Lɔmukalu 8:15 - Ala Ya Salatikan Kula Kitabu

¹⁵ Ài na Nii min sɔlɔnna, wo tɛ ài bilala jɔnya lɔ k'ài kɛ siyanbatɔ le kɔtunun. Mafɔ, mɔ na Nii min sɔlɔnna, wo vɛ mɔ kɛ Ala den ne le. Ado ka bɛn Nii min ma, m'i sene a fɔla Ala ma, mɔ vɛɛ: «Mɔ Fa! Mɔ Fa!»

Lɔmukalu 8:15 ပူးပေါင်းရင်းမြစ်များ

Matiyu 25:25

Komi ǹ tɛɛ siyanna i ɲa, wo le n'a kɛla, ǹ na taala ka diɲa sen k'iya wɔli doon je. A ye, iya wɔli le ne.›

Malɛkɛ 14:36

A vɛɛ: «Ǹ Fa, i yi sene ko bɛ la. I kà ǹ lamin jiyafɛ min nɔ. Kɛɛ ǹe gbu sawo kà kɛ, mafɔ i sawo.»

Luka 11:2

Wo lɔ, Isa vɛɛ ai yɛ: «Ài vɛ kɛla Ala dalila, ài y'a fɔ ko: Mɔ Fa, i tɔɔ sɛnɛyanin yi buɲa. Iya masaya la yi nkɛnɛmaya.

Luka 22:42

A do vɛɛ: «Ǹ Fa, ni i ka diɲa a ma, i kà ǹ lamin jiyafɛ min nɔ. Kɛɛ ǹe gbu sawo kà kɛ, mafɔ i sawo.»

Luka 8:28

A ka Isa ye mingɛ, a ka gbanɔ k'i kɛ a sen kɔlɔ. A do ka gbanɔ k'a fɔ, a vɛɛ: «Isa, Masa Taala Denkɛ, mindɛ le ile ni ǹe wotɛ? I jon jaani, i kà ǹ jangata.»

Luka 8:37

Gelasekalu bɛ ka siyan bubale, ka Isa madiya ko a yi bɔ aiya duu lɔ. Wo lɔ, Isa ni a kɔbiladennu ka don kulun kɔnɔ ko ai yi seikɔ.

Yohana 16:8

A do vɛ nala, a kɛtɔ dunuɲamɔɔlu ya filibandeya jiyala ai la ka bɛn julumbuko ma, ani telenmandeyako, ani kititɛɛko.

Yohana 20:17

Isa do vɛɛ a yɛ: «I k'i fasa m̀ ma, kamasɔlɔn m̀ ma jɛlɛ ba bene ka taa ǹ Fa fɛlɔ. Kɛɛ fɔ i yi taa a fɔ m̀ badenmalu yɛ ko ǹ jɛlɛtɔle ka taa ǹe ni ailu Fa fɛlɔ, min taanin kɛla ǹe ni ailu Tii le.»

Kɛkolu 16:29

Wo kɛ, kasobon lakanaliba ka fitina makili ka taa Pɔli ni Silasi ma ɲagba le, k'i kɛ ai sen kɔlɔ, a lɔ vɛ jaajaala.

Kɛkolu 2:37

Jama ka wo mɛn mingɛ, kuma wo ka don ai josokun nɔ kosɛvɛ. Ai k'a fɔ Piyɛli ni keladen tɔlu yɛ, ai vɛɛ: «Mɔ badenmalu, m'a kɛ di vɛ wo lɔ?»

Lɔmukalu 8:16

Nii Sɛnɛyanin gbu yi seleya min dila, wo seleya kelen ne yi mɔ josokun nɔ ko Ala den ne mɔ le.

Lɔmukalu 8:23

A do dan tɛ dannifen wolu kelen ne, mafɔ ǹu minu vɛ Nii Sɛnɛyanin sɔlɔn iwo sɛnɛfen den kunfɔlɔ. M'i mɔ wunɛla mɔ kɔnɔ ka to lon wo makɔnɔna, Ala kɛtɔ mɔ kɛla a jɛlɛkanu dennu le lon min na, ka mɔ falikolo kunmaka tɛtɛ.

Lɔmukalu 8:26

Wo boloɲa kelen ma, Nii Sɛnɛyanin yi mɔ madɛmɛnna maa fangandanya lɔ. Kamasɔlɔn mɔ m'a lɔn m'i Ala dali ko minu la, kɛɛ Nii Sɛnɛyanin gbu le yi mɔ masolonali minala Ala ma wunɛ boloma, min tɛ kumafɔ talu le.

Lɔmukalu 9:4

Bani Isilanka le ai le, Ala na minu kɛla a jɛlɛkanu dennu le, ka aa magbiliyali jiya ai la, ka salatikannu ta ale ni ailu wotɛ, ani ka aa seliya di ai ma. Ai do vɛ batokɛɲa bɛlɛbɛlɛ sɔlɔn, ani Ala ya lahedilu.

1 Kolɛntikalu 2:12

Ǹu koni, mɔ na hangili min sɔlɔnna, wo tɛ dunuɲa ta le. Mɔ do vɛ Ala Nii Sɛnɛyanin sɔlɔn, fɔsa m'i se Ala ya sɔlilu lɔnna teme.

2 Kolɛntikalu 11:4

Kamasɔlɔn ni mɔɔ dɔ ka na ài fɛlɔ ka Isa suu gbɛlɛ ya ko kawanili kɛ ani samakan kein suu gbɛlɛ, mɔ ma min kawanili kɛ ài yɛ, ado ni wo tii ka Nii Sɛnɛyanin suu gbɛlɛ ya ko fɔ, ài ma min sɔlɔn kɔlɔkɔlɔ le, a kɛ diyayine ài y'ài bolo sii wo tii kumakan kɔlɔ.

Galatiyakalu 2:4

Wo ko tɛɛ vɛ wuli kamasɔlɔn faɲafɔ badenma dɔlu tɛɛ vɛ kafon mɔ kɔkan doon nɔ mɔ ɲina ma. Ai tɛɛ a fɛ ka maa lafɛlɛ lakɔlɔsi min sɔlɔnnin Masa Tɔɔmasenin ya kafonɲɔɔya lɔ, fɔsa ai yi mɔ bila jɔnya lɔ kɔtunun.

Galatiyakalu 5:1

Masa Tɔɔmasenin vɛ mɔ lafɛlɛ fɔsa m'i to lafɛlɛ lɔ. Wo le y'a ma, ài y'ài lɔgbeleya. Ài do k'ài jɛlɛ bila jɔnya lɔ kɔtunun.

Ɛfɛsikalu 1:5

Ala n'a latɛɛla ko m'i kɛ a jɛlɛkanu dennu le Masa Tɔɔmasenin Isa fɛ ka bɛn a diyanan kolatɛɛnin ma.

2 Timote 1:7

Kamasɔlɔn Ala na Nii Sɛnɛyanin min dila mɔ ma, wo tɛ mɔ kɛla jiitɔ le feu, mafɔ a yi fanga le dila mɔ ma, ani kanundeya, ani jɛlɛlɔmina.

Hebululu 2:15

ani ka mɔɔlu lafɛlɛ minu tɛɛ vɛ aiya dunuɲalɔtɛɛ bɛ kɛ jɔnya lɔ ka bɛn saya ɲasiyanɲɛ ma.

Janguba 2:19

Jalasa i limaniyanin ko Ala kelenpesa le yi je? Wo bɛnyine feu! Hali jinalu gbu limaniyanin wo ma, ai do lɔ yi jaajaala siyan boloma.

1 Yohana 4:18

Siyan tɛ kanundeya lɔ, kanundeya dafanin do yi siyan banna feu, kamasɔlɔn siyan jusiinin kolatɔn ne kɔkan. Wo le y'a ma, ni mɔɔ min ka siyan, wo vɛ kɛla, kanundeya dafanin tɛ wo tii josokun nɔ bene.