Lɔmukalu 5:21 - Ala Ya Salatikan Kula Kitabu

²¹ Julumbu na fanga sɔlɔnna ka bɛn saya le ma. Wo boloɲa kelen ma, Ala ya nɛɛma yi fanga sɔlɔnna ka bɛn telenmandeya le ma, min yi nala niimaya banbali le mɔ Tii Masa Tɔɔmasenin Isa sabu la.

Lɔmukalu 5:21 ပူးပေါင်းရင်းမြစ်များ

Matiyu 25:46

Mɔɔ wolu do taatɔ jangata banbali lɔ, kɛɛ mɔɔ telenninu taatɔ niimaya banbali le lɔ.»

Yohana 1:14

Kumakan ka kɛ adamaden ne k'i sii mɔ tɛma. Mɔ do na aa magbiliyali yena, ale Denkɛ kelenpesa min Fa na a lanala aa magbiliyali lɔ, nɛɛma ni tuɲandeya dafanin min nɔ.

Yohana 10:28

Ǹ'i niimaya banbali dila ai ma, ai do tɛnala halakila tuun, ado mɔɔ foi tɛnala sena ai jasola m̀ bolo.

Lɔmukalu 4:13

Ala na lahedi min tala Ibulahima ni a bɔzɔnnu yɛ k'a fɔ ko duukolo kɛtɔ kɛla ai ta le le, wo ma kɛ ka bɛn seliya latelenko ma, mafɔ telenmandeya min yi nala limaniya fɛ.

Lɔmukalu 5:12

Wo ma, julumbu donnin dunuɲa mɔɔ kelen ne sabu la, ado julumbu nanin saya le le. Wo le n'a kɛla, saya vɛ se mɔɔ bɛ ma, kamasɔlɔn bɛ vɛ kɛ julumbutɔ le.

Lɔmukalu 5:14

Kɛɛ wo bɛ n'a kɛ, ka ta mɔ bema Adama ya waate ma ka na sii Nabi Musa ya waate la, saya fanga le tɛɛ adamaden bɛ kunna, hali minu tɛɛ ma julumbu ta iwo Adama n'a kɛla teme ka Ala ya seliya tiɲa. Mɔɔ min tɛɛ ka kan ka na, mɔ bema Adama kɛnin wo misali le le.

Lɔmukalu 5:17

Ado ni saya fanga na siila bɛ kunna ka bɛn kɛ́ kelen ya julumbu taya kelen ma, a lagbɛyine feu ko mɔɔ minu yi Ala ya nɛɛma ba ni aa telenmandeya sɔli sɔlɔnna, wolu kɛtɔ masaya kɛla niimaya lɔ kɛ́ kelen ne sabu la, min kɛnin Masa Tɔɔmasenin Isa le.

Lɔmukalu 6:12

Ài do kà diɲa julumbu yi fanga sɔlɔn ài falikolo sata ma, ka to ài falikolo niikanukolu kɛla.

Lɔmukalu 6:14

Wo ma, julumbu tɛnala fanga sɔlɔnna ài ma butu, kamasɔlɔn ài tɛ seliya kɔlɔ butu, mafɔ Ala ya nɛɛma.

Lɔmukalu 6:16

Ài m'a lɔn ni ài k'ài jɛlɛ di mɔɔ min ma iwo jɔn k'a kumakan labato, wo vɛ kɛla, ài vɛ kɛ wo tii ma ya jɔn ne? Ni ài vɛ kɛla jɔnya lɔ julumbu bolo, wo laban yi saya le le. Ni ài do vɛ kɛla jɔnya lɔ Ala bolo k'a kumakan labato, wo laban yi telenmandeya le le.

Lɔmukalu 6:23

Kamasɔlɔn julumbu sala le saya le, kɛɛ Ala ya sɔli yi niimaya banbali le le mɔ Tii Masa Tɔɔmasenin Isa ya kafonɲɔɔya lɔ.

Lɔmukalu 8:10

Kɛɛ do, ni Masa Tɔɔmasenin lasawatinin ka kɛ ài lɔ, hali ni ài falikolo sanin ka kɛ ka bɛn julumbu ma, Nii Sɛnɛyanin yi niimaya dile, kamasɔlɔn ài vɛ kɛ telenmande le Ala ɲakɔlɔ.

Tite 2:11

Kamasɔlɔn Ala ya nɛɛma la vɛ nkɛnɛmaya, min yi nala kisiko le adamaden bɛ yɛ.

Hebululu 4:16

Wo le y'a ma, ài m'i madon Nɛɛmatii Ala ya masayasiifen na lanaya boloma, fɔsa a yi hena mɔ la, ka nɛɛma kɛ mɔ yɛ, ani ka mɔ madɛmɛn a waate bɛlɛ lɔ.

1 Piyɛli 5:10

Ado ài vɛ banna tɔlɔyala waateni kɔlɔ, Nɛɛmatii Ala min n'ài kilila aa habadan magbiliyali kanma Masa Tɔɔmasenin ya kafonɲɔɔya lɔ, ale gbu le kɛtɔ ài lasiila kula le, ka fanga di ài ma, ani k'ài bama kili.

2 Piyɛli 1:1

Ǹe Simɔn Piyɛli le yi lɛtɛlɛ min sɛvɛla, ǹe min yi Masa Tɔɔmasenin Isa ya bɔiden ni aa keladen ne. Ǹ'a lataala àilu le ma minu vɛ limaniya kulugbɛlɛn sɔlɔn iwo ǹu, ka bɛn mɔ Tii Ala ni Lakisilikɛba Masa Tɔɔmasenin Isa ya telenmandeya ma.

1 Yohana 2:25

Masa Tɔɔmasenin na lahedi min tala mɔ yɛ, wo le min ne: niimaya banbali.