula teme, haan fɔɔ ai y'a fɔla mɔ ma ko Ala dennu. Mɔ gbu do yi wo le le! Dailu min na kɛla dunuɲa ma mɔ lɔn, wo le, dunuɲa ma Ala lɔn.

1 Yohana 3:10

Ala dennu ni Soitana dennu wotɛbɔ yi lɔnna teme, wo le ne: Mɔɔ min tɛ taamana telenmandeya lɔ, wo tii tɛ Ala ta le, kumatɛ mɔɔ min tɛ a badenma kanula.

1 Yohana 3:2

Ǹ diyananmɔɔlu, Ala den ne mɔ le tandainɔ! Kɛɛ mɔ kɛtɔ teme, wo la ma nkɛnɛmaya ba bene. Ǹu koni k'a lɔn ne ni Masa Tɔɔmasenin la ka nkɛnɛmaya waate min nɔ, mɔ kɛtɔle iwo ale, kamasɔlɔn mɔ kɛtɔ a yena iwo a gbu yi teme.

1 Yohana 4:13

Mɔ n'a lɔnna min ne ma ko m'i Ala ya kafonɲɔɔya lɔ, ani ale fana yi maa kafonɲɔɔya lɔ: A vɛ a Nii Sɛnɛyanin di mɔ ma.

1 Yohana 5:10

Ni mɔɔ min ka limaniya Ala Denkɛ ma, wo tii yi Ala ya seleyakan wo ladalola a josokun nɔ. Kɛɛ do, ni mɔɔ min ma limaniya Ala ma, wo tii vɛ Ala kɛ faɲafɔba le, kamasɔlɔn a ma limaniya seleyakan wo ma, Ala na min dila ka bɛn a Denkɛ ma.

Ko Lankɛnɛmayanin 21:7

Ni mɔɔ min ka see sɔlɔn, wo tii kɛtɔ balayi wolu le sɔlɔnna ǹ na. Ǹ kɛtɔ kɛla a Tii le le, a do kɛtɔ kɛla ǹ den ne le.