Lɔmukalu 8:1 - Ala Ya Salatikan Kula Kitabu

¹ Wo lɔ saa, jobaliyako tɛ mɔɔlu ma butu, minu yi Masa Tɔɔmasenin Isa ya kafonɲɔɔya lɔ.

Lɔmukalu 8:1 ပူးပေါင်းရင်းမြစ်များ

Yohana 14:20

Wo lon ne, ài kɛtɔ a lɔnna ko ǹ kafonnin ǹ Fa kan, àilu fana kafonnin ǹ kan, ani ǹe fana kafonnin ài kan.

Yohana 15:4

Ài kafonnin yi to ǹ kan, iwo ǹe gbu kafonnin ài kan teme. Iwo jili bolo tɛ se a denna a jɛlɛ ma teme ni a kafonnin ma to a ju kan, wo boloɲa kelen ma, àilu fana tɛ se ai denna ai jɛlɛ ma ni ài kafonnin ma to ǹ kan.

Yohana 5:24

«Ǹ'i tuɲa fɔ ài yɛ, ni mɔɔ mɔɔ ka ǹ kumakan mɛn ka limaniya ǹ kelaba ma, niimaya banbali yi wo tii le yɛ. Kiti tɛnala bilala wo tii la, kɛɛ a do vɛ bɔ saya lɔ ka don niimaya lɔ.

Lɔmukalu 16:3

Ài yi Pisila ni a kɛ́ Akuila fo ǹ yɛ, m̀ baaledenɲɔɔlu le ve Masa Tɔɔmasenin Isa ya baale lɔ,

Lɔmukalu 16:7

Ài yi Andolonikusi ni Juniya fo, minu yi ǹ sibolomaɲɔɔ le, ani ai na kɛla ǹ kasodenɲɔɔ le waate lɔ. Ai lɔnnin bɛlɛbɛlɛ kɛ Isa ya keladennu tɛma, ado ai na donna Masa Tɔɔmasenin ya kafonɲɔɔya lɔ ǹe ɲa.

Lɔmukalu 5:1

Mɔ vɛ jate telenmande le Ala ɲakɔlɔ limaniya fɛ, wo lɔ, josolajii vɛ don ǹu ni Ala wotɛ mɔ Tii Masa Tɔɔmasenin Isa sabu la.

Lɔmukalu 5:16

Ado Ala ya sɔli ani kɛ́ kelen wo ya julumbu kɔjavi, wolu tɛ se lala i ɲɔɔ ma. Kamasɔlɔn kɛ́ kelen ne ya julumbu na nala kolatɔn ne, k'a talan Ala ya sɔli min dinin julumbu siyama ta kɔla, wo na nala telenmandeya le le a ɲakɔlɔ.

Lɔmukalu 7:17

Wo lɔ saa, ǹe gbugbu tɛ wo kɛla, mafɔ julumbu min lasawatinin ǹ nɔ.

Lɔmukalu 7:20

Wo lɔ saa, ni a ka talan ǹ'i ko le kɛla ǹ t'a fɛ ka min kɛ, wo kɛba tɛ ǹe gbugbu le, mafɔ julumbu min lasawatinin ǹ nɔ.

Lɔmukalu 8:11

Ala min na Masa Tɔɔmasenin Isa lawulila ka bɔ saya lɔ, ni wo Nii Sɛnɛyanin lasawatinin ka kɛ ài lɔ, ale Ala kelen ne kɛtɔ niimaya dila ài fali satalu ma a Nii Sɛnɛyanin sabu la, min lasawatinin ài lɔ.

Lɔmukalu 8:14

Kamasɔlɔn mɔɔ minu yi taamana iwo Ala Nii Sɛnɛyanin y'ai lɔla teme, wolu bɛ yi Ala den ne le.

Lɔmukalu 8:2

Kamasɔlɔn Nii Sɛnɛyanin ya seliya min yi niimaya dila Masa Tɔɔmasenin Isa ya kafonɲɔɔya lɔ, wo vɛ ǹ lafɛlɛ ka m̀ bɔ julumbu ni saya ya seliya kɔlɔ.

Lɔmukalu 8:34

Jene yi se ai jobaliyala? Kamasɔlɔn Masa Tɔɔmasenin Isa le na sala. K'a dɔ la wo kɔkan, a lawulinin ka bɔ saya lɔ. A do siinin Ala bolokini fannɔ, a vɛ mɔ masolonali minala Ala ma.

Lɔmukalu 8:4

Wo le y'a kɛ, seliya yi telenmandeya min makilila, wo da yi fa mɔ taamaɲa lɔ teme, ǹu minu tɛ taamana ka bɛn mɔ falikolo ladiyanankolu ma, mafɔ Nii Sɛnɛyanin sawo.

Lɔmukalu 8:9

Àilu koni tɛ taamana ka bɛn ài falikolo ladiyanankolu ma, mafɔ Nii Sɛnɛyanin sawo, ni wo lasawatinin ka kɛ ài lɔ bɛlɛbɛlɛ kɛ. Ni Masa Tɔɔmasenin Nii Sɛnɛyanin tɛ mɔɔ min nɔ, wo tii ma tɛ a ta le.

1 Kolɛntikalu 1:30

Ala le n'ài kafonna Masa Tɔɔmasenin Isa kɔkan, min kɛnin maa hangilimaya le ka bɔ Ala fɛ. Wo sabu la, mɔ vɛ kɛ telenmande le Ala ɲakɔlɔ, ka mɔ lasɛnɛya, ani ka mɔ kunmaka.

1 Kolɛntikalu 15:22

Ado mɔɔ bɛ kɛtɔ sala mɔ bema Adama ya kafonɲɔɔya lɔ teme, wo boloɲa kelen ma, niimaya kɛtɔ dila mɔɔ bɛ ma ten ne minu yi Masa Tɔɔmasenin ya kafonɲɔɔya lɔ.

2 Kolɛntikalu 12:2

Ǹ ka kɛ́ dɔ lɔn Masa Tɔɔmasenin ya kafonɲɔɔya lɔ, Ala ka taa min ne poon haan fɔɔ sangbolo dan na, a vɛ kɛ san tan ni naani (14) le. Ni ale gbu jɛlɛnin ka kɛ a falikolo lɔ, niwotɛ a tɛɛ tɛ a falikolo lɔ, m̀ ma wo lɔn. Ala kelenpesa le ka wo lɔn.

2 Kolɛntikalu 5:17

Ni mɔɔ min ka kɛ Masa Tɔɔmasenin ya kafonɲɔɔya lɔ, wo tii vɛ kɛ dannifen kula le. Ko kɔlɔlu vɛ tunun, ado ko kulalu le yi je butu.

Galatiyakalu 3:13

Masa Tɔɔmasenin ka mɔ kunmaka ka mɔ bɔ seliya ya daan kɔlɔ, kamasɔlɔn a k'a jɛlɛ bila daan kɔlɔ maa ko le lɔ, iwo a sɛvɛnin teme kitabu kɔnɔ, ko: «Mɔɔ mɔɔ si su dɛnnin kɔlɔman na, wo tii daanyine.»

Galatiyakalu 3:26

Kamasɔlɔn ài bɛ yi Ala den ne le ka bɛn limaniya ma Masa Tɔɔmasenin Isa ya kafonɲɔɔya lɔ.

Galatiyakalu 3:28

Wotɛbɔli tɛ Jahudiya ni siboloma gbɛlɛ mɔɔlu wotɛ, niwotɛ jɔn ni hɔlɔlu, niwotɛ kɛ́ ni mosolu, kamasɔlɔn ài bɛ yi kelen ne le Masa Tɔɔmasenin Isa ya kafonɲɔɔya lɔ.

Galatiyakalu 5:16

Ǹ'a fɔ ài yɛ, ài yi taama ka bɛn Nii Sɛnɛyanin sawo ma. Wo vɛ kɛla, ài tɛnala ài falikolo ladiyanankolu kɛla.

Galatiyakalu 5:25

Ni m'i maa dunuɲalɔtɛɛ kɛla Nii Sɛnɛyanin ne fɛ, fɔ m'i taama ka bɛn a sawo ma.

Ɛfɛsikalu 1:1

Ǹe Pɔli min kɛnin Masa Tɔɔmasenin Isa ya keladen ne ka bɛn Ala sawo ma, ǹ'i lɛtɛlɛ min sɛvɛla mumininnu ma Ɛfɛsi so kɔnɔ, minu yi lanande le Masa Tɔɔmasenin Isa ya kafonɲɔɔya lɔ.

Filipikalu 3:9

ka ǹ kafonnin to a kɔkan. Ǹ tɛ m̀ bolomalala ǹe gbu ya telenmandeya ma min yi sɔlɔnna seliya latelenko fɛ, mafɔ m̀'ɛ a dɔgbɛlɛ sɔlɔn min yi nala limaniya fɛ Masa Tɔɔmasenin ma, wo le Ala ya telenmandeya le min jusiinin limaniya kɔkan.