Lɔmukalu 6:3 - Ala Ya Salatikan Kula Kitabu

³ Ài m'a lɔn ko ǹu minu vɛ makoli masɔlɔn ka mɔ ladon Masa Tɔɔmasenin Isa ya kafonɲɔɔya lɔ, mɔ kafonnin a kɔkan aa saya lɔ fana?

Lɔmukalu 6:3 ပူးပေါင်းရင်းမြစ်များ

Matiyu 28:19

Wo lɔ saa, ài yi taa siboloma bɛ kɛ ǹ kɔbiladen ne, k'ai mako ji kɔlɔ Fa Ala, ni a Denkɛ, ani Nii Sɛnɛyanin tɔɔ lɔ,

Kɛkolu 19:5

Wo mɛn ai bolo, ai ka makoli sɔlɔn mɔ Tii Isa tɔɔ lɔ.

Kɛkolu 2:38

Piyɛli do vɛɛ ai yɛ: «Ài y'ài dajoo mafalin, ado ài kelenkelenna bɛ yi makoli sɔlɔn Masa Tɔɔmasenin Isa tɔɔ lɔ, fɔsa àiya julumbulu lɔ yi koto. Wo vɛ kɛla, ài kɛtɔ Ala ya sɔli sɔlɔnna, min kɛnin Nii Sɛnɛyanin ne.

Kɛkolu 8:16

Kamasɔlɔn Nii Sɛnɛyanin tɛɛ ma jii ba bene ai suu suu kɔkan, kɛɛ ai tɛɛ vɛ makoli le sɔlɔn mɔ Tii Isa tɔɔ lɔ dein.

Lɔmukalu 6:16

Ài m'a lɔn ni ài k'ài jɛlɛ di mɔɔ min ma iwo jɔn k'a kumakan labato, wo vɛ kɛla, ài vɛ kɛ wo tii ma ya jɔn ne? Ni ài vɛ kɛla jɔnya lɔ julumbu bolo, wo laban yi saya le le. Ni ài do vɛ kɛla jɔnya lɔ Ala bolo k'a kumakan labato, wo laban yi telenmandeya le le.

Lɔmukalu 6:8

Komi ǹu ni Masa Tɔɔmasenin vɛ sa i ɲɔɔ fɛ, wo ma, mɔ limaniyayine ko ale ni ǹu kɛtɔ niimaya kɛla i ɲɔɔ fɛ fana.

Lɔmukalu 7:1

M̀ badenmalu, ǹ'i kumala ài yɛ iwo mɔɔ minu ka seliya lɔn. Ài k'a lɔn ko damanda mɔɔ y'a nii la, a yi seliya fanga kɔlɔ waate wo le lɔ dein, kɛlɛ?

1 Kolɛntikalu 10:2

Ai bɛ ka makoli sɔlɔn sanbiliya ni kɔɔji lɔ ka don Nabi Musa ya kafonɲɔɔya lɔ.

1 Kolɛntikalu 12:13

Kamasɔlɔn mɔ bɛ makonin Nii Sɛnɛyanin kelen ne bolo ka mɔ kɛ falikolo kelen ne. Wo le y'a ma, i ka kɛ Jahudiya le o, i ka kɛ siboloma gbɛlɛ le o, i ka kɛ jɔn ne o, i ka kɛ mɔɔ lafɛlɛnin ne o, mɔ bɛ laminnin Nii Sɛnɛyanin kelen ne le.

1 Kolɛntikalu 15:29

Ni fulenilu lawuliko tɛ tuɲa le, mɔɔ minu yi makoli sɔlɔnna fulenilu ya ko lɔ, wolu yi mindɛ le ɲininna? Ni fulenilu la tɛnala wulila ka bɔ saya lɔ, mindɛ lɔ mɔɔlu yi makoli sɔlɔnna ka bɛn fulenilu ma?

1 Kolɛntikalu 3:16

Ài m'a lɔn ba bene ko Ala ya lɔhɔlɔmabon ne ài le, ani Ala Nii Sɛnɛyanin makɛnin àilu le kɔnɔ?

1 Kolɛntikalu 5:6

Àiya wasoko bɛnnin tɛ. Ài m'a lɔn ko sɛɛ pitinin ne yi buludɛɛ lakunnin bɛ lafununna?

1 Kolɛntikalu 6:19

Ài m'a lɔn ko ài falikolo kɛnin Nii Sɛnɛyanin ya lɔhɔlɔmabon ne le? Nii Sɛnɛyanin min y'ài josokun nɔ, ài na wo sɔlɔnna Ala le fɛ. Ài do tɛ ài jɛlɛ ta le.

1 Kolɛntikalu 6:9

Ài m'a lɔn ko mɔɔ telenbalilu tɛnala donna Ala ya masaya lɔ? Ài k'ài jɛlɛ manɛɛ! Kanukɛbalu, joosɔbalu, jalonnu, kɛ́ minu y'ai lala ai kɛ́ ɲɔɔlu fɛ,

1 Kolɛntikalu 9:13

Ài m'a lɔn ko mɔɔ minu yi baale kɛla lɔhɔlɔmabonba la, wolu ya balo yi bɔla je le? Ài m'a lɔn fana ko mɔɔ minu yi baalela salakagbalan kɔkan, wolu y'ai ta nii sɔlɔnna salaka wolu le lɔ?

1 Kolɛntikalu 9:24

Ài k'a lɔn ne ko mɔɔ minu yi bɔli kɛla i ɲɔɔ fɛ, wolu bɛ le yi bɔlila, kɛɛ ai lɔ mɔɔ kelen ne yi jazali sɔlɔnna, kɛlɛ? Àilu fana yi bɔli ten fɔsa ài yi jazali sɔlɔn.

2 Kolɛntikalu 13:5

Ài y'ài jɛlɛ lakɔlɔsi k'a ye ni ài yi limaniya siya le kɔkan. Ài y'ài jɛlɛ lɔsuma. Jalasa ài m'a ɲaye ko Masa Tɔɔmasenin Isa y'ài tɛma? Mafɔ, ni a ka talan ài vɛ koli lɔsumani wo lɔ.

Galatiyakalu 3:27

Àilu minu vɛ makoli sɔlɔn ka don Masa Tɔɔmasenin ya kafonɲɔɔya lɔ, ài vɛ ài masili Masa Tɔɔmasenin kɛɲa la iwo faani.

Janguba 4:4

Àilu lanandeyabalilu! Ài m'a lɔn ko dunuɲa kanu yi nala Ala lagbeyaɲɛ le le? Wo lɔ, ni mɔɔ mɔɔ si y'a fɛ k'a jɛlɛ kɛ dunuɲa kanuba le, wo tii kɛtɔ a jɛlɛ kɛla Ala juu le le.

1 Piyɛli 3:21

Ji wo kɛnin makoli misali le le, min àilu fana lakisila yi ne. Wo tɛ nɔɔ bɔla mɔ falikolo ma, kɛɛ a yi jososɛnɛyanin daliko le le Ala la ka bɛn Masa Tɔɔmasenin Isa lawuliko ma ka bɔ saya lɔ,