Lɔmukalu 7:13 - Ala Ya Salatikan Kula Kitabu

¹³ Jalasa wo kɔlɔ le ko kokein ne na saya lanala m̀ ma? Wo tɛ dɛ! Julumbu le kɛnin wo sabu le, kamasɔlɔn a na seliya kein wo le labaalela ka saya lana m̀ ma, fɔsa julumbu kɛɲa gbugbu la yi nkɛnɛmaya. Ado ka bɛn jamali ma, julumbu ya kɛwonya yi jiya le la bɛlɛbɛlɛ kɛ.

Lɔmukalu 7:13 ပူးပေါင်းရင်းမြစ်များ

Matiyu 28:8

Wo lɔ, mosolu vɛ bɔla kabulu dala telemanin. Ai tɛɛ siyanna, kɛɛ sawa ba tɛɛ ai josokun nɔ. Ai do ka bɔli ka taa wo lase Isa kɔbiladennu ma.

Luka 20:16

A kɛtɔ nala ka gbelekunnasiiba wolu halaki, ka ban ka gbele kalifa mɔɔ gbɛlɛlu la.» Wo mɛn mɔɔlu bolo, ai do vɛɛ: «Ala mɔ talan wo ma!»

Lɔmukalu 5:20

Nabi Musa ya seliya la ka jii fɔsa maa julumbu dɔ yi to lala a kɔkan. Kɛɛ julumbu ka wala ɲa o ɲa ma, Ala ya nɛɛma walayine ka timin wo la feu.

Lɔmukalu 8:3

Ka bɛn mɔ falikolo ya fangandanya ma, Nabi Musa ya seliya tɛɛ ma se ko min kɛla mɔ yɛ, Ala gbu le na wo kɛla. A na a jɛlɛkanu Denkɛ lanala dunuɲa adamaden julumbutɔlu sawula lɔ, fɔsa a tɛɛ julumbu fanga tiɲa ale jɛlɛ falikolo ya salaka le.

Galatiyakalu 3:21

A yi di wo lɔ? Jalasa seliya nanin Ala ya lahedilu le kanma? Wo tɛ dɛ! Ni seliya dɔ tɛɛ vɛ dila min tɛɛ se niimaya dila, wo vɛ kɛla, telenmandeya tɛɛ sɔlɔnne ka bɛn seliya labatoko ma.