Lɔmukalu 7:23 - Ala Ya Salatikan Kula Kitabu

²³ Kɛɛ wo bɛ n'a kɛ, ǹ'i seliya dɔgbɛlɛ le yena baalela ǹ falikolo fannu lɔ, min yi ǹ kɛlɛla m̀ miliya lɔ ka bɛn seliya latelenko ma. Seliya wo vɛ ǹ kɛ julumbu ya jɔn ne le, min lasawatinin ǹ falikolo fannu lɔ.

Lɔmukalu 7:23 ပူးပေါင်းရင်းမြစ်များ

Lɔmukalu 6:13

Ài k'ài falikolo fan suu suu di julumbu ma k'a kɛ telenbaliyakokɛfen ne. Mafɔ, ài y'ài jɛlɛ di Ala ma iwo mɔɔ minu wulinin ka bɔ saya lɔ, k'ài falikolo fan bɛ don Ala bolo k'ai kɛ kolatelenninkɛfen ne.

Lɔmukalu 6:19

Ǹe do yi kumala adamadenya bolo le ma ka bɛn ài falikolo ya fangandanya ma. Waate lɔ, ài n'ài falikolo fannu bilala kokɔsɔninnu ni seliyatiɲakolu ya jɔnya le lɔ, ka to a dɔ lala àiya koyonnu kɔkan kudein. Kɛɛ tandainɔ, fɔ ài y'ài falikolo fannu bɛ bila telenmandeya ya jɔnya lɔ ten ne, min laban yi sɛnɛyali le.

Lɔmukalu 7:14

Mɔ k'a lɔn ko seliya bɔnin Ala le lɔ, kɛɛ ǹe do yi adamaden jɛlɛla le le min felenin ka kɛ julumbu ya jɔn ne.

Lɔmukalu 7:21

Ǹ'i seliya min yena baalela ǹ nɔ, wo le ne: Ni ǹ'a fɛ ka kokein kɛ, koyon ne yi nala ǹ ɲakɔlɔ.

Lɔmukalu 7:25

Tanuli yi Ala yɛ, ale min yi wo kɛla mɔ Tii Masa Tɔɔmasenin Isa sabu la. Ǹ'i boloɲa min ne ma butu: Ǹ'i Ala ya seliya ya jɔn ne le m̀ miliya lɔ, kɛɛ ǹ'i julumbu ya seliya ya jɔn ne le ǹ falikolo lɔ.

Lɔmukalu 7:5

Kamasɔlɔn mɔ tɛɛ taamana ka bɛn mɔ falikolo niikanukolu ma waate min nɔ, maa seliya lɔnko tɛɛ julumbuta lɔɔ le lawulila, ka mɔ falikolo fannu labaale kolu la minu laban yi saya le.

Lɔmukalu 8:2

Kamasɔlɔn Nii Sɛnɛyanin ya seliya min yi niimaya dila Masa Tɔɔmasenin Isa ya kafonɲɔɔya lɔ, wo vɛ ǹ lafɛlɛ ka m̀ bɔ julumbu ni saya ya seliya kɔlɔ.

Galatiyakalu 5:17

Kamasɔlɔn mɔ falikolo ladiyanankolu ni Nii Sɛnɛyanin diyanankolu tɛ bɛnna i ɲɔɔ ma. Ai do y'i ɲɔɔ kɛlɛla. Wo le y'a kɛla, ko min kɛ lɔɔ ài la, wo kɛ see tɛ ài yɛ.

Hebululu 12:4

Kamasɔlɔn ài m'ài lɔja ba ka julumbu kɛlɛ haan fɔɔ k'ài jeli bɔn.

Janguba 3:2

Mɔ bɛ le la yi filila ko siyama lɔ. Ni mɔɔ min tɛ filila a dalakan nɔ feu, wo tii yi mɔɔ dafanin ne le, min yi se a jɛlɛkanu falikolo makolola ko bɛ lɔ.

Janguba 4:1

Kɛlɛko ni sɔsɔyali minu y'ài tɛma, wolu bɔnin min ne? Jalasa wolu ma bɔ àiya niikanukolu le lɔ, minu y'ài kɛlɛla waate bɛ ài falikolo lɔ?

1 Piyɛli 2:11

Ǹ diyananmɔɔlu, komi kɔɔkanmɔɔ ni lona le ài le dunuɲa, wo lɔ, ǹ'a fɔla ài yɛ k'a magbeleya, ài y'ài ban ài falikolo niikanukolu ma minu y'ài nunakili kɛlɛla.