Lɔmukalu 8:11 - Ala Ya Salatikan Kula Kitabu

¹¹ Ala min na Masa Tɔɔmasenin Isa lawulila ka bɔ saya lɔ, ni wo Nii Sɛnɛyanin lasawatinin ka kɛ ài lɔ, ale Ala kelen ne kɛtɔ niimaya dila ài fali satalu ma a Nii Sɛnɛyanin sabu la, min lasawatinin ài lɔ.

Lɔmukalu 8:11 ပူးပေါင်းရင်းမြစ်များ

Yohana 14:17

Nii Sɛnɛyanin koni, min yi tuɲa lankɛnɛmayala. Dunuɲa tɛ se wo sɔlɔnna, kamasɔlɔn a tɛ se a yena, kumatɛ k'a lɔn. Kɛɛ àilu k'a lɔn ne, kamasɔlɔn a ài fɛ, ani a kɛtɔ ài josokun nɔ.

Yohana 5:21

Kamasɔlɔn Fa yi fulenilu lawulila ka niimaya di ai ma teme, wo boloɲa kelen ma, a Denkɛ yi niimaya dila mɔɔlu ma, minu vɛ a diyala.

Kɛkolu 2:24

Kɛɛ Ala ka a lawuli ka bɔ saya lɔ, k'a lafɛlɛ ka bɔ saya fanga kɔlɔ, kamasɔlɔn saya tɛɛ tɛ se nɔ sɔlɔnna a ma.

Lɔmukalu 16:10

Ài yi Apɛlɛsi fo, min ya kankelentiiya vɛ bɔ gbɛ la Masa Tɔɔmasenin ya ko lɔ. Ài yi Alisitobule ya bonnamɔɔlu fo.

Lɔmukalu 16:3

Ài yi Pisila ni a kɛ́ Akuila fo ǹ yɛ, m̀ baaledenɲɔɔlu le ve Masa Tɔɔmasenin Isa ya baale lɔ,

Lɔmukalu 16:7

Ài yi Andolonikusi ni Juniya fo, minu yi ǹ sibolomaɲɔɔ le, ani ai na kɛla ǹ kasodenɲɔɔ le waate lɔ. Ai lɔnnin bɛlɛbɛlɛ kɛ Isa ya keladennu tɛma, ado ai na donna Masa Tɔɔmasenin ya kafonɲɔɔya lɔ ǹe ɲa.

Lɔmukalu 16:9

Ài yi Ulubɛn fo, m̀ baaledenɲɔɔ le a le Masa Tɔɔmasenin ya baale lɔ, ani ài yi ǹ diyananmɔɔ Sitakisi fo.

Lɔmukalu 6:12

Ài do kà diɲa julumbu yi fanga sɔlɔn ài falikolo sata ma, ka to ài falikolo niikanukolu kɛla.

Lɔmukalu 8:1

Wo lɔ saa, jobaliyako tɛ mɔɔlu ma butu, minu yi Masa Tɔɔmasenin Isa ya kafonɲɔɔya lɔ.

Lɔmukalu 8:12

Wo lɔ saa, m̀ badenmalu, diyanigbeya tɛ mɔ kan butu k'a fɔ ko m'i kɛ taamana ka bɛn mɔ falikolo ladiyanankolu ma.

Lɔmukalu 8:2

Kamasɔlɔn Nii Sɛnɛyanin ya seliya min yi niimaya dila Masa Tɔɔmasenin Isa ya kafonɲɔɔya lɔ, wo vɛ ǹ lafɛlɛ ka m̀ bɔ julumbu ni saya ya seliya kɔlɔ.

Lɔmukalu 8:9

Àilu koni tɛ taamana ka bɛn ài falikolo ladiyanankolu ma, mafɔ Nii Sɛnɛyanin sawo, ni wo lasawatinin ka kɛ ài lɔ bɛlɛbɛlɛ kɛ. Ni Masa Tɔɔmasenin Nii Sɛnɛyanin tɛ mɔɔ min nɔ, wo tii ma tɛ a ta le.

1 Kolɛntikalu 15:16

Kamasɔlɔn ni fulenilu la tɛ wulila ka bɔ saya lɔ, wo vɛ kɛla, Masa Tɔɔmasenin gbu la ma wuli ka bɔ saya lɔ.

1 Kolɛntikalu 6:14

Ala na mɔ Tii Isa lawulila aa foniseleya le lɔ, a do kɛtɔ ǹu fana lawulila ten ne.

2 Kolɛntikalu 4:11

Damanda m'i mɔ nii la, m'i saya le dakɔlɔ kudein Isa ya ko lɔ, fɔsa Isa ya niimaya la yi nkɛnɛmaya mɔ fali sata lɔ.

2 Kolɛntikalu 4:14

Ado mɔ k'a lɔn ne ko Ala min na mɔ Tii Isa lawulila ka bɔ saya lɔ, wo le kɛtɔ ǹu fana lawulila ka kɛ Isa fɛ, ka mɔ ni àilu bɛ ladɛn a ɲakɔlɔ.

2 Kolɛntikalu 5:4

Kamasɔlɔn damanda m'i dunuɲa faani tooda min kɔlɔ, m'i wunɛla doni ba le kɔlɔ. A tɛ k'a fɔ saya lɔɔ le yi mɔ la, kɛɛ m'i haijɛnɛ fali kula sɔlɔnko le lɔ, fɔsa niimaya yi see sɔlɔn fen sata ma.

Galatiyakalu 6:8

Ni mɔɔ min k'a falikolo ladiyanankolu sɛnɛ, wo tii kɛtɔ a halakiko le kalila. Kɛɛ do, ni mɔɔ min ka Nii Sɛnɛyanin diyanankolu sɛnɛ, wo tii kɛtɔ niimaya banbali le kalila Nii Sɛnɛyanin fɛ.

Ɛfɛsikalu 2:5

Wo ma, hali mɔ sanin tɛɛ kɛ ka bɛn maa hakɛlu ma, Ala na niimaya dila mɔ ni Masa Tɔɔmasenin ma kelen ne. Ài do kisinin ka bɛn Ala ya nɛɛma le ma.

Filipikalu 3:21

Ale le kɛtɔ aa seetiiya labaalela, ka mɔ falikolo fangandan jɛlɛma, ka kɛ ale gbu falikolo nɔɔlɔnin suu le, ka bɛn wo seetiiya ma, a yi min labaalela ka fen bɛ kolo a yɛ.

Hebululu 13:20

Ala min yi josolajii dila, min na mɔ Tii Isa lawulila ka bɔ saya lɔ, wo min yi Saakunnasiiba Makawanin ne min na salatikan banbali lasilila a jeli bɔnko sabu la,

1 Piyɛli 1:21

Ale le kɛnin àiya limaniya sabu le Ala ma, min n'a lawulila ka bɔ saya lɔ ka magbiliyali di a ma, fɔsa àiya limaniya ni ài jeisii yi kɛ Ala le.

1 Piyɛli 3:18

Masa Tɔɔmasenin fana ka tɔlɔya masɔlɔn siɲa kelen ne le ka bɛn adamadennu ya julumbulu ma. Ale telenmande na sala mɔɔ telenbalilu ya ko lɔ, fɔsa a tɛɛ ài madon Ala la. A do falikolo ka saya masɔlɔn, kɛɛ a ka niimaya sɔlɔn kɔtunun Nii Sɛnɛyanin sabu la.

Ko Lankɛnɛmayanin 1:18

ani niima. Ǹ tɛɛ vɛ sa, kɛɛ a ye, ǹ'i niimaya le lɔ yi ne habadan. Saya ni Laikila koɲii yi ǹe le bolo.

Ko Lankɛnɛmayanin 11:11

Kɛɛ tele sawa ni tala (3.5) timinnin, nii ka don ai lɔ ka bɔ Ala fɛ, ai do v'i wulila k'i lɔ. Wo kɛ, siyan ba k'ai lasaabalu mina.