Lɔmukalu 5:18 - Ala Ya Salatikan Kula Kitabu

¹⁸ Wo lɔ saa, iwo julumbu taya kelen na kɛla sabu le teme ka mɔɔ bɛ jobaliya, wo boloɲa kelen ma, kɛko telennin kelen vɛ kɛ telenmandeya ni niimaya sabu le mɔɔ bɛ yɛ.

Lɔmukalu 5:18 ပူးပေါင်းရင်းမြစ်များ

Yohana 1:7

A do ka na ka kɛ kɛnɛya wo masele le, fɔsa bɛ yi limaniya a sabu la.

Yohana 12:32

Ǹe koni la vɛ jɛlɛla ka bɔ duukolo kɔkan, ǹ kɛtɔ adamaden bɛ masamana k'ai lana m̀ ma.»

Yohana 3:26

Ai do ka taa Yaya fɛlɔ k'a fɔ a yɛ, ai vɛɛ: «Kalanmɔɔ, ile ni kɛ́ min tɛɛ i ɲɔɔ fɛ Julidɛn kɔɔ kɔma, i na seleya dila ka bɛn min ma, wo le yi mɔɔlu makola yi ne, bɛ do yi taala a kɔ.»

Kɛkolu 13:39

Ado ni mɔɔ minu ka limaniya a ma, wolu bɛ la yi fɛlɛle k'ai bɔ aiya julumbu bɛ ma, k'a talan Nabi Musa ya seliya ma se ài lafɛlɛla.

Lɔmukalu 3:25

Ala na ale le bɔla julumbu lɔkoto salaka le ka bɛn a jeli bɔnko ma, min yi se sɔlɔnna limaniya boloma. Wo ka kɛ Ala ya telenmandeya jiyako le lɔ, kamasɔlɔn kɔlɔkɔlɔ le, a tɛɛ a ɲa lagbanna mɔɔlu ya julumbulu kunna ka bɛn aa sawali ma.

Lɔmukalu 4:25

Isa donnin tɛɛ saya bolo ka bɛn maa julumbulu le ma, ka ban k'i wuli kɔtunun fɔsa m'i jate telenmande le Ala ɲakɔlɔ.

Lɔmukalu 5:12

Wo ma, julumbu donnin dunuɲa mɔɔ kelen ne sabu la, ado julumbu nanin saya le le. Wo le n'a kɛla, saya vɛ se mɔɔ bɛ ma, kamasɔlɔn bɛ vɛ kɛ julumbutɔ le.

Lɔmukalu 5:15

Kɛɛ julumbu min tanin Adama bolo ani Ala ya sɔli, wolu tɛ se lala i ɲɔɔ ma. Kamasɔlɔn ni mɔɔ siyama na sala ka bɛn kɛ́ kelen ya julumbu taya kelen ne ma, a lagbɛyine feu ko Ala ya nɛɛma ni aa sɔli vɛ siyaya mɔɔ jilika jilika yɛ ka bɛn kɛ́ kelen ya nɛɛma ma, min kɛnin Masa Tɔɔmasenin Isa le.

Lɔmukalu 5:19

Kɛ́ kelen ya kolobaliya na kɛla sabu le ka mɔɔ siyama kɛ julumbutɔ le. Wo boloɲa kelen ma, ka bɛn kɛ́ kelen ya kannabatoli ma, mɔɔ siyama jatetɔ telenmande le le.

Lɔmukalu 6:14

Wo ma, julumbu tɛnala fanga sɔlɔnna ài ma butu, kamasɔlɔn ài tɛ seliya kɔlɔ butu, mafɔ Ala ya nɛɛma.

1 Kolɛntikalu 15:22

Ado mɔɔ bɛ kɛtɔ sala mɔ bema Adama ya kafonɲɔɔya lɔ teme, wo boloɲa kelen ma, niimaya kɛtɔ dila mɔɔ bɛ ma ten ne minu yi Masa Tɔɔmasenin ya kafonɲɔɔya lɔ.

Hebululu 2:9

Kɛɛ mɔ do yi ale le yena, min lɔya ka dɔɔya ka timin mɛlɛkalu ta la waateni kɔlɔ, Isa koni, magbiliyali ni buɲali dinin a ma iwo masayafula ka bɛn aa saya tɔlɔya ma, fɔsa a tɛɛ sa bɛ yɛ ka bɛn Ala ya nɛɛma ma.

2 Piyɛli 1:1

Ǹe Simɔn Piyɛli le yi lɛtɛlɛ min sɛvɛla, ǹe min yi Masa Tɔɔmasenin Isa ya bɔiden ni aa keladen ne. Ǹ'a lataala àilu le ma minu vɛ limaniya kulugbɛlɛn sɔlɔn iwo ǹu, ka bɛn mɔ Tii Ala ni Lakisilikɛba Masa Tɔɔmasenin Isa ya telenmandeya ma.

1 Yohana 2:20

Kɛɛ àilu koni vɛ Nii Sɛnɛyanin sɔlɔn, Ala ya Mɔɔ Sɛnɛyanin na min lajiila ài kɔkan, wo ma, ài bɛ ka tuɲa lɔn.