Lɔmukalu 7:6 - Ala Ya Salatikan Kula Kitabu

⁶ Kɛɛ tandainɔ, mɔ la vɛ fɛlɛ ka bɔ seliya fanga kɔlɔ, kamasɔlɔn ko min na mɔ kɛla jɔn ne, mɔ vɛ sa ka bɔ wo ya jɔnya kɔlɔ. Wo le y'a kɛ, m'i se ka baale kɛ Ala yɛ Nii Sɛnɛyanin ya siya kula kɔkan, siya kɔlɔ mangan tɛ min sɛvɛnin.

Lɔmukalu 7:6 ပူးပေါင်းရင်းမြစ်များ

Lɔmukalu 1:9

Ǹ'i baalela Ala min yɛ ǹ josokun bɛ le a Denkɛ ya Samakan Kein lasenko lɔ, wo le ǹ sele le k'a fɔ ko ǹ'àiya ko lasena a ma waate bɛ lɔ

Lɔmukalu 12:2

Ài k'ài suma dunuɲakolu ma, mafɔ ài yi diɲa Ala y'ài miliya mafalin ka hangili kula di ài ma. Wo vɛ kɛla, ài kɛtɔ Ala sawo lɔnna, min keinyanin, ani min diyanin a yɛ, ani min dafanin.

Lɔmukalu 6:11

Wo boloɲa kelen ma, àilu gbu y'ài jɛlɛ jate iwo mɔɔ saninnu minu vɛ bɔ julumbu fanga kɔlɔ, ani mɔɔ minu yi niimaya kɛla Ala yɛ Masa Tɔɔmasenin Isa ya kafonɲɔɔya lɔ.

Lɔmukalu 6:19

Ǹe do yi kumala adamadenya bolo le ma ka bɛn ài falikolo ya fangandanya ma. Waate lɔ, ài n'ài falikolo fannu bilala kokɔsɔninnu ni seliyatiɲakolu ya jɔnya le lɔ, ka to a dɔ lala àiya koyonnu kɔkan kudein. Kɛɛ tandainɔ, fɔ ài y'ài falikolo fannu bɛ bila telenmandeya ya jɔnya lɔ ten ne, min laban yi sɛnɛyali le.

Lɔmukalu 6:2

Ɛnɛn dɛ! Julumbu ta fanfɛla lɔ, mɔ vɛ sa ka bɔ wo kɔlɔ. Wo lɔ saa, m'i se ka maa dunuɲalɔtɛɛ kɛ julumbutɔya lɔ di?

Lɔmukalu 6:22

Kɛɛ komi ài la vɛ fɛlɛ ka bɔ julumbu lɔ k'ài kɛ Ala ya jɔn ne butu, ài yi nafa min sɔlɔnna, wo le sɛnɛyali le min laban yi niimaya banbali le.

Lɔmukalu 6:4

Maa makoliko sabu la, mɔ su vɛ doon a fɛ ka kafon a kɔkan aa saya lɔ, fɔsa Masa Tɔɔmasenin lawulinin teme ka bɔ saya lɔ mɔ Fa Ala ya foniseleya lɔ, ǹu fana yi taama niimaya kula lɔ ten ne.

Lɔmukalu 7:1

M̀ badenmalu, ǹ'i kumala ài yɛ iwo mɔɔ minu ka seliya lɔn. Ài k'a lɔn ko damanda mɔɔ y'a nii la, a yi seliya fanga kɔlɔ waate wo le lɔ dein, kɛlɛ?

Lɔmukalu 7:2

A misali kɛyine iwo moso fulunin ya ko. Damanda a kɛ́ y'a nii la, a yi seliya le le ko a kà bɔ a kɛ́ kun. Kɛɛ ni a kɛ́ ka sa, a la vɛ fɛlɛ ka bɔ seliya wo ma.

Lɔmukalu 7:4

M̀ badenmalu, wo boloɲa kelen ma, àilu gbu vɛ sa seliya ta fannɔ ka bɛn maa kafonɲɔɔya ma Masa Tɔɔmasenin falikolo kɔkan, fɔsa ài yi kɛ a dɔgbɛlɛ ta le, min lawulinin ka bɔ saya lɔ, fɔsa mɔ la yi sawati Ala yɛ.

2 Kolɛntikalu 3:6

Ale le na see dila mɔ ma ka mɔ kɛ bɔidennu le aa salatikan kula ya ko lɔ. Salatikan kula wo ma bɔ seliya sɛvɛnin nɔ, mafɔ Nii Sɛnɛyanin. Kamasɔlɔn seliya sɛvɛnin yi saya le lasena mɔɔlu ma, kɛɛ Nii Sɛnɛyanin yi niimaya le dila.

2 Kolɛntikalu 5:17

Ni mɔɔ min ka kɛ Masa Tɔɔmasenin ya kafonɲɔɔya lɔ, wo tii vɛ kɛ dannifen kula le. Ko kɔlɔlu vɛ tunun, ado ko kulalu le yi je butu.

Galatiyakalu 3:13

Masa Tɔɔmasenin ka mɔ kunmaka ka mɔ bɔ seliya ya daan kɔlɔ, kamasɔlɔn a k'a jɛlɛ bila daan kɔlɔ maa ko le lɔ, iwo a sɛvɛnin teme kitabu kɔnɔ, ko: «Mɔɔ mɔɔ si su dɛnnin kɔlɔman na, wo tii daanyine.»

Galatiyakalu 6:15

Kɛnɛkɛko ni kɛnɛkɛbaliya do tɛ jatela ko le. Min yi jatela ko le, wo le ka kɛ dannifen kula le Ala bolo.

Ɛfɛsikalu 4:24

ani ka dajoo kula ta, Ala na min ladanna a jɛlɛkanu sawula lɔ telenmandeya ni sɛnɛya boloma, minu yi sɔlɔnna tuɲa sabu la.

Filipikalu 3:3

Ǹu koni yi mɔɔ makɛnɛkɛnin bɛlɛbɛlɛ le le, ǹu minu yi Ala batola ka bɛn a Nii Sɛnɛyanin ma, ka mɔ ɲalɔkɛnɛya Masa Tɔɔmasenin Isa ya kafonɲɔɔya lɔ, ani ǹu minu bolomalanin tɛ mɔ jɛlɛkanu falikolo ya kolu ma.

Kɔlɔsikalu 3:10

Ài do vɛ dajoo kula ta, min ma yi falinna kudein ka kɛ a kula le, fɔsa ài yi wo lɔn bɛlɛbɛlɛ kɛ min na a ladanna a jɛlɛkanu sawula lɔ.