Lɔmukalu 8:13 - Ala Ya Salatikan Kula Kitabu

¹³ Kamasɔlɔn ni ài vɛ kɛla taamana ka bɛn ài falikolo ladiyanankolu ma, ài yi sale feu. Kɛɛ ni ài do k'ài falikolo ya koyonnu lɔsa Nii Sɛnɛyanin sabu la, ài yi niimaya sɔlɔnne.

Lɔmukalu 8:13 ပူးပေါင်းရင်းမြစ်များ

Lɔmukalu 6:21

Kɛɛ do, ài na nafa mindɛ le sɔlɔnna ài kɛko wolu la, minu maloya ài la bi? Kamasɔlɔn wolu laban yi saya le le.

Lɔmukalu 6:23

Kamasɔlɔn julumbu sala le saya le, kɛɛ Ala ya sɔli yi niimaya banbali le le mɔ Tii Masa Tɔɔmasenin Isa ya kafonɲɔɔya lɔ.

Lɔmukalu 7:5

Kamasɔlɔn mɔ tɛɛ taamana ka bɛn mɔ falikolo niikanukolu ma waate min nɔ, maa seliya lɔnko tɛɛ julumbuta lɔɔ le lawulila, ka mɔ falikolo fannu labaale kolu la minu laban yi saya le.

Lɔmukalu 8:12

Wo lɔ saa, m̀ badenmalu, diyanigbeya tɛ mɔ kan butu k'a fɔ ko m'i kɛ taamana ka bɛn mɔ falikolo ladiyanankolu ma.

1 Kolɛntikalu 9:27

Ǹ'i ǹ falikolo makolola k'a bila ǹa lɔminali kɔlɔ, alako ǹ kana ban mɔɔlu kawanila ka ǹ fo ǹ jaza la.

Galatiyakalu 5:24

Mɔɔ minu yi Masa Tɔɔmasenin Isa ta le, wolu vɛ ai falikolo gbaan kɔlɔman ma, wo ni a niikanukolu ani a natalu.

Galatiyakalu 6:8

Ni mɔɔ min k'a falikolo ladiyanankolu sɛnɛ, wo tii kɛtɔ a halakiko le kalila. Kɛɛ do, ni mɔɔ min ka Nii Sɛnɛyanin diyanankolu sɛnɛ, wo tii kɛtɔ niimaya banbali le kalila Nii Sɛnɛyanin fɛ.

Ɛfɛsikalu 4:22

ko ài y'ài dajoo kɔlɔ dabila, ài tɛɛ min ya siya lataamana kɔlɔkɔlɔ le, min lɔ yi tiɲala ka bɛn a mɔɔmanɛɛ nata yonnu ma.

Ɛfɛsikalu 4:30

Ài kà Ala Nii Sɛnɛyanin josomakasi, ale min yi tɔɔmase le ài ma ka bɛn ài kunmaka lon ma.

Ɛfɛsikalu 5:18

Ài k'i fa gbɛ la, kamasɔlɔn wo yi mɔɔ bilala koɲaamininnu le lɔ, kɛɛ ài josola yi fa Nii Sɛnɛyanin la.

Tite 2:12

Nɛɛma wo yi mɔ kalanna le ko, m'i Alabuɲabaliya to je, k'i ban dunuɲa niikanukolu lɔ, fɔsa m'i taama jɛlɛlɔmina ni telenmandeya ani Alaɲasiyanɲɛ boloma dunuɲalɔtɛɛ min nɔ,

1 Piyɛli 1:22

Komi ài vɛ ài jɛlɛ lasɛnɛya ka bɛn tuɲa labatoko ma, fɔsa ài yi se i ɲɔɔ kanula badenmaya ni josolɔgbɛya boloma, wo le y'a ma, ài y'ài ɲɔɔ kanu kosɛvɛ ài josokun bɛ le.

1 Piyɛli 2:11

Ǹ diyananmɔɔlu, komi kɔɔkanmɔɔ ni lona le ài le dunuɲa, wo lɔ, ǹ'a fɔla ài yɛ k'a magbeleya, ài y'ài ban ài falikolo niikanukolu ma minu y'ài nunakili kɛlɛla.