Lɔmukalu 5:6 - Ala Ya Salatikan Kula Kitabu

⁶ A waate bɛlɛ ka se mingɛ, ka mɔ to fangandanya lɔ, Masa Tɔɔmasenin ka sa Alaɲasiyanɲɛbalilu yɛ.

Lɔmukalu 5:6 ပူးပေါင်းရင်းမြစ်များ

Lɔmukalu 11:26

Wo boloɲa ma, Bani Isilanka bɛ kɛtɔ kisila, iwo a sɛvɛnin kitabu kɔnɔ teme, ko: «Lakisilikɛba kɛtɔ nala ka bɔ Ziyɔn. A do kɛtɔ Alalɔnbaliya dajoo kolon bɔla Janguba jilijaalu lɔ.

Lɔmukalu 4:25

Isa donnin tɛɛ saya bolo ka bɛn maa julumbulu le ma, ka ban k'i wuli kɔtunun fɔsa m'i jate telenmande le Ala ɲakɔlɔ.

Lɔmukalu 4:5

Kɛɛ ni mɔɔ min m'a bolomala a kɛkolu ma, mafɔ ka limaniya Ala ma min yi Alaɲasiyanɲɛbali jatela telenmande le, wo tii ma ya limaniya yi jatela telenmandeya le le Ala bolo.

Lɔmukalu 5:10

Ala juu le tɛɛ mɔ le, kɛɛ a na ale ni ǹu wotɛbɛnna a Denkɛ ya saya le fɛ. Komi mɔ wotɛ vɛ bɛn butu, a lagbɛyine feu ko mɔ kɛtɔ kisila a Denkɛ ya niimaya le fɛ.

Lɔmukalu 5:7

A gbeleyayine k'a fɔ ko mɔɔ dɔ yi diɲa saya ma mɔɔ telennin ya ko lɔ. Kɛɛ tumadɔ, dɔ tɛɛ a wakalile ka sa mɔɔ ɲuma ya ko lɔ.

Lɔmukalu 5:8

Kɛɛ Ala na aa kanundeya jiyala mɔ la teme, wo le ne: Ka mɔ to julumbutɔya boloma, Masa Tɔɔmasenin ka sa mɔ yɛ.

Lɔmukalu 8:32

Ala min ma saya lagban a jɛlɛkanu Denkɛ kunna, mafɔ ka wo di mɔ bɛ ya ko lɔ, jalasa a tɛnala mɔ sɔla fen bɛ la fana?

Lɔmukalu 8:34

Jene yi se ai jobaliyala? Kamasɔlɔn Masa Tɔɔmasenin Isa le na sala. K'a dɔ la wo kɔkan, a lawulinin ka bɔ saya lɔ. A do siinin Ala bolokini fannɔ, a vɛ mɔ masolonali minala Ala ma.

Galatiyakalu 2:20

M̀'ɛ gbaan Masa Tɔɔmasenin fɛ kɔlɔman ma. Wo lɔ, ǹe gbu tɛ ǹ nii la butu, mafɔ Masa Tɔɔmasenin le a nii la ǹ nɔ. Ǹ'i ǹa dunuɲalɔtɛɛ min kɛla ǹ falikolo lɔ yi ne, ǹ'i wo kɛla ka bɛn limaniya le ma Ala Denkɛ ma, min na ǹ kanula k'a jɛlɛ di ǹa ko lɔ.

Galatiyakalu 4:4

Kɛɛ Ala ya waate latɛɛnin ka se mingɛ, a ka a Denkɛ lana dunuɲa ka kɛ moso woloden ne, ka sɔlɔn seliya kɔlɔ,

Ɛfɛsikalu 5:2

ka taama kanundeya boloma iwo Masa Tɔɔmasenin na mɔ kanula teme, k'a jɛlɛ di maa ko lɔ, iwo salaka sumadiyanin min lasenin Ala ma.

Kɔlɔsikalu 2:13

Waate lɔ, ài sayine tɛɛ ka bɛn àiya julumbulu ma, ani ài dajoo kɔlɔlu, ài tɛɛ minu la àiya kɛnɛkɛbaliya waate lɔ. Kɛɛ tandainɔ, Ala vɛ niimaya di àilu ni Masa Tɔɔmasenin ma kelen ne, ka maa julumbulu lɔkoto.

1 Tɛsalonikakalu 5:9

Kamasɔlɔn Ala ma aa mɔnɛya latɛɛ mɔ ma, mafɔ ka kisili sɔlɔn mɔ Tii Masa Tɔɔmasenin Isa fɛ,

1 Timote 1:9

Mɔ v'a ɲaye kɔtunun ko seliya la ma jii telenmandelu ya ko lɔ, mafɔ seliya tiɲabalu, ani mɔɔ mulutunilu, ani Alaɲasiyanɲɛbalilu, ani julumbutɔlu, ani Alabuɲabalilu, ani mɔɔ minu yi Ala jɛvɛla, ani mɔɔfaabalu, ani mɔɔ minu y'ai fanu ni ai banu faala,

Tite 2:12

Nɛɛma wo yi mɔ kalanna le ko, m'i Alabuɲabaliya to je, k'i ban dunuɲa niikanukolu lɔ, fɔsa m'i taama jɛlɛlɔmina ni telenmandeya ani Alaɲasiyanɲɛ boloma dunuɲalɔtɛɛ min nɔ,

Hebululu 8:3

Komi salakalase kuntiiba kelenkelenna bɛ la yi siila niilifen ni kolofen salakabɔko le lɔ, wo lɔ, ale fana tɛɛ ka kan ka fen dɔ sɔlɔn, a yi min bɔ salaka le.

Hebululu 9:26

Ni wo tɛ kɛ, a tɛɛ tɔlɔya masɔlɔnne siɲa siyama le ka ta dunuɲa dan waate ma. Kɛɛ dunuɲa laban waate min nɔ yi ne, a vɛ na siɲa kelen ne le ka ban, fɔsa a yi julumbu ban ka bɛn salaka ma, a na a jɛlɛ bɔla min ne.

1 Piyɛli 1:20

Wo la tɛɛ vɛ tɛɛ Masa Tɔɔmasenin ma jani dunuɲa tɛɛ dan, kɛɛ a la vɛ nkɛnɛmaya waate laban min nɔ ka bɛn àilu le ma.

2 Piyɛli 3:7

Kɛɛ m'i sangbolo ni duukolo minu yena yi ne, wolu ladalonin Ala kumakan kelen wo le sabu la, fɔsa ai yi ɲɛnin taa bolo. Ai do ladalotɔle haan fɔɔ kititɛɛlon yi se, Alaɲasiyanɲɛbalilu kɛtɔ halakila lon min na.

Jude 1:15

ka adamaden bɛ ya kiti tɛɛ k'ai latɔn. A do kɛtɔ Alaɲasiyanɲɛbali bɛ jobaliyala ka bɛn aiya Alaɲasiyanɲɛbaliya kolu le ma, ani ka bɛn kuma yon minu fɔnin a kanma julumbutɔlu bolo minu tɛ siyanna Ala ɲa.»

Jude 1:18

Ai do k'a fɔ ài yɛ, ai vɛɛ: «Dunuɲa laban waate, lafeyalikɛbalu wulitɔ, k'ai bila ai niikanuko yonnu kɔ Alaɲasiyanɲɛbaliya boloma.»

Jude 1:4

Kamasɔlɔn mɔɔ dɔlu vɛ don ài tɛma doon nɔ, minu ya kolatɔn sɛvɛnin ka ta waate jaan ma. Samakan bɛlɛbɛlɛ ka bɛn mɔ Tii Ala ya nɛɛma ma, Alaɲasiyanɲɛbali wolu yi wo kɔlɔ le majɛlɛmana k'a kɛ malobaliyako dailu le, ani k'ai ban Masa Tɔɔmasenin Isa lɔ, min kelenpesa yi mɔ Kuntii le, ani mɔ Tii.