Lɔmukalu 7:8 - Ala Ya Salatikan Kula Kitabu

⁸ Kɛɛ ka bɛn jamali wo ma, julumbu na ɲa sɔlɔnna ka natabaya suu bɛ lawuli ǹ josokun nɔ. Kamasɔlɔn ni seliyako ma kɛ je, julumbu yi fen sanin ne le.

Lɔmukalu 7:8 ပူးပေါင်းရင်းမြစ်များ

Malɛkɛ 7:22

natabaya, yonya, janvandeya, malobaliya, keleya, jɛvɛli, fannɔbaya, ani hangilindanya.

Yohana 15:22

Ni ǹ tɛɛ ma na ka kuma ai fɛ, ai kɛkolu tɛɛ tɛ jate julumbu le, kɛɛ tandainɔ yi ne, jo tɛ ai bolo k'ai kumanɔbɔ ka bɛn aiya julumbu tako ma.

Yohana 15:24

Ni ǹ tɛɛ ma kawanankolu kɛ ai ɲakɔlɔ, mɔɔ suu suu ma min ɲɔɔzii kɛ ba bene, ai kɛkolu tɛɛ tɛ jate julumbu le. Kɛɛ tandainɔ yi ne, ai vɛ ban ǹ kɛkolu yena, wo bɛ lɔ, ai yi ǹe ni ǹ Fa lagbeyaɲɛla.

Lɔmukalu 3:20

Wo le n'a kɛla, mɔɔ mɔɔ tɛnala jatela telenmande le Ala ɲakɔlɔ ka bɛn seliya latelenko ma, kamasɔlɔn julumbu lɔnko yi nala seliya le fɛ.

Lɔmukalu 4:15

Kamasɔlɔn seliya yi nala Ala ya mɔnɛya le le, kɛɛ ni seliya ma kɛ je, seliya tiɲako tɛnala kɛla je.

Lɔmukalu 5:20

Nabi Musa ya seliya la ka jii fɔsa maa julumbu dɔ yi to lala a kɔkan. Kɛɛ julumbu ka wala ɲa o ɲa ma, Ala ya nɛɛma walayine ka timin wo la feu.

Lɔmukalu 7:11

Kamasɔlɔn julumbu na ɲa sɔlɔnna jamali wo le sabu la ka ǹ janva, ka ban ka ǹ faa.

Lɔmukalu 7:13

Jalasa wo kɔlɔ le ko kokein ne na saya lanala m̀ ma? Wo tɛ dɛ! Julumbu le kɛnin wo sabu le, kamasɔlɔn a na seliya kein wo le labaalela ka saya lana m̀ ma, fɔsa julumbu kɛɲa gbugbu la yi nkɛnɛmaya. Ado ka bɛn jamali ma, julumbu ya kɛwonya yi jiya le la bɛlɛbɛlɛ kɛ.

Lɔmukalu 7:17

Wo lɔ saa, ǹe gbugbu tɛ wo kɛla, mafɔ julumbu min lasawatinin ǹ nɔ.

Lɔmukalu 7:9

Waate lɔ, ǹ tɛɛ ǹ nii la seliya lɔnbaliya lɔ. Kɛɛ jamali ka na feeya, julumbuko k'i wuli ǹ josokun nɔ, ǹe do ka sa.

1 Kolɛntikalu 15:56

Saya dimin yi bɔla julumbu le lɔ, ado julumbu fanga yi bɔla seliya le lɔ.