Lɔmukalu 6:19 - Ala Ya Salatikan Kula Kitabu

¹⁹ Ǹe do yi kumala adamadenya bolo le ma ka bɛn ài falikolo ya fangandanya ma. Waate lɔ, ài n'ài falikolo fannu bilala kokɔsɔninnu ni seliyatiɲakolu ya jɔnya le lɔ, ka to a dɔ lala àiya koyonnu kɔkan kudein. Kɛɛ tandainɔ, fɔ ài y'ài falikolo fannu bɛ bila telenmandeya ya jɔnya lɔ ten ne, min laban yi sɛnɛyali le.

Lɔmukalu 6:19 ပူးပေါင်းရင်းမြစ်များ

Matiyu 4:23

Isa tɛɛ Galile koovi fan bɛ lɔtaamana, a vɛ mɔɔlu kalanna aiya Aladalibonnu la, ka Samakan Kein lase ka bɛn Ala ya masaya ma, ani ka mɔɔlu lakɛnɛya k'ai bɔ aiya jangalo ni tɔlɔya suu bɛ lɔ.

Lɔmukalu 15:1

Ǹu minu sawatinin limaniya lɔ, mɔ ka kan ka mɔ bolo sii dɔlu kɔlɔ minu ya limaniya dɔɔyanin, jani m'i gbala mɔ jɛlɛkanu diyanankolu le dein.

Lɔmukalu 3:5

Kɛɛ ni maa telenbaliya vɛ kɛla sabu le ka Ala ya telenmandeya lagbɛ, m'i mindɛ le fɔ wo lɔ? Jalasa ǹ'i kuma mɔɔnivinya boloma k'a fɔ ko jo tɛ Ala bolo ka aa mɔnɛya lajii mɔ kanma?

Lɔmukalu 6:13

Ài k'ài falikolo fan suu suu di julumbu ma k'a kɛ telenbaliyakokɛfen ne. Mafɔ, ài y'ài jɛlɛ di Ala ma iwo mɔɔ minu wulinin ka bɔ saya lɔ, k'ài falikolo fan bɛ don Ala bolo k'ai kɛ kolatelenninkɛfen ne.

Lɔmukalu 7:23

Kɛɛ wo bɛ n'a kɛ, ǹ'i seliya dɔgbɛlɛ le yena baalela ǹ falikolo fannu lɔ, min yi ǹ kɛlɛla m̀ miliya lɔ ka bɛn seliya latelenko ma. Seliya wo vɛ ǹ kɛ julumbu ya jɔn ne le, min lasawatinin ǹ falikolo fannu lɔ.

Lɔmukalu 8:26

Wo boloɲa kelen ma, Nii Sɛnɛyanin yi mɔ madɛmɛnna maa fangandanya lɔ. Kamasɔlɔn mɔ m'a lɔn m'i Ala dali ko minu la, kɛɛ Nii Sɛnɛyanin gbu le yi mɔ masolonali minala Ala ma wunɛ boloma, min tɛ kumafɔ talu le.

1 Kolɛntikalu 5:6

Àiya wasoko bɛnnin tɛ. Ài m'a lɔn ko sɛɛ pitinin ne yi buludɛɛ lakunnin bɛ lafununna?

1 Kolɛntikalu 6:11

Waate lɔ, ài dɔlu tɛɛ ten ne sɔ. Kɛɛ ài ma vɛ ko, ài la vɛ sɛnɛya, ani ài vɛ bila ài ta fan Ala yɛ, k'ài jate telenmandelu le Ala ɲakɔlɔ ka bɛn mɔ Tii Masa Tɔɔmasenin Isa tɔɔ ma, ani mɔ Tii Ala Nii Sɛnɛyanin.

1 Kolɛntikalu 9:8

Ài y'ài milila ko ǹ'i adamaden miliya le fɔla dein? Seliya kitabu fana ma wo le fɔ?

Galatiyakalu 3:15

M̀ badenmalu, ǹ'a fɛ ka misali di ka bɛn maa laanalu le ma. Ni mɔɔ dɔ ka salatikan sɛvɛ ladan k'a to a kɔ, mɔɔ gbɛlɛ tɛ se wo tiɲala, kumatɛ k'a dɔ la wo kɔkan.

Hebululu 12:15

Ài y'ài jando ài jɛlɛ lɔ, fɔsa mɔɔ suu suu kana fo Ala ya nɛɛma la. Lilen yon kà fɛlɛn ài josokun nɔ min yi kɛ sabu le ka fitina lawuli mɔɔlu wotɛ ka mɔɔ siyama lakɔsɔ.

Hebululu 4:15

Kamasɔlɔn salakalase kuntiiba min tɛ se henala mɔ la maa fangandanya lɔ, wo suu tɛ mɔ bolo, mafɔ maa salakalase kuntiiba fana ma vɛ nɛɛ boloɲa suu bɛ dɔ ma iwo ǹu, kɛɛ a do ma julumbu ta.