Lɔmukalu 7:1 - Ala Ya Salatikan Kula Kitabu

¹ M̀ badenmalu, ǹ'i kumala ài yɛ iwo mɔɔ minu ka seliya lɔn. Ài k'a lɔn ko damanda mɔɔ y'a nii la, a yi seliya fanga kɔlɔ waate wo le lɔ dein, kɛlɛ?

Lɔmukalu 7:1 ပူးပေါင်းရင်းမြစ်များ

Lɔmukalu 1:13

M̀ badenmalu, ǹ'a fɛ ài y'a lɔn ko m̀'ɛ a latɛɛ siɲa siyama le ko ǹ natɔ ài fɛlɔ, kɛɛ m̀ ma siya sɔlɔn ba bene hali bi. Ǹ'a fɛ ǹ'i na fɔsa àilu fana yi ǹa baale nafa dɔ sɔlɔn, iwo siboloma gbɛlɛ mɔɔ tɔlu na a nafa sɔlɔnna teme.

Lɔmukalu 10:1

M̀ badenmalu, a lɔɔ yi ǹ na bɛlɛbɛlɛ kɛ ani ǹ'i Ala dalila fɔsa ǹ jɛlɛkanu mɔɔlu la yi kisi.

Lɔmukalu 10:4

Kamasɔlɔn Masa Tɔɔmasenin vɛ seliya dafa, fɔsa a malimaniyamɔɔlu bɛ yi kɛ telenmande le Ala ɲakɔlɔ.

Lɔmukalu 6:14

Wo ma, julumbu tɛnala fanga sɔlɔnna ài ma butu, kamasɔlɔn ài tɛ seliya kɔlɔ butu, mafɔ Ala ya nɛɛma.

Lɔmukalu 6:3

Ài m'a lɔn ko ǹu minu vɛ makoli masɔlɔn ka mɔ ladon Masa Tɔɔmasenin Isa ya kafonɲɔɔya lɔ, mɔ kafonnin a kɔkan aa saya lɔ fana?

Lɔmukalu 7:6

Kɛɛ tandainɔ, mɔ la vɛ fɛlɛ ka bɔ seliya fanga kɔlɔ, kamasɔlɔn ko min na mɔ kɛla jɔn ne, mɔ vɛ sa ka bɔ wo ya jɔnya kɔlɔ. Wo le y'a kɛ, m'i se ka baale kɛ Ala yɛ Nii Sɛnɛyanin ya siya kula kɔkan, siya kɔlɔ mangan tɛ min sɛvɛnin.

Lɔmukalu 9:3

ka bɛn ǹa mɔɔlu ma, ǹ jɛlɛkanu siboloma koni. Kamasɔlɔn hali ni ǹ tɛɛ kɛ Ala ya daan kɔlɔ ani ka falan Masa Tɔɔmasenin ya kafonɲɔɔya la ai lakisiko lɔ, ǹ tɛɛ diɲale wo ma.

1 Kolɛntikalu 9:8

Ài y'ài milila ko ǹ'i adamaden miliya le fɔla dein? Seliya kitabu fana ma wo le fɔ?

Galatiyakalu 4:21

Àilu minu y'a fɛ ka to Nabi Musa ya seliya kɔlɔ, ǹ'a fɛ k'ài maɲininga ko dɔ ma. Seliya kitabu yi min fɔla, ài tɛ wo mɛnna?