Lɔmukalu 7:24 - Ala Ya Salatikan Kula Kitabu

²⁴ Ǹ'i mɔɔ maɲumanin ne le feu! Jene kɛtɔ ǹ lafɛlɛla ka m̀ bɔ falikolo min nɔ, min yi saya lanala m̀ ma?

Lɔmukalu 7:24 ပူးပေါင်းရင်းမြစ်များ

Matiyu 5:4

Duwawuden ne mɔɔ josomakasaninnu le, kamasɔlɔn Ala kɛtɔ ai josolajiila.

Matiyu 5:6

Duwawuden ne mɔɔ wolu le, kɔɔn ni minkɛlɔɔ yi minu la ka bɛn telenmandeya lataamanko ma, kamasɔlɔn Ala kɛtɔ ai lawasala.

Luka 4:18

«Mɔ Tii Nii Sɛnɛyanin yi ǹ kɔkan, kamasɔlɔn a na ǹ tala Samakan Kein lasenko lɔ fandannilu ma. A do na ǹ kelayala ko ǹ'a fɔ kasodennu yɛ ko ai la vɛ bila, k'a fɔ ɲagbɛlu yɛ ko ai ɲa la vɛ ka, k'a fɔ mɔɔ tɔlɔninnu yɛ ko ai la vɛ fɛlɛ ka bɔ ai tɔlɔyabalu bolo,

Lɔmukalu 6:6

Mɔ do k'a lɔn ko mɔ dajoo kɔlɔ gbaanyine kɔlɔman ma Isa fɛ, fɔsa julumbu min tɛɛ mɔ dajoo kɔlɔ lɔ, wo fanga yi ban ani mɔ kana to julumbu ya jɔnya lɔ butu.

Lɔmukalu 8:13

Kamasɔlɔn ni ài vɛ kɛla taamana ka bɛn ài falikolo ladiyanankolu ma, ài yi sale feu. Kɛɛ ni ài do k'ài falikolo ya koyonnu lɔsa Nii Sɛnɛyanin sabu la, ài yi niimaya sɔlɔnne.

Lɔmukalu 8:2

Kamasɔlɔn Nii Sɛnɛyanin ya seliya min yi niimaya dila Masa Tɔɔmasenin Isa ya kafonɲɔɔya lɔ, wo vɛ ǹ lafɛlɛ ka m̀ bɔ julumbu ni saya ya seliya kɔlɔ.

Lɔmukalu 8:23

A do dan tɛ dannifen wolu kelen ne, mafɔ ǹu minu vɛ Nii Sɛnɛyanin sɔlɔn iwo sɛnɛfen den kunfɔlɔ. M'i mɔ wunɛla mɔ kɔnɔ ka to lon wo makɔnɔna, Ala kɛtɔ mɔ kɛla a jɛlɛkanu dennu le lon min na, ka mɔ falikolo kunmaka tɛtɛ.

Lɔmukalu 8:26

Wo boloɲa kelen ma, Nii Sɛnɛyanin yi mɔ madɛmɛnna maa fangandanya lɔ. Kamasɔlɔn mɔ m'a lɔn m'i Ala dali ko minu la, kɛɛ Nii Sɛnɛyanin gbu le yi mɔ masolonali minala Ala ma wunɛ boloma, min tɛ kumafɔ talu le.

Kɔlɔsikalu 2:11

Ài vɛ jii kɛnɛ lɔ aa kafonɲɔɔya lɔ, kɛɛ ài makɛnɛkɛko tɛ mɔɔnivin bolonɔ le, mafɔ Masa Tɔɔmasenin nɔ, min n'ài lafɛlɛla k'ài bɔ ài falikolo ladiyanankolu ya fanga kɔlɔ.

2 Timote 4:18

Tuɲa le, mɔ Tii kɛtɔ ǹ lakisila ka m̀ bɔ koyon suu bɛ ma, ka ǹ lakananin ladon aa masaya lɔ haijɛnɛ. Magbiliyali yi ale le yɛ waate bɛ ani habadan. Amiina.

Tite 2:14

Ale le n'a jɛlɛ dila maa ko lɔ, fɔsa a yi mɔ kunmaka ka mɔ bɔ maa kɔnɔlɔgbeya bɛ lɔ, ani ka mɔɔlu lasɛnɛya a jɛlɛ yɛ minu sɛmɛdonnin kɛko ɲumalu ma.

Hebululu 2:15

ani ka mɔɔlu lafɛlɛ minu tɛɛ vɛ aiya dunuɲalɔtɛɛ bɛ kɛ jɔnya lɔ ka bɛn saya ɲasiyanɲɛ ma.

Ko Lankɛnɛmayanin 21:4

A do kɛtɔ ai ɲaji bɛ tɛla. Saya tɛnala kɛla je butu, kumatɛ josomakasa ni kasi ni dimin ma, kamasɔlɔn ko kɔlɔlu vɛ tunun.»