Lɔmukalu 6:21 - Ala Ya Salatikan Kula Kitabu

²¹ Kɛɛ do, ài na nafa mindɛ le sɔlɔnna ài kɛko wolu la, minu maloya ài la bi? Kamasɔlɔn wolu laban yi saya le le.

Lɔmukalu 6:21 ပူးပေါင်းရင်းမြစ်များ

Lɔmukalu 1:32

Mɔɔ wolu k'a lɔn feu ko Ala na ko min latɛɛla telenmandeya bolo le ma ko mɔɔ minu yi ko suu wolu kɛla, wolu ni faali le kaannin. Kɛɛ wo bɛ n'a kɛ, ai yi ko wolu kɛla ka ban ka dɔlu fana sɛmɛdon ko suu wolu kɛko lɔ.

Lɔmukalu 5:12

Wo ma, julumbu donnin dunuɲa mɔɔ kelen ne sabu la, ado julumbu nanin saya le le. Wo le n'a kɛla, saya vɛ se mɔɔ bɛ ma, kamasɔlɔn bɛ vɛ kɛ julumbutɔ le.

Lɔmukalu 6:16

Ài m'a lɔn ni ài k'ài jɛlɛ di mɔɔ min ma iwo jɔn k'a kumakan labato, wo vɛ kɛla, ài vɛ kɛ wo tii ma ya jɔn ne? Ni ài vɛ kɛla jɔnya lɔ julumbu bolo, wo laban yi saya le le. Ni ài do vɛ kɛla jɔnya lɔ Ala bolo k'a kumakan labato, wo laban yi telenmandeya le le.

Lɔmukalu 6:23

Kamasɔlɔn julumbu sala le saya le, kɛɛ Ala ya sɔli yi niimaya banbali le le mɔ Tii Masa Tɔɔmasenin Isa ya kafonɲɔɔya lɔ.

Lɔmukalu 7:5

Kamasɔlɔn mɔ tɛɛ taamana ka bɛn mɔ falikolo niikanukolu ma waate min nɔ, maa seliya lɔnko tɛɛ julumbuta lɔɔ le lawulila, ka mɔ falikolo fannu labaale kolu la minu laban yi saya le.

Lɔmukalu 8:13

Kamasɔlɔn ni ài vɛ kɛla taamana ka bɛn ài falikolo ladiyanankolu ma, ài yi sale feu. Kɛɛ ni ài do k'ài falikolo ya koyonnu lɔsa Nii Sɛnɛyanin sabu la, ài yi niimaya sɔlɔnne.

Lɔmukalu 8:6

K'i nii la i falikolo ladiyanankolu kɔkan, wo laban yi saya le le. Kɛɛ k'i nii la Nii Sɛnɛyanin ladiyanankolu kɔkan, wo laban yi niimaya ni josolajii le le.

2 Kolɛntikalu 4:2

Ǹu koni v'i ban maloyakolu ma minu yi kɛla divi lɔ. Mɔ do tɛ gbanaya kɛla, kumatɛ ka Ala kumakan jɛlɛma. Mafɔ, m'i tuɲa le fɔla k'a lagbɛ, fɔsa bɛ y'a jate ai jɛlɛ kɔnɔ m'i mɔɔ suu min ne Ala ɲakɔlɔ.

2 Kolɛntikalu 7:11

Ko minu na kɛla ài la ka bɛn àiya josomakasi ma min latɛɛnin Ala bolo, ài y'a ye: àiya kumanɔbɔ, àiya josolakuna, àiya siyan, ài sɔnjako mɔ le, ani àiya koyon latɔn. Ài v'a jiya boloɲa bɛ ma ko ài sen tɛ koyon min nɔ.

Filipikalu 3:19

Mɔɔ wolu labantɔ halaki le ma. Aiya noomaya le ai tii le. Ai y'ai jɛlɛ matɔɔla ka bɛn ai lamaloyakolu le ma, ado ai nii lanin dunuɲakolu le kɔkan.

Hebululu 10:29

Ni wo le, jangata suu mindɛ le kɛtɔ wo mɔɔ masɔlɔnna min na Ala Denkɛ lafeyala, ka jɔmaya kɛ Salatikan Kula jeli la min n'a lasɛnɛyala, ani ka Nii Sɛnɛyanin jɛvɛ, nɛɛma sɔlɔnnin min fɛ?

Hebululu 6:8

Ni do bin woninma ni tazan gbaanzan ka fɛlɛn duu wo kɔkan, nafa tɛ kɛ a la butu. Wo lɔ, a yi halaki bolo le ma, a laban ne k'a ɲɛnin.

Janguba 1:15

Ado niikanuko vɛ kɔnɔ tala, a yi moila julumbu le la. Julumbu do vɛ buɲala, a yi moila saya le la.

Janguba 5:20

wo vɛ kɛla, ài y'a lɔn ko mɔɔ min n'a labɔla aa lafilili siya kɔkan, wo tii vɛ julumbutɔ wo nii lakisi ka bɔ saya ma. A do vɛ kɛ sabu le, julumbu siyama lɔ vɛ koto.

1 Piyɛli 4:17

Kiti waate vɛ se, a do daminatɔ Ala ya bonnamɔɔlu le ma. Ni a daminatɔ ǹu gbu le ma, wo vɛ kɛla, mɔɔ wolu ya ko labantɔ di minu yi kolobaliya kɛla Ala ya Samakan Kein na?

1 Yohana 2:28

Wo lɔ saa, dennilu, ài yi to Masa Tɔɔmasenin ya kafonɲɔɔya lɔ, fɔsa a la vɛ nkɛnɛmayala lon min na, lanaya yi kɛ mɔ josokun nɔ, ani mɔ kana mɔ majaanya a la maloya boloma.

Ko Lankɛnɛmayanin 16:6

Kamasɔlɔn mɔɔ minu na iya mumininnu ni kelalu jeli bɔnna, i vɛ ai lamin jeli le iwo a bɛnnin ai ma teme.»

Ko Lankɛnɛmayanin 20:14

Wo kɔ, Saya ni Laikila la ka fili taa diɲa ba lɔ. Taa diɲa ba wo le saya filana le.