Lɔmukalu 5:17 - Ala Ya Salatikan Kula Kitabu

¹⁷ Ado ni saya fanga na siila bɛ kunna ka bɛn kɛ́ kelen ya julumbu taya kelen ma, a lagbɛyine feu ko mɔɔ minu yi Ala ya nɛɛma ba ni aa telenmandeya sɔli sɔlɔnna, wolu kɛtɔ masaya kɛla niimaya lɔ kɛ́ kelen ne sabu la, min kɛnin Masa Tɔɔmasenin Isa le.

Lɔmukalu 5:17 ပူးပေါင်းရင်းမြစ်များ

Matiyu 25:34

Wo kɔ, Masakɛ kɛtɔ a fɔla a bolokininɔ talu yɛ, a vɛɛ: ‹Ǹ Fa ya duwawudennu, ài yi na, ài yi don ǹ Fa ya masaya lɔ, min lɔbɛnnin tɛɛ ài yɛ ka ta dunuɲa dan waate ma.

Yohana 10:10

Son tɛ nala ko ko si lɔ mafɔ suɲali, faali, ani tiɲali. Ǹe koni nanin fɔsa mɔɔlu yi niimaya sɔlɔn lawasa lɔ.

Lɔmukalu 5:12

Wo ma, julumbu donnin dunuɲa mɔɔ kelen ne sabu la, ado julumbu nanin saya le le. Wo le n'a kɛla, saya vɛ se mɔɔ bɛ ma, kamasɔlɔn bɛ vɛ kɛ julumbutɔ le.

Lɔmukalu 5:15

Kɛɛ julumbu min tanin Adama bolo ani Ala ya sɔli, wolu tɛ se lala i ɲɔɔ ma. Kamasɔlɔn ni mɔɔ siyama na sala ka bɛn kɛ́ kelen ya julumbu taya kelen ne ma, a lagbɛyine feu ko Ala ya nɛɛma ni aa sɔli vɛ siyaya mɔɔ jilika jilika yɛ ka bɛn kɛ́ kelen ya nɛɛma ma, min kɛnin Masa Tɔɔmasenin Isa le.

Lɔmukalu 5:20

Nabi Musa ya seliya la ka jii fɔsa maa julumbu dɔ yi to lala a kɔkan. Kɛɛ julumbu ka wala ɲa o ɲa ma, Ala ya nɛɛma walayine ka timin wo la feu.

Lɔmukalu 6:14

Wo ma, julumbu tɛnala fanga sɔlɔnna ài ma butu, kamasɔlɔn ài tɛ seliya kɔlɔ butu, mafɔ Ala ya nɛɛma.

Lɔmukalu 6:23

Kamasɔlɔn julumbu sala le saya le, kɛɛ Ala ya sɔli yi niimaya banbali le le mɔ Tii Masa Tɔɔmasenin Isa ya kafonɲɔɔya lɔ.

1 Kolɛntikalu 15:49

Mɔ sɔlɔnnin kɛ́ wo sawula lɔ teme min ladannin duu bamu le, wo boloɲa kelen ma, mɔ kɛtɔ kɛ́ kelen wo le sawula tala min bɔnin haijɛnɛ.

1 Kolɛntikalu 4:8

Ài vɛ wasa jɔ! Ài do vɛ banaya jɔ! Ài vɛ masaya damina, k'a talan mɔ fɛ tɛ ài la! A tɛɛ bɛnne ni ài tɛɛ kɛ masa le, fɔsa mɔ fɛ tɛɛ kɛ àiya masaya la!

Filipikalu 3:9

ka ǹ kafonnin to a kɔkan. Ǹ tɛ m̀ bolomalala ǹe gbu ya telenmandeya ma min yi sɔlɔnna seliya latelenko fɛ, mafɔ m̀'ɛ a dɔgbɛlɛ sɔlɔn min yi nala limaniya fɛ Masa Tɔɔmasenin ma, wo le Ala ya telenmandeya le min jusiinin limaniya kɔkan.

1 Timote 1:14

Mɔ Tii na ǹ sɔla aa nɛɛma sɔ bɛlɛbɛlɛ kɛ, ka limaniya ni kanundeya di m̀ ma minu yi sɔlɔnna Masa Tɔɔmasenin Isa ya kafonɲɔɔya lɔ.

2 Timote 2:12

Ni mɔ ka mɔ sawali, mɔ kɛtɔ masaya kɛla a fɛ fana. Ni do mɔ ka mɔ ban a lɔ, ale fana kɛtɔ a banna mɔ lɔ.

Janguba 2:5

Ài tolomalɔ, ǹ diyanan badenmalu! Jalasa Ala ma dunuɲa fandannilu ta fɔsa ai yi banaya limaniya lɔ, ani k'ai fɛ bila aa masaya la, a na min lahedi tala a kanundelu yɛ?

1 Piyɛli 2:9

Kɛɛ àilu do yi bɔzɔn ne le min tanin mɔɔlu tɛma, ani Masaba ya salakalasebalu, ani siboloma min bilanin a ta fan Ala yɛ, ani a jɛlɛkanu mɔɔ kulugbɛlɛnnu, fɔsa ài yi kɛ a kɛko ɲuma balu lasena, ale min n'ài kilila k'ài labɔ divi lɔ k'ài ladon aa kɛnɛya makawanin nɔ.

Ko Lankɛnɛmayanin 1:6

A do vɛ mɔ kɛ aa masaya dongolu le, ani salakalaseba minu yi baalela a Fa Ala yɛ. Magbiliyali ni seetiiya y'a ta le le waate bɛ ani habadan! Amiina!

Ko Lankɛnɛmayanin 20:4

Wo kɔ, ǹ ka masayasiifen dɔlu ye. Mɔɔ minu siinin tɛɛ wolu kɔkan, kititɛɛko see tɛɛ vɛ di wolu ma. Ado mɔɔ minu kun tɛɛ vɛ tɛɛ a la ka bɛn Isa ya seleyakan ni Ala kumakan ma, ǹ ka wolu niilu ye je fana. Wolu tɛɛ ma diɲa soofali ni a sawula batoko ma, kumatɛ k'a tɔɔmase sɔlɔn ai ten na, niwotɛ ai bolo ma. Mɔɔ wolu ka seikɔ niimaya lɔ, ai do ka masaya kɛ Masa Tɔɔmasenin fɛ sanji waa kelen kɔlɔ.

Ko Lankɛnɛmayanin 20:6

Duwawuden ni mɔɔ sɛnɛyanin ne wolu le minu fɛ yi fulenilu lawuliko kunfɔlɔ la. Saya filana tɛnala see sɔlɔnna ai ma butu, ai do kɛtɔ kɛla Ala ni Masa Tɔɔmasenin ya salakalasebalu le le, ka masaya kɛ a fɛ sanji waa kelen kɔlɔ.

Ko Lankɛnɛmayanin 22:5

Su tɛnala kola butu. Ai mako tɛnala kɛla fitina kɛnɛya la, niwotɛ tele kɛnɛya, kamasɔlɔn ai Tii Ala gbu le kɛtɔ kɛla aiya kɛnɛya le. Ai do kɛtɔ masaya kɛla waate bɛ ani habadan.

Ko Lankɛnɛmayanin 3:21

Ni mɔɔ min ka see sɔlɔn, ǹ kɛtɔ wo tii lasiila ǹ dafɛ ǹa masayasiifen nɔ, iwo ǹ na see sɔlɔnna teme ka ǹ sii ǹ Fa dafɛ aa masayasiifen nɔ.