Lɔmukalu 6:13 - Ala Ya Salatikan Kula Kitabu

¹³ Ài k'ài falikolo fan suu suu di julumbu ma k'a kɛ telenbaliyakokɛfen ne. Mafɔ, ài y'ài jɛlɛ di Ala ma iwo mɔɔ minu wulinin ka bɔ saya lɔ, k'ài falikolo fan bɛ don Ala bolo k'ai kɛ kolatelenninkɛfen ne.

Lɔmukalu 6:13 ပူးပေါင်းရင်းမြစ်များ

Luka 15:24

kamasɔlɔn ǹ den min tɛɛ vɛ sa, kɛɛ a nii vɛ bila a lɔ kɔtunun. A tununnin tɛɛ, kɛɛ a vɛ ye butu.› Wo kɛ, ai ka tolon damina.

Luka 15:32

Kɛɛ a bɛnnin m'i tolon kɛ ka sawa, kamasɔlɔn i dɔɔni tɛɛ vɛ sa, kɛɛ a nii vɛ bila a lɔ kɔtunun. A tununnin tɛɛ, kɛɛ a vɛ ye butu.› »

Yohana 5:24

«Ǹ'i tuɲa fɔ ài yɛ, ni mɔɔ mɔɔ ka ǹ kumakan mɛn ka limaniya ǹ kelaba ma, niimaya banbali yi wo tii le yɛ. Kiti tɛnala bilala wo tii la, kɛɛ a do vɛ bɔ saya lɔ ka don niimaya lɔ.

Lɔmukalu 1:29

Ai josokun lafanin tɛɛ telenbaliyako suu bɛ dɔ la, ani koyon, ani natabaya, ani juuya, ani keleya, ani mɔɔfaako, ani mɔɔwotɛfalanko, ani janvandeya, ani kɔnɔlɔgbeya. Tɔɔfɔlikɛba le ai le,

Lɔmukalu 12:1

M̀ badenmalu, ǹ'ài madiyala ka bɛn Ala ya henandeya ba ma ài yɛ, ǹ ko, ài y'ài jɛlɛ di Ala ma iwo salaka ɲɛnɛma, Ala a bolo siila salaka sɛnɛyanin min suu kɔlɔ. Wo do yi batokɛɲa bɛlɛbɛlɛ le le, ài ka kan ka min kɛ.

Lɔmukalu 6:11

Wo boloɲa kelen ma, àilu gbu y'ài jɛlɛ jate iwo mɔɔ saninnu minu vɛ bɔ julumbu fanga kɔlɔ, ani mɔɔ minu yi niimaya kɛla Ala yɛ Masa Tɔɔmasenin Isa ya kafonɲɔɔya lɔ.

Lɔmukalu 6:16

Ài m'a lɔn ni ài k'ài jɛlɛ di mɔɔ min ma iwo jɔn k'a kumakan labato, wo vɛ kɛla, ài vɛ kɛ wo tii ma ya jɔn ne? Ni ài vɛ kɛla jɔnya lɔ julumbu bolo, wo laban yi saya le le. Ni ài do vɛ kɛla jɔnya lɔ Ala bolo k'a kumakan labato, wo laban yi telenmandeya le le.

Lɔmukalu 6:19

Ǹe do yi kumala adamadenya bolo le ma ka bɛn ài falikolo ya fangandanya ma. Waate lɔ, ài n'ài falikolo fannu bilala kokɔsɔninnu ni seliyatiɲakolu ya jɔnya le lɔ, ka to a dɔ lala àiya koyonnu kɔkan kudein. Kɛɛ tandainɔ, fɔ ài y'ài falikolo fannu bɛ bila telenmandeya ya jɔnya lɔ ten ne, min laban yi sɛnɛyali le.

Lɔmukalu 7:23

Kɛɛ wo bɛ n'a kɛ, ǹ'i seliya dɔgbɛlɛ le yena baalela ǹ falikolo fannu lɔ, min yi ǹ kɛlɛla m̀ miliya lɔ ka bɛn seliya latelenko ma. Seliya wo vɛ ǹ kɛ julumbu ya jɔn ne le, min lasawatinin ǹ falikolo fannu lɔ.

Lɔmukalu 7:5

Kamasɔlɔn mɔ tɛɛ taamana ka bɛn mɔ falikolo niikanukolu ma waate min nɔ, maa seliya lɔnko tɛɛ julumbuta lɔɔ le lawulila, ka mɔ falikolo fannu labaale kolu la minu laban yi saya le.

1 Kolɛntikalu 6:15

Ài m'a lɔn ko ài falikolo yi Masa Tɔɔmasenin falikolo fan dɔ le le? Jalasa ǹ'i Masa Tɔɔmasenin falikolo fan dɔ ta ka wo kafon sungulunba kɔkan? Wo tɛ bɛn feu!

1 Kolɛntikalu 6:20

Ala vɛ ban ài kunmaka sala dila. Wo ma, ài yi Ala magbiliya ài falikolo le.

1 Kolɛntikalu 6:9

Ài m'a lɔn ko mɔɔ telenbalilu tɛnala donna Ala ya masaya lɔ? Ài k'ài jɛlɛ manɛɛ! Kanukɛbalu, joosɔbalu, jalonnu, kɛ́ minu y'ai lala ai kɛ́ ɲɔɔlu fɛ,

2 Kolɛntikalu 10:4

Kamasɔlɔn maa kɛlɛkɛfennu tɛ dunuɲa ta ɲɔɔzii le, mafɔ Ala ya kɛlɛkɛfen fangamalu, see yi minu yɛ ka kɛlɛkunkɔlɔbɛn jiinnu laben,

2 Kolɛntikalu 5:14

Kamasɔlɔn Masa Tɔɔmasenin ya kanundeya le yi mɔ lamalala. Mɔ do v'a ɲaye ko kɛ́ kelen ne sanin bɛ ya ko lɔ. Wo ma, bɛ fɛ y'aa saya la.

2 Kolɛntikalu 5:15

A do sanin bɛ le ya ko lɔ, fɔsa mɔɔ minu y'ai nii la, wolu kana ai jɛlɛkanu siya lataama butu, mafɔ Masa Tɔɔmasenin ya siya, ale min sanin aiya ko lɔ k'a wuli kɔtunun.

2 Kolɛntikalu 8:5

Ado mɔ jii tɛɛ min ma, ai n'a kɛla ka timin wo la. Ai do n'ai jɛlɛ dila mɔ Tii ma kunfɔlɔ le, k'ai jɛlɛ di ǹu fana ma ka bɛn Ala sawo ma.

Ɛfɛsikalu 2:5

Wo ma, hali mɔ sanin tɛɛ kɛ ka bɛn maa hakɛlu ma, Ala na niimaya dila mɔ ni Masa Tɔɔmasenin ma kelen ne. Ài do kisinin ka bɛn Ala ya nɛɛma le ma.

Ɛfɛsikalu 5:14

Ado ko ko la vɛ bɔla gbesekele, wo yi kɛnɛya le lɔ. Wo le y'a kɛla, ai y'a fɔla, ko: «Ile sunɔɔbatɔ, kunun! I wuli, i yi bɔ fulenilu tɛma, ado Masa Tɔɔmasenin kɛtɔ aa kɛnɛya labɔla i yɛ.»

Filipikalu 1:20

Ǹ jii y'a ma le bubale ko foi tɛnala kɛla ǹa maloyako le, mafɔ m̀ wakalinin totɔ feu tandainɔ ani waate bɛ, fɔsa ǹ'i Masa Tɔɔmasenin buɲa ǹ falikolo bɛ le, ǹa niimaya lɔ, niwotɛ ǹa saya lɔ.

Kɔlɔsikalu 2:13

Waate lɔ, ài sayine tɛɛ ka bɛn àiya julumbulu ma, ani ài dajoo kɔlɔlu, ài tɛɛ minu la àiya kɛnɛkɛbaliya waate lɔ. Kɛɛ tandainɔ, Ala vɛ niimaya di àilu ni Masa Tɔɔmasenin ma kelen ne, ka maa julumbulu lɔkoto.

Kɔlɔsikalu 3:5

Wo ma, àiya dunuɲa dajoo kɔlɔlu minu y'ài lɔsunna koyonkɛ kanma, ài yi wolu lɔsa: kanukɛko, kokɔsɔninnu, niikanuko, miliya yon, ani natabaya (min taanin kɛla joo batoko suu dɔ le).

2 Tɛsalonikakalu 2:12

ka wo kɛ ai bɛ latɔn sabu le, ailu minu ma la tuɲa la, mafɔ ka telenbaliyako ladiyaɲɛ.

2 Timote 2:15

I i lɔja ka kɛ baaleden ne, Ala diɲanin min ya baale ma, maloya tɛ min na aa baaledalu lɔ, min yi mɔɔlu kalanna tuɲa kuma la kobɛn.

Janguba 4:1

Kɛlɛko ni sɔsɔyali minu y'ài tɛma, wolu bɔnin min ne? Jalasa wolu ma bɔ àiya niikanukolu le lɔ, minu y'ài kɛlɛla waate bɛ ài falikolo lɔ?

1 Piyɛli 2:24

Masa Tɔɔmasenin gbu le na maa julumbulu tala a jɛlɛkanu falikolo lɔ kɔlɔman ma, fɔsa m'i sa ka bɔ julumbu fanga kɔlɔ ka niimaya kɛ telenmandeya yɛ. Daa minu ka bɔ a falikolo ma, wo le na kɛnɛya lasena mɔ ma.

1 Piyɛli 4:2

Wo le y'a ma, a sɔnjanin tɛ adamaden niikanukolu le butu aa dunuɲalɔtɛɛ tɔ bɛ lɔ, mafɔ Ala sawonankolu.

1 Yohana 1:9

Kɛɛ ni mɔ ka mɔ dalabɔ maa julumbulu le, Ala min yi lanande ni telenmande le, ale le kɛtɔ maa julumbulu lɔkotola ka mɔ lasɛnɛya ka maa telenbaliyako bɛ bɔ mɔ ma.