Lɔmukalu 6:17 - Ala Ya Salatikan Kula Kitabu

¹⁷ M'i balika bɔla Ala yɛ, kamasɔlɔn àilu minu tɛɛ julumbu ya jɔn ne kɔlɔman ne, ài vɛ kalan min latelen ài josokun bɛ la, min dinin ai ma.

Lɔmukalu 6:17 ပူးပေါင်းရင်းမြစ်များ

Kɛkolu 11:18

Ai ka kuma wo mɛn mingɛ, ai k'aiya sɔsɔyali dabila ka Ala tanu, ai vɛɛ: «Tuɲa le, Ala vɛ diɲa a ma ko siboloma gbɛlɛ mɔɔlu fana y'ai dajoo mafalin, fɔsa ai yi niimaya sɔlɔn.»

Kɛkolu 28:15

Mɔ nako k'a fɔ Lɔmu limaniyamɔɔlu yɛ mingɛ, a dɔlu k'i wuli ka na mɔ labɛn Apiyusi Lɔɔfɛ lɔ. A dɔgbɛlɛlu ka na ka mɔ labɛn dingila dɔ lɔ, ai y'a fɔla tɛɛminja ma ko Lona Jiyabon Sawa. Pɔli ka wolu ye mingɛ, a ka balika bɔ Ala yɛ, a do sɛmɛ ka don.

Lɔmukalu 1:5

Ale le sabu la, Ala ya nɛɛma vɛ kɛ mɔ yɛ ka mɔ lasii keladenya la, min y'a kɛ sibolomalu bɛ yi limaniya Isa ma ka kolo a yɛ a tɔɔ buɲako lɔ.

Lɔmukalu 1:8

Ǹ'i balika bɔla ǹ Tii Ala yɛ kunfɔlɔ le bene ài bɛ ya ko lɔ Masa Tɔɔmasenin Isa fɛ, kamasɔlɔn àiya limaniyako la yi sena dunuɲa fan bɛ lɔ.

Lɔmukalu 15:18

Ado ǹ tɛnala m̀ wakalila ka ko ko fɔ, mafɔ Masa Tɔɔmasenin na minu kɛla ǹ nɔ ka siboloma gbɛlɛ mɔɔlu kolo Ala yɛ ǹ kumakan ni ǹ kɛkolu fɛ,

Lɔmukalu 16:26

kɛɛ a vɛ bɔ gbɛ la yi ne kelalu ya kitabulu fɛ. Ado ka bɛn Habadan Ala ya jamali ma, gbonoko min vɛ lɔn siboloma bɛ bolo, fɔsa ai yi kolo a yɛ limaniya boloma.

Lɔmukalu 2:8

Kɛɛ do, mɔɔ minu gbalanin ai jɛlɛ kunko le ani minu tɛ tuɲandeya labatola, mafɔ ka telenbaliya labato, Ala ya mɔnɛya ni aa josolakuna wulitɔ mɔɔ suu wolu le kanma.

1 Kolɛntikalu 1:4

Ǹ'i balika bɔla ǹ Tii Ala yɛ waate bɛ àiya ko lɔ ka bɛn aa nɛɛma ma, min dinin ài ma Masa Tɔɔmasenin Isa sabu la.

1 Kolɛntikalu 14:6

M̀ badenmalu, ni ǹ ka taa ài fɛlɔ ka kuma ài yɛ kan gbɛlɛlu lɔ, ài kɛtɔ nafa mindɛ sɔlɔnna wo la? Ǹ tɛnala ài nafala, ni m̀ ma Ala ya ko dɔ lankɛnɛmaya ài yɛ, niwotɛ ka lɔnni di ài ma, niwotɛ ka kelayakuma dɔ lase ài ma, niwotɛ k'ài kalan.

2 Kolɛntikalu 2:14

Kɛɛ ǹ'i balika bɔla Ala yɛ, min yi bilala mɔ ɲa kudein Masa Tɔɔmasenin ya seesɔlɔn taama lɔ. A do yi baalela mɔ fɛ ka Masa Tɔɔmasenin lɔnko lajɛzɛn fan bɛ lɔ, iwo wusulan suma yi jɛzɛnna fan bɛ lɔ teme.

Ɛfɛsikalu 1:16

ǹ'i balika bɔla àiya ko lɔ kudein, m̀'ɛ kɛla Ala dalila ài yɛ.

1 Tɛsalonikakalu 3:9

Àiya ko vɛ mɔ kɔnɔlɔdiya bubale Ala ɲakɔlɔ, haan fɔɔ mɔ m'a lɔn m'i Ala balika bɔ teme.

2 Tɛsalonikakalu 1:3

Mɔ badenmalu, a bɛnyine m'i kɛ Ala balika bɔla waate bɛ àiya ko lɔ, kamasɔlɔn àiya limaniya yi wala kan bɛlɛbɛlɛ kɛ, a dɔ le yi lala àiya ɲɔɔkanu kɔkan kudein.

2 Timote 1:13

Ǹa misali ta ka bila kuma sɔvɛlu kɔ, i na minu mɛnna ǹ da, ka kɛ taamana limaniya ni kanundeya boloma Masa Tɔɔmasenin Isa ya kafonɲɔɔya lɔ.

Filemɔn 1:4

M̀ badenma Filemɔn, m̀'ɛ kɛla Ala dalila waate o waate, ǹ'i balika bɔla a yɛ ka bɛn i ma,

Hebululu 11:8

Nabi Ibulahima ya limaniya le na kɛla sabu le, Ala k'a kili waate min nɔ ko a yi taa jamana dɔ lɔ min natɔ kɛla a kɛɛ le kɔfɛ, a ka Ala kumakan labato. A do ka siya mina ka taa, k'a talan a tɛɛ ma a taaya lɔn.

Hebululu 5:9

Aa ko da ka fa mingɛ boloɲa min ma, a ka kɛ habadan kisiko sabu le a kannabatobalu bɛ yɛ,

1 Piyɛli 1:22

Komi ài vɛ ài jɛlɛ lasɛnɛya ka bɛn tuɲa labatoko ma, fɔsa ài yi se i ɲɔɔ kanula badenmaya ni josolɔgbɛya boloma, wo le y'a ma, ài y'ài ɲɔɔ kanu kosɛvɛ ài josokun bɛ le.

1 Piyɛli 2:9

Kɛɛ àilu do yi bɔzɔn ne le min tanin mɔɔlu tɛma, ani Masaba ya salakalasebalu, ani siboloma min bilanin a ta fan Ala yɛ, ani a jɛlɛkanu mɔɔ kulugbɛlɛnnu, fɔsa ài yi kɛ a kɛko ɲuma balu lasena, ale min n'ài kilila k'ài labɔ divi lɔ k'ài ladon aa kɛnɛya makawanin nɔ.

1 Piyɛli 3:1

Wo boloɲa kelen ma, àilu mosolu y'ài fanmajii ài kɛ́nu yɛ, fɔsa ni a dɔlu kolonin ma kɛ Ala kumakan yɛ, hali ni kuma ma fɔ ài bolo, ài taamaɲa yi kɛ sabu le k'ài kɛ́nu latube,

1 Piyɛli 4:17

Kiti waate vɛ se, a do daminatɔ Ala ya bonnamɔɔlu le ma. Ni a daminatɔ ǹu gbu le ma, wo vɛ kɛla, mɔɔ wolu ya ko labantɔ di minu yi kolobaliya kɛla Ala ya Samakan Kein na?

2 Yohana 1:4

M̀'ɛ sawa bubale, kamasɔlɔn ǹ na i den dɔlu talanna taamana tuɲandeya lɔ, iwo mɔ na jamali sɔlɔnna mɔ Fa la teme.

3 Yohana 1:3

Ǹ ka sawa bubale, mɔ badenma dɔlu ka na waate min nɔ ka seleya di ka bɛn i bolo kɛɲa ma tuɲa la, ani i taamaɲa ka bɛn tuɲandeya ma.