Lɔmukalu 5:8 - Ala Ya Salatikan Kula Kitabu

⁸ Kɛɛ Ala na aa kanundeya jiyala mɔ la teme, wo le ne: Ka mɔ to julumbutɔya boloma, Masa Tɔɔmasenin ka sa mɔ yɛ.

Lɔmukalu 5:8 ပူးပေါင်းရင်းမြစ်များ

Yohana 15:13

Ni mɔɔ dɔ v'a nii dila a tɔvalu ya ko lɔ, kanundeya suu suu tɛ timin wo la.

Yohana 3:16

Kamasɔlɔn Ala na dunuɲa kanula boloɲa min ne ma: A na a Denkɛ kelenpesa dila, fɔsa ni mɔɔ mɔɔ ka limaniya a ma, wo tii kana halaki, kɛɛ wo tii yi niimaya banbali sɔlɔn.

Lɔmukalu 3:5

Kɛɛ ni maa telenbaliya vɛ kɛla sabu le ka Ala ya telenmandeya lagbɛ, m'i mindɛ le fɔ wo lɔ? Jalasa ǹ'i kuma mɔɔnivinya boloma k'a fɔ ko jo tɛ Ala bolo ka aa mɔnɛya lajii mɔ kanma?

Lɔmukalu 4:25

Isa donnin tɛɛ saya bolo ka bɛn maa julumbulu le ma, ka ban k'i wuli kɔtunun fɔsa m'i jate telenmande le Ala ɲakɔlɔ.

Lɔmukalu 5:20

Nabi Musa ya seliya la ka jii fɔsa maa julumbu dɔ yi to lala a kɔkan. Kɛɛ julumbu ka wala ɲa o ɲa ma, Ala ya nɛɛma walayine ka timin wo la feu.

Lɔmukalu 5:6

A waate bɛlɛ ka se mingɛ, ka mɔ to fangandanya lɔ, Masa Tɔɔmasenin ka sa Alaɲasiyanɲɛbalilu yɛ.

Lɔmukalu 5:7

A gbeleyayine k'a fɔ ko mɔɔ dɔ yi diɲa saya ma mɔɔ telennin ya ko lɔ. Kɛɛ tumadɔ, dɔ tɛɛ a wakalile ka sa mɔɔ ɲuma ya ko lɔ.

Lɔmukalu 8:32

Ala min ma saya lagban a jɛlɛkanu Denkɛ kunna, mafɔ ka wo di mɔ bɛ ya ko lɔ, jalasa a tɛnala mɔ sɔla fen bɛ la fana?

Galatiyakalu 2:20

M̀'ɛ gbaan Masa Tɔɔmasenin fɛ kɔlɔman ma. Wo lɔ, ǹe gbu tɛ ǹ nii la butu, mafɔ Masa Tɔɔmasenin le a nii la ǹ nɔ. Ǹ'i ǹa dunuɲalɔtɛɛ min kɛla ǹ falikolo lɔ yi ne, ǹ'i wo kɛla ka bɛn limaniya le ma Ala Denkɛ ma, min na ǹ kanula k'a jɛlɛ di ǹa ko lɔ.

Ɛfɛsikalu 2:7

A vɛ ɲumaya min jiya mɔ la Masa Tɔɔmasenin Isa fɛ, fɔsa waate natɔlu lɔ mɔɔlu y'a lɔn ko aa nɛɛma buɲayine bubale.

Ɛfɛsikalu 5:2

ka taama kanundeya boloma iwo Masa Tɔɔmasenin na mɔ kanula teme, k'a jɛlɛ di maa ko lɔ, iwo salaka sumadiyanin min lasenin Ala ma.

1 Timote 1:16

Kɛɛ Ala na henala ǹ na dailu min ne la, fɔsa Masa Tɔɔmasenin Isa tɛɛ aa sawali dafanin jiya julumbutɔlu bɛ lɔ mɔɔ kɛwon na. A do na ǹ kɛla misali le mɔɔlu yɛ, minu kɛtɔ limaniyala a ma ka niimaya banbali sɔlɔn.

Hebululu 8:3

Komi salakalase kuntiiba kelenkelenna bɛ la yi siila niilifen ni kolofen salakabɔko le lɔ, wo lɔ, ale fana tɛɛ ka kan ka fen dɔ sɔlɔn, a yi min bɔ salaka le.

1 Piyɛli 3:18

Masa Tɔɔmasenin fana ka tɔlɔya masɔlɔn siɲa kelen ne le ka bɛn adamadennu ya julumbulu ma. Ale telenmande na sala mɔɔ telenbalilu ya ko lɔ, fɔsa a tɛɛ ài madon Ala la. A do falikolo ka saya masɔlɔn, kɛɛ a ka niimaya sɔlɔn kɔtunun Nii Sɛnɛyanin sabu la.

1 Yohana 3:16

Mɔ na kanundeya lɔnna min ne ma: Isa ka a nii di maa ko le lɔ. Wo le y'a ma, fɔ ǹu fana yi mɔ nii di mɔ badenmalu ya ko lɔ.